________________
८२
रिट्ठणेमिचरिउ
तहिं वग्गं ते दारुणे संगरे लहु अहिवण्णु परिहिउ अंतरे तिहिं मग्गणेहिं विद्ध मद्दाहिउ ताव पधाइउ कुरुव-णराहिउ दूसासण-समाण दस राणा सल्लहो रक्ख करेवि पहाणा अंतरे पइसारिय दस मलहर सर-धारेहि वरिसंत-व जलहर ८ ताम विओयरेण ते रुद्धा सीहे हरिण-व संसए छुद्धा
घत्ता णर-णंदणु पुठिहिं करेवि भिडिउ भीमु दसह-मि सामंतह । णावइ मज्झे परिभमइ मंदर स्वीर-समुदावत्तह ।। १०
[] तिहिं दूसासणेण तहिं अवसरे दुज्जोहणेण चउहिं थणंतरे हउ दुमुहेण णवहिं णाराएहि पलय-जलण-जाला-राच्छाएहि ताण-वि तेण वाण णीसेसिय पंचवीस एक्केक्कहो पेसिय जमलेहिं ताम सल्लु आढत्तउ णं विहिं करेहिं महाकरि मत्तउ ४ लउडि-करहं एत्तहे-वि सुधीमहं रणु पारंभिउ कुरुवइ-भीमहं तो जरसंधे कोव-पलित्ते दुज्जोहण-परिरक्ख-णिमित्तें मागहु णाम णराहिउ चोइउ जमेण पयंडु दंडु णं ढोइड
धत्ता सत्तहिं सरहिं णराहिवेहिं मत्त-गइंदेहि, दसहि सहासेहिं । धाइउ पाउसु कालु जिह भीमहो उत्थरंतु चउ-पासेहिं ॥ ८
[८] वलिउ विओयरु मत्त-गइंदहं णं खय-मारुउ जलहर-विंदहं णं संकंदणु गिरि-संधायहं खगवइ आसीविस-णायहं के-वि गयासणि घाएहिं घाइय के-वि अण्णण्ण-पहेण पघाइय . .. के-वि कयंत-महापुरे पाविय के-वि विहंगम जिह उडडाविय
Jain Education International
For Private & Personal Use Only
www.jainelibrary.org
