________________
९०
ग्?िणेमिचरिउ
७
८
गंगेउ वलिउ धणु स-सरु लेवि पंडव-संतण आभिट्ट वे-वि रणु जाउ भयंकर दुण्णिरिक्खु सर-मंडव-मंडिय-अंतरिक्खु सोडीरह सिरई समुच्छलंति णं फलई ताल-वितह पडंति
धत्ता कुरु-पंडव-बलई विभिण्णई वांणेहिं पत्थ-पियामहेहिं । रण-भूमि मुएवि पणट्टइं दिस-विदिसिहं पह-उप्पहेहिं ॥
[७] रणु धोरु जाउ पुब्बण्ह-काले थिउ विहि-मि विओयह अंतराले आभिट्ट पियामह-भीमसेण पोमाइय सकें स-रहसेण स-कलिंगु स-साहणु कुरुव-राउ गंगेयहो रक्खणे मित्तु आउ अणवरय-रइय-सर-मंडवेहि भीमु-वि परिवारिउ पडवेहि तहिं काले किरीडि कइंद-केउ पडिवारउ पङि-संगाम हेउ विप्फारिय-धणु उद्धसिय-गत्त मुह-पवणाऊरिय-देवयत्त णिय-सीह-णाय-वहिरिय-णहद्ध तोणीरालंकिय-पच्छिमद्ध आवीलिय-गोहंगुलिय-ताणु सय-सहसक्खोहणि-णिसिय वाणु
धत्ता सीमंतेवि सयलु-त्रि साहणु तहो कोमार-महा-वयहो । गंगेयहो भिडिउ. धणंजउ जेम गइंदु महागयहो ॥
. .. [८] रणु जाउ पियाभह-अज्जुणाह एत्तहे-वि दोण-धज्जुणाह एत्तहे-वि विओयर-सिंधवाह सहएव-विसल्लह जय-मणाह एत्तहे-वि सच्च-भूरीवाह
एत्तहे-वि दुमय-दोणायणाह एत्तहे-वि पचोइय-संदणाहं भाणुमइ-सुहद्दा-णंदणाह' 6. 7 b-J, मयगल मुत्ताहल विक्खरंति
८
Jain Education International
For Private & Personal Use Only
www.jainelibrary.org
