Page Text
________________
४ सगरचक्वट्टिचरियं ।
६४ वसणम्मि समावडिए पयई ण हु कह वि सुपुरिसो मुयइ । राहुमुहगहियमुक्को वि तबइ सूरो धरावीदं ॥ १५६॥ इय मुणिऊण महायस ! संसारं विरसदुग्गममसारं । चइऊण सोयपसरं धीरा ! धीरत्तगमुवेहि ॥ १५७ ।। तुम्हारिसाण वरपहु ! सुमुणियसत्थऽत्थवित्थरऽत्थाण । मोत्तूण णियविवेयं को अग्गो देउ उवएसं ? ॥१५८ ॥
इय एवं भणिऊणं बंभणेण भणिओ महामन्ती जहा-साहसु जहट्टियं वुतंतं महारायस्स । तयणंतरं च सुबुद्धिणा उहिऊण विण्णवियं जहा-"देव ! सुणमु विष्णत्तियं' ति भणिऊग साहियं जहट्ठियं गिरवसेसं जहा अट्ठावयस्स खया खाइया, जहा य गंगा पवाहिया, जहा रूसिऊण भुयंगाहिवइणा गयणऽग्गिणा दड्ढा सैहि पि सहस्सा तुम्ह पुत्ताणं, ता महाराय ! तत्थ ण बलं, ण आउहं, ण मन्तो, ण तन्तो, ण विजाइयं अण्णं पि किंपि पहबइ त्ति, एवं च ववत्थिए जमम्हेहि कायव्वं तमाइसउ देवो, जओ देव ! ण जुत्तमम्हाणमेरिसं साहिउं । ण हि मरणमन्तरेगमम्हाणं सुद्धी होइ त्ति । ता केण उण मरणेणमेस कलंको समोसरइ ?, वियारिऊण सयमेव देवो समाइसउ । देवस्स उग सोओ ण काउं जुत्तो, जओ
समवत्ती एस जमो, एयस्स ण वल्लहो जए कोइ। वेसो वि णस्थि सुपुरिस ! सदेन- मणुया-ऽसुरे लोए ॥१५९॥ णावेक्खइ एस बलं, ण दुब्बलं, णेय ईसरमणड्ढं । ण य विउसं, ण य मुक्खं, ण य सयणजुयं, ण एगागिं॥१६०॥ ण जुवाणं, ण य बालं, ण परिणयं, णेय मज्झिमं, ण खलं। ण य सजगमवि मुंचइ पावमई रोदपरिणामो ॥१६१॥ संपज्जन्तसमी हियकजाण वि एस सयल देवाण । अवहरइ जीवियं, माणुसेहिं किं कीरइ इमस्स ? ॥१६२ ॥ विहिणो वसेण वटुंति देव ! देवा वि देवलोयम्मि । 'अमर' त्ति णाममेत्तेग, जेण आउक्खयमुवेति ॥ १६३॥ विहडन्ति चंडमारुयपणोल्लिया गजिऊण घगणिवहा । उज्जोविऊग णासइ तव्वेलं चेत्र विज्जुलया ॥१६४ ॥ सुरवइचावं वियलइ खणमेत्तं भूसिऊण गयणयलं । संझा वि तक्रवणं चिय फिट्टइ कालाणुभावेण ॥ १६५ ॥ पयडेइ ससहरो च्चिय अणिच्चयं तिहयणस्स तदियहं । वोलेंति जस्स विवहा एकसरूवेण ण ह दो वि॥१६६॥ सूरस्स वि धरणि-णहंतरालविप्फुरियगरुयतेयस्स । एकदिणे च्चिय णिययं उदय-ऽयमणाई जायंति ॥ १६७ ।। इय जाणिऊण सयलं संसारमणिच्चयाए बहु ! गहियं । उवसमसु मुंचसु धुर्व सोयं भवकारणमणिलं ।। १६८ ॥ किंचजो एस देव ! सोओ सो सोओ सयलपायपमरस्स । अबु हेहि सयाऽऽयरिओ परिहरिओ पंडियजणेणं ॥ १६९ ।। वाहीण परं ठाणं, मूलं अरतीए, सोक्खपडिवावो । अण्णाणपढमचिं, णरयदुवारं गुणविणासो ॥ १७ ॥ बाहेइ सयलकज्जाइं एस, परिहरइ उत्तमविवेयं । धम्म-ऽत्थ-काम-मोक्खाण विग्घहेऊ महापावो ॥ १७१॥ अवहरइ ठिई, परिहरइ पोरुसं, चयइ कुलववत्थम्भं । सोयमहागहगहिओ पुरिसो किं किं ण आयरइ ? ॥१७२॥ धीरत्तणं पिछड्डिन्ति, देन्ति दुक्खस्स णवरमप्पाणं । कज्जा-ऽकजं ण मुणंति सोयगहिया जए पुरिसा ॥ १७३॥ ते णवर महापुरिसा जे य अणजेण सोयपसरेण । ण वसीकया कयाइ वि जाणियसंसारपरमत्था ॥ १७४॥ सोएण समं ण वसंति देव ! लच्छी जसो य कित्ती य । सोक्खं च रई लीला विसएसु मणो णिरावरणो ॥१७५॥ इय चयसु सोयपसरं, णरवति ! चिन्तेसु सयलकम्माइं । सोयावण्णेण तए भरहं दीणतणमुवेइ" ॥ १७६॥
एवं सुबहुमणुसासिऊण मन्तिणा पुणो भणियं जहा-“देव ! तं गस्थि जं ण जाणसि तिलतुसमेत्तं पि तिहुयणे देव !। तह वि किल किं पि भण्णसि ‘सोयावत्थं ति' कलिऊण ॥१७७।।
खरपवणपहयकुवलयदलजललवतरलचंचलतरेसु । संजोय-जीय-जोव्वण-धणलव-णेहेसु को सोओ ?" ॥ १७८ ॥
१ सो हणइ जे । २ सटिम्पि सु । ३ जमम्हेयं का सू। ४ सुवुरिस ! जे । ५ 'मणठे जे सू। ६ जुवाणं जे । ७ दियहा जे । ८ "मणादि सू । ९ विधेय सू । १. मेलम्पि सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |