Page Text
________________
चउप्पन्नमहापुरिसचरियं । एवं च सावट्ठभं भणिऊण विसज्जिओ दूओ । णिग्गच्छंतो पुणरवि भणिओ तिविठ्ठणा जहा-दूध ! भणसु णियसामी, किमेत्य कालक्खेवकारणेणं दूयसंपेसणेणं ?, पयडपरकमो तुम विणिग्गयपयावो दंडसंपओववेओ बलभरदलियमहीवीढो केणावि अपरिमलियपुरिसयारो, ता किं बहुणा?, तहा तए रणभूमीए परिसकियध्वं जहा ण मलिज्जइ चिरसंचिओ जमुग्धाओ । संदिसिऊण पविओ दूओ । गओ णिययमावासं । पडिहारजाणाविओ य पविट्ठो रायसमीवं। दिट्ठो य महाराओ । पायपडणुटिएण य सव्यं जहट्ठियं चेय तिविठ्ठसंदिटं सिटुं। ___ सुणिऊण आसग्गीवेण भणियं-एवंविहा चेव वयणमेत्तसाराणमुल्लावा इवन्ति, ता आसण्णो चेव रणभरो, एत्य णिबडइ सुवुरिस-कावुरिसाणं सरुवं । ति भणिए भणियं दूएणं पइरिके जहा-देव ! किं तं जं ण याणसि ?, को वा विवेओ अम्हारिसाणं ?, तहा वि देव ! तुम्हारिसाणुहावेण चेव जं मए परिच्छिण्णं तं भणामि देवाणुमतीए । त्ति विष्णविए मणियं महाराएणं-भणसु, को दोसो ? ति । तओ दूओ भणिउमाढत्तो-“देव ! अणुकूलभासिणो पियंवया य राईण भवंति सव्वे वि अणुजीविणो, जे उण परिणाममुहावहं मुहकडुयं फुडक्खरं जपंति ते विरला चेव, अहवा ण सन्ति चेव त्ति । ता देव ! अती बल-परकमोववेओ तिविठू, गरुओ अबटुंभो णियभुयाणं । जस्स य णियभुयबलं तस्स चेव बलं । किमेएहिं सुबहुवेहिं वि वायसेहिं विय भक्षणमेत्तसहाएहिं पुरिसेहिं कीरइ ? ति । ता देवो तं चेव सहायं काऊण परिमलउ पडिबक्खाहिमाणं ति । विरोहो उण तेण सद्धिं अणत्थस्स मूलं ति मह मयं, संपयं देवो पमाणं "। ति भैणिऊण ठिओ दूओ। आसग्गीवो वि मुमरियणेमित्तियवयणो अवसउणजणियहिययावेओ दिट्ठपडिवक्खावटभो विसण्णणियसामन्तपरियणो अप्पाणं गयजीवियं पिव' मण्णमाणो केवलं कइयवजणियावर्टभो भणिउमाढत्तो-रे दूय ! किमेवमाउलीहूओ ? पेच्छसि सिग्यमेव तस्स बलं, ति मणिऊग 'वीसमसु' त्ति विसज्जिओ दूओ । कयमुचियकरणिजं । सम्माणिया महासामन्ता। संवग्गियाऽणुजीविणो । दिण्णं महादाणं । समाहया संगाममेरी । सण्णद्धा मुहडा। कया सारिसज्जा मयगला । गुडिया तुरंगमा। समाहयाणि समरतूराणि । णीहरिओ महया विमद्देणं आसग्गीवो त्ति।
विण्णाओ य एस बुत्तन्तो तिविठ्ठणा जहा-समागओ आसग्गीवो समरभूमि । तओ तक्खणमेव दुप्पेच्छो जाओ, कहं ?
रोसवसुन्भडसंगलियरायरज्जन्तगंडवासं से। वयणं सविसेसारुणरायं दुप्पेच्छयं जायं ॥३९॥ उन्भडभिउडिभयंकरणिडालब पि जललवालिद्धं । पयतीए तस्स सोमं पि अत्ति जायं दुरालोयं ॥४०॥ गरुयामरिसवियंभियअपरिप्फुडवण्णवयणविष्णासो । तव्वेलं चिय जाओ तिविट्ठणो रोसपिमुणो से ॥४१॥ इय सविसेसुक्करिसाग पुहइपालाणमसुयमणाण । संगामणिमित्तं सुबुरिसाण दिण्णो समाएसो ॥४२॥
एवं च तिविठ्ठणा गहियसंगामोवगरणेणं महया सम्मदेणं दिण्णं पयाणयं संगामभूमीए समुहं ति। तओ समाच्याणि संगामतूराणि । पलम्बियाणि चिंधाणि । हक्कारिया एकमेकं सुहडेहिं सुहडा जुज्झिउं पयत्ता विचित्तजुज्झेहि । एवं च कइ वि वासरा महया सम्मद्देणं पयट्टमाओहणं । ___ अ(त)ओ पडन्तेसु सुहडेसु, भमन्तेसु सुग्णासणेसु तुरंगमेसु, भजंतीसु गयघडामु, संभारिजंतेमु सामिसम्माणेसु, उच्छलंतेमु साहुक्कारेसु, भजतेसु कायरेसु, जससे सुसज्जएमु सुहडेसु, समुल्लसंतेसु पुरिसकारेसु, एक्कम्मि दिवसे जायं पहाणजुझं दोण्हं पिणायगाणं । तओ जुज्झिऊण सव्वाउहेहि ओहामिज्जन्तेण आसग्गीवेण गहियं चक्करयणं करयलेणं । ममाडिऊगं च संपेसियं तिविठ्ठणो। तं च देवयाणुहावेण भत्रियचयाणिओएण य पयाहिणी काऊण ठियं दाहिणकरयले तिविटुणो । तेणावि अमरिसवसावूरियहियएणं पेसियं आसग्गीवस्स । तेणावि चक्केण तालफलं व पाडियं सीसं पडिवासुदेवस्स त्ति । उच्छलिओ जयजयारदो । तुडेहि य तियसा-ऽसुरेहिं मुकं कुमुमवरिसं । साहुकारिओ सयल जणेणं । भणियं च सुरसमूहेहि-एस पढमो वासुदेवो समुप्पण्णो ति ।
१ पायव जे । २ चेव जे । ३ सुपुरिस जे । ४ दोसु जे । ५ भाणउठिंजे। ६ गुडिऊण पखरिया तुरं जे । ७ महाविजे। ८ "लवाविद्धं सू । ९ च पेसि जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |