________________
रिठ्ठणे मिचरिउ
घत्ता जमल-विओयर-पत्थ ताम परिट्ठिय अंतरे। सव्वेहिं सल्लिउ सल्लु वाहेहिं करि व वणंतरे ॥
[१७] तो मद्दाहिवेण धणु खंडिउ तव-सुएण कुकलत्तु व छंडिउ अवरु लेवि तिहिं विद्धु थणंतरे स-सरु सरासणु छिण्णु खणंतरे विहिं सारहि चउ रहु चउ घोडा लाइय थरहरंत सर थोडा कुरु-णंदण-पमुहेहिं ओसारिउ पुणु-वि जुहिट्ठिलेण हक्कारिउ थाहि थाहि कहिं जाहि अजंगम दुम्मुह दुच्चारित्त णराहम पडिणियत्तु अण्णहिं रहे थाएवि वाणासणि वाणासणि लाएवि विद्धु अजायसत्तु वत्तीसहिं सच्चइ दसहिं विओयरु तीसहिं अवरेहिं अवर णराहिव भग्गा भीम-महल्ल-सल्ल पडिलग्गा
घत्ता सव्वहं पीड करंतहं दुद्दम-देह-वियारा। एक्कहिं मिलिया णाई विण्णि-वि वुह-अंगारा॥
[१८] तो तव-तणुरुहेण तिहिं ताडिउ कह व कह व ण महारहि पाडिउ अवरें खय-सूरग्गि-समाणे किउ मुच्छा-विहलंघलु वाणे चेयण लहेवि समुट्ठिउ जय-मणु सीरिउ सर-सएण तव-णंदणु तेण-वि णवहिं विद्ध णाराएहिं देहावरणु भिण्णु छहिं घाएहिं कुरुवइ-किंकरेण धणु खंडिउ अवरु चाउ चामीयर-मंडिउ लेवि जुहिट्ठिलेण रहु चूरिउ मद्दाहिवइ णिरंतरु पूरिउ तेण-वि सहुं भुएहिं विणिभिण्णइं भीम-रिंदहं कवयइं छिण्णइं अवरेहिं सरेहिं विहि-मि वे चावई धरणि-णिवई सुरधणु-तणु-भावई ८
५
Jain Education International
For Private & Personal Use Only
www.jainelibrary.org
