Chaupannamahapurischariyam

SR No.: 001442
Original Sutra Author: Shilankacharya
Author: Amrutlal Bhojak, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2006
Total Pages: 464
Language: Prakrit, English, Hindi
Classification: Book_Devnagari, Literature, & Story
File Size: 14 MB

Page 128

१ रिसहसामि- २ भरहचक्कवट्टिचरियं । बंधुणेहो उण भाउयवुत्तंतेणं सचजणपरिगओ । अहवा परमस्थबंधवो सो, जओजो उवएस पावम्मि देइ सो वेरिओ ण संदेहो । जो कुणइ धम्मबुद्धिं सो तस्स जणो परमबंधू ॥१५८ ।। एवं च पियगुणत्तणं पि जइ होइ तो होउ "त्ति बाहुबलिवयणावसाणे भावगरुयं दूओ भणिउमाढत्तो
“कुमार ! सोहणमेयं जइ बंधुत्तणेण आणा खलइ तुमम्मि, तहा वि पिसुणजणो अण्णहा वियप्पेइ । युज्जइ य तस्स आणाए वट्टिउं, जओ तुह जेट्ठभाउओ सो। किंच
सुचरियचरिओ चाई कयण्णुओ दूरणिग्गयपयावो। णीसेसोवहिकेयारकासओ सत्थणिम्माओ ॥१५१॥ जो सययं रायमहादुमस्स छायाणिसेवणसयण्हो। सो सिरिफलाई भुंजइ परपरिणइणिबियाराइं ॥१५२॥
जं च सहोयरुग्घट्टणं कयं सो महारायस्स दोसो चिय ण होइ । जइ णाम सूरुग्गमेण सेसतारयाण तेओ अवहीरइ किमेस सूरस्स दोसो ?। ते य परमेसरेण भणिया वि 'भुंजह जहिच्छं मज्झ सिरिं'; णवरं ते संपयमसङमाणा सयमेवनिग्गया किं तत्थ महारायस्स ? । अवि य
अमयमयसिसिरकिरणं चंदं णिव्ववियसयलजियलोयं । ण सहति हत्थिदसणा कमला वि य गिययदोसेणं ॥१५३ ॥ अण्णं च गुणपियत्तणं महारायस्स दूसंतेणं अप्पा ताव खलत्तणेण ठविओ। जओसंतं पि हि वयणिज्ज परस्स ण भणंति सज्जणा णिययं । इयरे मुत्तूण गुणे दोसमसंतं पि पयडेन्ति ॥ १५४ ॥ अण्णं च जइ णाम तुमए रायगुणा ण णाया, तं णामजइ कहवि णाम जच्चंधएहिं चंदो ण चेव सचविओ । किं तस्स सिरी पयडा भुवणालोयं ण भूसेइ ? ॥१५५ ॥ किंच महाराय ! भाउणा होऊण दोसुग्घट्टणपयडियखलत्तणेणं तुमए लॅज्जाविया अम्हे । जं तस्स भाउओ तं सि कुमर ! एएण किण्ण पज्जत्तं ?। किं फलमिमिणा भणिएणऽणत्यपिसुणत्तणफलेणं?" ॥१५६॥
ति यवयणावसाणे धीरत्तणणमियकोवेण भणियं बाहुबलिणा-"रे दूय ! तस्साहं भाउयत्तणेण सोहणो त्ति तुम्हा रिस च्चिय जाणंति एरिसं जंपिउं जे महारायसंवड्ढिया, ता तुज्झ को दोसो ?, जओ
धीरपरिग्गहगरुयं जाणइ चक्कम्मिउं कुलपसूओ। आयार-णयहरे पहुघरम्मि संवढिओ य सया॥१५७॥ विणयपडिभग्गपसरं दूय ! भणंतेण साहियं सीलं । सीलेण णिययजाई पेहुणो य गुणितणं विमलं ॥१५८॥
किंच-महं पि बाहुबलिणो तुम्हारिसेहिं अणत्थो कीरइ त्ति किं केण संगयं ?"। तओ णियसामिपरिहवुत्तेयविओ दूओ भणिउमाढत्तो
"सव्वो वि जाणइ हियं अप्पा सन्चस्स वल्लहो होइ । किंतु विणासणकाले विवरीयमई नरो हेवइ ॥१५९॥
तं, जं मह जाई सीलं च दूसियं तत्थ तुज्झ ण हु दोसो, जओ महारायबंधवोतं सि त्ति।जं पुण भरहाहिवस्स दोसुग्घट्टणं कीरति तं सव्वहा तुह ण जुत्तं । किंच तुम्हारिसेहिं गहिया दोसा वा गुणा वा महारायस्स कत्थ लग्गति ?, जी
बहुमण्णन्ति सइंदा वि जस्स ससुराऽसुरा णरगणिन्दा । गुणणियरं का गणणा उ तस्स तुम्हारिसजणेणं? ॥१६० ॥
जेणऽहिया होति समा व तेहि किं एत्थ संथुणंतेहिं । णिदंतेहिं व तुम्हारिसेहिं जणपूरणनरेहिं ? ॥१६१ ॥ ___ ता किं बहुणा विगस्थिएणं ?, रज्जं वा मोत्तूण पलायसु, सुर-णर-विज्जाहरपडिच्छियं वा आणं पडिच्छसु ति, ण अण्णहा तुह जीयास ति, अवि य
तं बाहुबली णामेण णवर कत्थइ अदिद्वमाहप्पो। जो पुण परबलमलणो सो अण्णो कोइ बाहुबली"॥१६२ ॥ तओ तव्वयणाणन्तरमेव सयलं खुहियं रायचक्कं । भणियं च सुहडेहि-रे रे दुरायार ! दूअ ! अम्ह समक्खं अहिक्खि
१ जुजइ जे । २ ण हसति जे। ३ य अत्तदोसेणं जे । ४ मोत्तूण जे । ५ लज्जविया जे । ६ एण? णस्थि पिसु जे। वीरत्तण जे। ८ तस्साहमभाउत्तणेण जे । ९ बहुणो सू । १० होइ जे। ११ जीविताशा । १२ दूय ! जे।।