________________
सत्तहत्तरिमो संधि
[११]
भाणुब्भउ पभणइ सल्ल सुणे तुहुं फग्गुण-माहव-मघव थुणे महु घइं पुणु तिण्णि-वि गण्णु णवि जइ एक्कीहोति सुरासुर-वि हउं तो-वि समत्थु सव्व-जयहो पुणु किं एक्कहो धणंजयहो संजमिण भणइ गंभीर-सरु आरोडहि तुहु गंडीव-धरु विसु गिलहिं भुवंगम दरमलहि आलिंगहि जलणु वज्जु दलहि जं अंतरु मसय-महाकरिहिं जं अंतर जंवुय-केसरिहिं जं अंतरु खगवइ-वुक्कणहं जं अंतरु रवि-जोइंगणहं जं अतंरु जगे अवगुण-गुणहं तं अंतरु रणे कण्णज्जुणहं
घत्ता जा जाहि सल्ल जइ भीयउ हउं अच्छमि पहरण-वीयउ। सो मणुसु गणिजइ भल्लउ जो वहुय हणइ एक्कल्लउ॥
४
रे रे कुदेस-संभव विसल्ल संगाम-हरिण णासण-कुसल्ल उप्पण्णु पाव जहिं वसइ तुहुं तहो जाणमि दिङ्ण कहमि मुहु महिलउ हरंति अणियच्छियउ सरु वीरु ण लब्भइ पत्थियउ | असउच्चय-संगउ जेत्थु जणु मच्छइउ अकारणे कुविय-मणु णीलज्जुण-अज्जु पीय-सरउ . गोमंस-भक्खि गोधम्म-रउ वहु-विसम-सहाउ अणप्पणउ जहिं तुहुं तहिं वंधु कहो त्तणउ गंधारहं मद्दहं सिंधवहं दय-भूरे(?)-सोरडब्भवहं खल खुद्द पिसुण एत्तिउ भणमि णर-सउरि हणेप्पिणु पई हणमि
घत्ता सिरु महियले रुंडु महारहे लाएप्पिणु जीविउ जम-पहे। रुहिरामिस-कद्दम-लेवउ तुहुं भूयहं वलि घत्तेवउ॥
[१३] मद्दाहिउ पभणइ दोसु कर करि णिंद ण तूसमि मित्त तउ जई तूसमि तो णारायणहो वंभाणहो अहव तिलोयणहो
८
Jain Education International
For Private & Personal Use Only
www.jainelibrary.org
