Page Text
________________
[ २०-२१ सयंभुवासुदेव-भद्दबलदेवाण चरियं ]
विमलतित्थयरकाले सयंभू वासुदेवो भद्दो य बलदेवो समुप्पण्णो । ते य पण्णासवरिसलक्खाउया सद्विधासुयदेहा य । तत्थ य बलदेवो सिद्धो । इयरो य णरयगामी संवुत्तो। कहं ? भण्णति
अत्थि इहेव जंबुद्दीवे दीवे भारहे वासे [? बारवई णाम गयरी । तत्य य रुद्दो णाम णराहिवो परिवसइ । तस्स य पढवीणाम महादेवी। तीए सह सयलिदियसंपुष्णं विसयसुहमणुहवंतस्स समुप्पण्णो सयंभ णाम पुत्तो। सयंभुणो जेट्ठभाया भद्दो त्ति । ते य दो वि भायरो अइक्वंतकुमारभावा अहिणवजोवणत्था] गीतेसु कुसला, सत्येसु गहियत्था, चावम्मि णिच्चला, करवाले कराला, असिवेणुपवेसम्मि सुपइट्ठिया, चित्तडण्डे विचित्ता, चक्कम्मि पंचला, मोग्गरम्मि मुसुमूरियारिणो, मूलम्मि जणियसत्तुमूला सन्चजणाणुमया वियरंति । एवं च भरहखेत्तं वियरंतेहिं दोहिं वि बलदेववासुदेवेहिं दिह्रो चउणाणी संखउरवाहिरुज्जाणावासिओ मुणिचंदो णाम अणगारो । तं च दद्रुण बैलएवेण भणियंपेच्छामो एयं महामुगि, करेमो अत्तणो जम्मं सफलं ति । तओ सयंभुणा तयणुरोहेण भणियं-एवं करम्ह । एवं च भणिऊण गया साहुसमी । वंदिओ य मुणी। धम्मलाहिया मुणिणा उवविट्ठा चलणंतिए । कहावसाणे य भणियं बलएवेण-भयवं ! पढमजोवणम्मि किं भोगपरिचायकारणं ? ति साहेउ अम्हाणं भयवं, अवणेउ कोऊहलं । तओ भयवया भणियं-सोम ! जइ अणुबंधो ता मुंणमु संसारविलसिँयं । ति भणिऊण सवपरिसाए णियचरियं
साहिउमाढत्तो
अस्थि जंबुद्दीवे दीवे भारहे वासे सोरियपुरं णाम जयरं । तत्याहं दंढवम्मुणो पुत्तो गुणधम्मो णाम परिवसामि । गहियकलाकलावो य गरवइणो पुरजणस्स य अचंतं मणाभिप्पेओ।
अण्णया य 'वसन्तउरसामिणो ईसाणचंदस्स धूयाए कणगैमईए सयंवरो' ति सोऊण महया चडयरेणमहं गओ । पत्तो, आवासिओ बाहिरियाए। पविट्ठो य सयंवरामंडवे । अण्णे य बहवे रायउत्ता । तओ अहं रायधूयाए णिद्धाए दिट्ठीए ईसीसिवलन्तद्धच्छिपेसियच्छिच्छोहहिययगयभावं पिसुगन्तीए पलोईओ । विष्णायं तं मए जहा-इच्छइ ति । तओ पच्चूसे सयंवरो भविस्सइ ति गओ णिययमावासं । अण्णे वि रायउत्ता सहाणेसु गया । "एत्यन्तरम्मि रयणीए पढमजामम्मि समागया एगा परिणयवया दासचेडीहि परिवारिया इत्थिया । तीए समप्पिया चित्तवट्टियाए लिहिया विज्जाहरदारिया । "तीए य हेट्टओ अहिप्पायसूयगा गाहा
तुह पढमदंसणुप्पण्णपेम्मरसविणडियाए मुद्धाए । कह कह वि संठविजइ हिययं हियसन्चसाराए ॥१॥
तो तयणन्तरमेवे उप्पियं तम्बोलं समालहणयं च, कुसुमाणि य । सव्वं च गहियं सबहुमाणं कुमारेणं । दिण्णं च तीए कण्ठाहरणं पारिओसियं । भणियं च तीए-कुमार! भट्टिदारियाएसेणं किंचि वत्तव्यमत्थि, ता विवित्तमादिसउ कुमारो। तओ कुमारेणं पासाई पलोइयाई, ओसरिओ परियणो । तओ भणिओ तीए-कुमार ! कुमारी विष्णवेइ जहा-इच्छिओ मए तुमं, किंतु जाव य मैह कोइ समओ ण पुण्णो ताव य तए अहं ण किंचि वत्तव्वा, किंतु मए तुइ परिग्गहे चेव चिट्ठियव्वं ति । मए भणियं-एवं भवतु, को दोसो ? त्ति ।
तो पच्चूसे सयलणरईपच्चक्खं लच्छीए व महुमहस्स महं तीए उप्पिया वरमाला । विलक्खीभूया सॅयलरायाणो गया णिययहाणेसु । तो सहीहि सा भणिया-पियसहि ! को एयस्स तए गुणो दिट्ठो जेण समप्पिया वर
. १ रो पर सू । २ बलदेवेण जे, एवमन्यत्रापि । ३ णा य त जे । ४ करेम्हि सू । ५ ओ मुंसू । ६ सुण संसू । - सियन्ति सू। ८ दढधम्मुणो पुत्तो गुणवम्मो जे । ९ अच्चंतेणाऽभि सू । १० गवईए जे । ११ एत्यंतरे रय जे । १२ परियरिया जे । १३ तीए हेंसू। १४ पेम्मवस सु। १५ व अप्पिय जे । १६ मह समओ कोइ ण सू। १७ इसमक्वं जे । १८ सवरा जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |