Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 153

चउप्पन्नमहापुरिसचरियं । तो तमायण्णिऊण भणियं भरहाहिवेणं-" सच्चमेयं जं तुम्हेहि वुत्तं । असारो चेव एस संसारो, जओ सुमिणयसमा बंधुसमागमा, गिरिणइपूरसमाणं जोवणं, छायासमा लच्छी, कुसग्गजललवचंचलं जीवियं, सक्कचावसच्छहो पेमाणुबंधो, माइंदजालसण्णिहो कुडुम्बसण्णिवासो, गयकण्णचंचलो विहवसारो । ता जाव ण उत्थरइ जरपिसाइया, जाव ण वसीकरेइ मच्चुवेयालो, जाव य पयतितरला ण दंसेइ वियारं रायलच्छी, जाँव य ण परिहायइ इंदियप्पसरो, जाव ण छहुँति विसया, जाव य वसे वट्टइ सरीरयं, ताव य विवेइणा चइऊण सयलमण्णं अणवरयं कायव्यमप्पहियं । ण य धम्मऽणुट्ठाणं मोत्तूण अणं अत्थि अप्पहियं, जओ णिग्गुणो एस संसारो, समासण्णाओ आवईओ, सयासण्णिहिओ मच्चू, दारुणो विसयपरिणामो, विसमा कम्मपरिणई, घोराओ गरयवियणाओ । अपरिचत्तविसयाणं च पाणिणं अवस्सं णरय-तिरिएसु वासो, णिस्संगाणं च सग्गा-ऽपवग्गेसु । सबस्स वि अवस्संभावी विओओ रायलच्छीए विसएहि य । ता जाव ण छड्डेति ता वरं मुक्काइं एयाई । परकीएमु य एएसु को पडिबंधो ? । ता ठविऊण भागीरहं रज्जे करेमि महापुरिससेवियं धम्म, चएमि अथिरं असारं अपरिच्चयं रायलच्छि, जाव अम्हे वि अखलियगतिपसरो ण संभालेति मच्चू"।
इय एवं जाव वेरग्गमग्गमणुसरंतो णिविण्णसंसारवासो राया अप्पाणमणुसासेंतो संसारसहावं, पणइबग्गस्स 'तुम्हाणं पिवयगहणणं चेव सोही होहि' त्ति भणंतो जाव चिहइ ताव अट्ठावयसमासण्णजणा हाहारवं करेंता संपत्ता रायंगणं । भणियं च तेहि-महाराय ! परित्तायाहि परित्तायाहि । तओ तमायष्णिऊण भणियं राइणा-किमेयंति। तयणंतरं च पडिहारेहिं पवेसिया गामलोया। णिवेइयं च तेहिं पायवडणुट्टिएहिं जहा-देव ! जा सा खाइया कुमारेहिं भरिया उदयस्स तमुदयं तत्थ अमायन्तं पासेसु विसप्पिउमारद्धं, भरिऊण खाइयं थलपहेसु वियंभिउं पयट्ट, तेण य वियम्भमाणेणं खाइयाऽऽसण्णगामणगराइ सव्वमाउलीकयं, तओ तं देवो चेव परं णिवारेइ, ण अण्णो'त्ति कलिऊण आगया देवचलणन्तियं, अणिवारिजंतं च बहुं विणासेइ, तओ दयं काऊण तं णिवारेउ देवो ति। तओ पुत्तपुत्तस्स भागीरहस्स दिण्णो आएसो भरहाहिवेण जहा-वच्छ ! जणाणमाउराणं करेहि परित्ताणं, दंडरयणेणं णेहि जलोहं सायरं, रक्खंतो णगर-णिवेमुजाण-दीहिया-पुक्खरणाइयं भवणवासीणं च भवणाणि, दिट्ठो य पमायाऽऽचरणविवागो वच्छेणं, तओ सव्वकज्जेसु अप्पमाइणा होयव्वं, देवदाणविंदाणं उवरोहपरेण होयचं ति । एवमाइ बहुं अणुसासिऊण पेसिओ भागीरहो। णिम्गओ य भरहाहिवं पणमिऊण, 'महापसायं च भणिऊण, पडिच्छिऊण य आणत्तियं सिरेणं ति । पुणो विणयगाहणत्यं सहाविओ सयरेणं भागीरहो। पविट्ठो रायसयासं । पुणो पणमिऊण उवविठ्ठो चलणन्तिए । भणिओ य सयरेण जहा-"ते वच्छ ! सुकुलुप्पत्ती पहुत्तणं विहवो अहिणवजोन्वणं, अणण्णसरिसा रूवसंपया, कलासु पगरिसो, सस्थऽस्थपारगत्तणं, आउहेसु कुसलत्तणं, दढपहारित्तं, अणुवमं वीरियं, अणण्णसरिसं पोरुसं, णिग्गयपयावत्तणं, एयाणमेगं पि उम्मग्गपवत्तणसमत्थं, किं पुण समवाओ ? । एयाणि ते सव्वाणि समुइयाणि । जहा एएहि ण मुठ्ठ वसीकीरसि तहा जइयव्यं । अवि य
उत्तमकुलप्पसई, रूवं रमणीण हिअयमुकुमालं । सत्थऽत्थखेयखिण्णा मती य, भुयबलमलं वच्छ ! ॥ १७९ ॥ तिहुयणसलाहणिज्जा लच्छी, आणा य णरसिरुव्बूढा । एयाणेक्ककं पि हु सुदुजयं, किं पुण समूहो ? ॥१८०॥ सूर-ऽग्गि-रयणतेयाऽविणिजिओ दूरवियरियपयावो । जोव्वणतमो वियम्भइ मोहसहाओ धरणिमग्गे ॥ १८१॥ जो उण सयलणरीसरपरिणामाऽसज्झदारुणो सुवणे । लच्छीमओ महायस ! पुरिसं लहुएइ सयराहं ॥ १८२॥ पुक्कयकम्मपरिणइवसेण विहवो कुलं बलं रूबं । एयाइं कह वि जायन्ति जइ वि गुणिणो गुणा ण उणो ॥१८३॥ चइऊण गरुयदप्पं विणयं सिक्खेसु, णम्मयं भयम् । विणओणयाण पुत्तय ! जायंति गुणा महग्धविया ॥ १८४॥ विणयुज्जुयाण कित्ती विउसाऽऽणणपहयसद्दजयपडहो । धम्मो अस्थो कामो कलाओ विज्जा य विणयाओ ॥१८५ ॥ विणएण लष्भइ सिरी, लद्धा वि षलाइ दुग्विणीयाण । णीसेसगुणाहाणं विणओ चिय जीवलोयम्मि ॥ १८६॥ इंदियजएण विणओ, विणएण गुरू, तओ वि सत्थऽत्यो। तत्तो वि गुरुविवेओ कज्जा-ऽकज्जेसु होइ फुडो॥१८७॥ होन्ति विवेएण गुणा भुवर्णेभितरविढत्तमाहप्पा । गुणवन्तयम्मि जायइ जणाणुराओ असामण्णो ॥१८॥ ५ पेम्मा जे । २ जाव ण सू । ३ यवेयणाओ जे । ५ णा-कि किम जे। ५ णमंतर जे।