Page Text
________________
[ ९ सुपाससामिचरियं ]
तओ पउमप्पभाओ सागरोवमाणं णवहिं सहस्सेहिं कोडीणं गयाणं सुपासो समुप्पण्णो । सो य पियंगुमंजरीणिभो दोणि धणुसयाणि उच्चत्तेणं, वीसपुचलक्खाउओ त्ति । कहं ? भण्णइ
जे संसारालंकारकारणं महियलम्मि ते केइ । उप्पज्जति सरूवेण पुण्णरासि च सप्पुरिसा ॥१॥
अस्थि इहेब जंबुद्दीवे दीवे भारहे वासे कासी णाम जणवओ पउरजण-धणसमाउलो पमुइयगामिणयजणजणियहलबोलो अज्जत्तसंपज्जन्तसासच्छेत्तरमणिज्जो, अवि य
सइ जत्थ व तत्थ व जह व तह व संपडइ भोयणमणग्यं । दारिद्दघरेसु वि पंथियाण दहि-सालि-कूरेण ॥२॥
तत्थ य वाणारसी णाम णयरी । तहिं च रिद्धिविणिज्जियकुबेरविहवा वसंति जणवया। तत्थ य दरियारिमद्दणो भुवणभरिउन्नरियजसपम्भारो कित्तिमहागइणिग्गयवाहो समुण्णयभुयसिहरो दूरविणिग्गयपयावो सैयलजणाणंदकरो सुपइट्ठियचरिओ सुपइट्ठो णाम णरवई । तस्स विणिज्जियरतिरूवविब्भमा आयारकुलहरं विणयावासा सयलजणाणंदयारिणी पुहइ म खमाए पुहई णाम महादेवी । तीए य कवोलुच्छलियबहलजुण्हापवाह एव मुहपक्खालणं, कण्णन्तखलियलोयणजुवलमेव णीलुप्पलं, विलासह सियच्छेय एव चंदणंगराओ, णीसाससमीरणविसेसा एव सुगंधिणो पडवासा, अहरुच्छलियतिसमूह एव घुसिणमंडणं, मिउ-मंजुभासियाई चेव वीणाविणोओ, बाहुलयाओ चेव लीलामुणालाणि, हत्था एव विलासकमलाणि, थणकलसा एव णिम्मलदप्पणा, णियदेहप्पहा चेव आहरणं, कोमलंगुलिराग एव जावयरसो। एवं च सा अवयवेहिं भूसिया संचालिणि ब थलकमलिणी मंडइ भवणोवरद्धं ति। एवं च तीए सह विसयसुहमणुहवन्तस्स सुपइट्ठियराइणो अइकंतो कोइ कालो। ___ अण्णया सा रयणीए चरिमजामम्मि सुहपसुत्ता चोदस महासुमिणे पासिऊण विउद्धा समाणी साहेइ दइयस्स । तेण वि य अहिणंदिया पुत्तजम्मन्भुदएण। तओ गेवेज्जाओ चुओ तम्मि चेव रयणीए भद्दवयसुद्धपंचमीए विसाहजोगजुत्ते मियंके पुहईएँ गब्भे समुन्भूओ, संवढिओ य। सुहंसुहेण पसूया जेट्ठस्स सुद्धवारसीए विसाहारिक्खम्मि । 'भगवम्मि य गब्भगए जणणी जाया सुपास' ति तो भगवओ सुपास त्ति णामं कयं । कओ पुनक्कमेणेव सोहम्माहिवइणा जम्माभिसेओ। वढिओ य । विवाहिओ य।
पंच य पुचलक्खा कुमारभावमणुपालिऊण, चोदस य पुव्वलक्खे वीस य पुव्वंगाइं रज्जमणुवालिऊण य, लोगन्तियपडिबोहिओ जेट्ठस्स सुद्धतेरसीए विसाहाणक्खत्ते पइण्णामंदरमारूढो । जहुतविहारेण य विहरिऊण पियंगुतरुच्छायाए पियंगुमंजरीसामदेहो णव मासे छउमत्थभावमणुवालिऊण फग्गुणबहुलछट्ठीए दिवं गाणं संपत्तो। विरइयं देवेहिं समोसरणं । पन्चाविया य तेणउई गणहरा भगवया। पत्थुया धम्मकहा। संबुझंति पाणिणो । तं जहा
चइयव्वं मिच्छत्तं, णिराकरणीया चत्तारि कसाया, उज्झियव्या अविरती, णाणुठेयं पमायाचरणं, णिरंभियव्वा सावज्जा मण-वइ-कायजोगा, गहियव्वाणि सम्मत्त-णाण-चरणाणि, जिंदणीओ विसयाहिसंगी, अहिलसणीओ कम्मक्खओ ति । तमायण्णिऊण भणियं गणहारिणा-भयवं ! एवमेयं, ण संदेहो, किं पुण किंभूयं कम्मं जस्स खओ य अहिलसणीओ ?। भगवया भणियं-"सोम ! सुण, णाणावरणाइयाणि अट्ठ कम्माणि मूलभेयओ हवंति । उत्तरभेएण पुण णाणावरणीयं
१ पवहो सू । २ सयाणंद सू । ३ जुयल जे । ४ °ए सो ग जे । ५ सुपासु जे ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |