________________
छासट्ठिमो संधि
किय सच्चइ णर-णारायणहं कुढे लग्गंतउ णिविउ। गुण-वयणेहिं भीमु जुहिट्ठिलेण तिहि-मि गवेसउ पट्ठविउ॥
एत्तहे सिणि-णंदणु मिलिउ णं जम-दंडु समावडिउ। एत्तहे कुरुव-राउ चलिउ पंडव-साहणे अन्भिडिउ ।।
८
तो दुमय-विराड धणुद्धरेण हय सर-सएण वाहत्तरेण विहि भल्लेहिं रायहो छिण्णु धणु पुणु पंचासिहिं रणे वणिउ तणु मच्छाहिउ तीसहिं उरे लिहिउ धठ्ठज्जुणु वीसहि विहलु किउ दस-सरेहिं परजिउ पवण-सुउ सहएउ णउलु तिहिं तिहिं तणउ पंचाल-पुत्त तिहिं तिहिं जे जिय अवर-वि सामंत णिरत्थ किय वलु सधणु वणिउ वइरिहिं तणउं पुणु गउ थाणंतरु अप्पणउं जहिं अज्जुणु ढुक्कु जयद्दहहो णं पलय-महाधणु हुयवहहो एत्तहे-वि णवर दोणायरिउ | पंचाल-पवले वले उत्थरिउ सरवरेहिं विहत्थी-मेत्तएहिं करिवर-कुंभत्थल-भेत्तएहिं
घत्ता वले जले थले णहयले दिसि-वलये सर पज्जुण्णे दरिसियउं । सो दीसइ कवणु पएसु ण-वि जेत्थु ण दोणे वरिसियउ॥
[२] सो ण तुरंगमु सो ण गउ ण-वि रहु ण-वि पहुण-वि य धउ। रण-मुहे को-वि ण उव्वरिउ जो ण दोण-वाणेहिं भरिउ ।।
तं अलमल-मयगल-रव-मुहलु रह-चक्क-किलामिय-धरणियलु
तुरमाण-तुरंगम-चलण-वलु धय-चिंधालुंखिय-गयणयलु
Jain Education International
For Private & Personal Use Only
www.jainelibrary.org
