________________
W
रिट्ठणेमिचरिउ
धत्ता मयगल-मय-मसि-मइलियउ हय-लाला कद्दम-लित्तउ । रय-रक्खसु राहिं मिलेवि णं सोणिय-वाहिणिहे चित्तउ ॥
९
रए पसमिए पसरिए रुहिर-जले एक्केण-वि हूयए धरणियले पहरण-णिवाय-अइसंधिएहिं मगहाहिव-अग्गिम-खंधिएहि पडिपेल्लिउ जायव-जोह-बलु णं खय-मारुवेहि समुद्द-जलु गलियाउहु विमुहु भयावरिउ गोविंदहो सरणु पईसरिउ मा भज्जहो मा-मी-कारु किउ जंववइहे गंदणु संवु थिउ णिय-खंधु समोड्डेवि रण-भरहो मुहे खेमविधि-विज्जाहरहो उत्थरिय परोप्पर सरेहि रणे पेक्खंति सुरासुर थिय गयणे हरि-णंदणु जह जह वावरइ तिह तिह रिउ पउ पउ ओसरइ ८
धत्ता छिण्णु महद्धउ भग्गु रहु हय हय वर-सारहि घाइयउ । पाण लएप्पिणु कहि-मि गउ कह-कह-वि ण जम-पहे लाइयउ ॥ ९
[१०] जं खेमविद्धि ओसारियउ सर-जज्जर कह-व मारियउ तं वेगवंतु संवहो भिडिउ णं गयहो गइंदु समावडिउ णं पंचाणणु पंचाणणहोणं घणु उत्थरिउ महा-घणहो तो हरि-सुरण हरि-कुलिस-सम दुव्वार-वइरि-पडिपहर-खम · मणि-रयण-विहूसिय कणयमइ पट्टविय गयासणि वेगवइ धारण जे मासहो पुजु किउ सवडंमुहु ताम्व विविझु थिउ जरसंघहो कि करु दुबिसहु धणु-करयल वाहिय-पवर-रहु एत्तहे-वि कंस-विणिवायणहो अवरेक्कु पुत्त णारायणहो समरगणे चारजे? वलिउ जिाहरु तेण पडिक्खलिउ
Jain Education International
For Private & Personal Use Only
www.jainelibrary.org
