________________
पणतीसमो संधि
धत्ता
जल-दुग्गंतरे पइसरेवि जं अवहेरि करेविणु अच्छहो । जासु पसाएं एह सिय कि चक्कवइ-वयणु ण णियच्छहो ॥
९
८
अवहेरि करेवए कवणु कालु जिह तुम्हई तिह सो सामिसालु सुमरइ समुद्दविज यप्पियाई ओलग्गिय-धाविय-जंपियाई सुमरइ वसुएवहो तणिय लील सुमरइ णारायण वाल-कील किं रज्जे जण्ण णियंतओय(?) जायव-कुल-द्वय-विट्ठि-भोय कि रज्जे जाह हरि-वल ण वे-वि पइसंति महा भवणु एवि किं रज्जे जहिं रिउ-गंध-हस्थि पज्जुण्णु संवु अणिरुद्ध णत्थि सिणि-णंदणु पभणइ कोव-पुण्णु हरि मुरवि कवणु चक्कवइ अण्णु जसु दिण्ण थत्ति रयणायरेण किउ पुरवरु अमरेहिं आयरेण
घत्ता एक्कु चक्कु णारायणहो ... सोहइ जेण जियइं पर-चक्कई । अवरई लोयह सावणइं(?) भग्गव-चक्क-सयई करे थक्कई ॥
[१०]
तं हुयवहु जिह पज्जलिउ दूउ चक्कवइ-चक्कु तिहुयणेण दिडु ___ जसु भइयए तुहु सायरे पइट्ट जसु भइयए जायत्र-मिग वराय णिय जम्म-भूमि परिहरेवि आय इत्थु वि णिवसंतहं पलय-कालु . दक्खवइ महारउ सामिसालु मीणउलई भक्खेवि पिएवि मज्जु आरोडहि सुत्तउ सीहु अज्जु णव-कोडिउ जासु तुरंगमाहं मण-पवण-गरुड-जव-जंगमाह सामेक्क-कण्ण-चंदप्पहाहं वावीस-वीस-लक्खई रहाई गय तेत्तिय खत्तिय पुणु अणेय णिव णिय-णिय-सेण्णेहि अप्पमेय
९
८
Jain Education International
For Private & Personal Use Only
www.jainelibrary.org
