________________
२४
रिट्टणेमिचरिउ
कंचण-कमल-करविय-णीरी विविह-विहंगम-सेविय-तोरी काल-महागिरि दिछु अणंतरु पुणु मणिवंत-सिहरु लिहियंवरु वम्ह-तुंग-विसदसु स-कंदरु पुणु मयसिंगु स-संगु स-मंदरु दिव्वु पुरिसु अण्णेतहे दीसइ संभासणु करेवि तें सीसइ
घत्ता एहु जो णियडउं कमल-सरु तहिं अच्छंति विणि-वि दुज्जय । एक्कु सरासणु अवरु सरु पई पेक्खेप्पिणु होति धर्णजय ॥९
४
[१] तं उवएसु लहेवि गय तेत्तहे आसीविस दएसय-फड जेत्तहे एक्कु जाउ सरु अवरु सरासणु लइय गरेण णवेवि गरुडासणु पडिणियत्त लद्धए धणुवरे सरे दीसइ वम्हचारि तहिं अवसरे ते संधाणु वाणु विण्णासिउ दिठ्ठि-मुट्ठि-धित्तणउं पयासिउ सव्वु धणंजएण त लिखिउ अंजलियत्थु कियत्थु णिरिक्खिउ कहिं एवहिं रिउ जति अ-घाइय पर-बलु एम चवंत पराइय तं सरु तं जे सरासणु लेप्पिणु थाणु रएवि संधाणु करेप्पिणु सिंधव-सिरु सिविणंतरे छेइउ णर-णारायणेहिं तं चेइउ
घत्ता ताम गलिउ तारा-णिबहु दित्तुल्लसिय संझ णिसि दूसिय । कुंकुमेण णव-बहुय जिह पुत्व-दिसारुणेण सई भूसिय ॥
९
इय रिट्ठणेमि चरिए धवलइयासिय-सयंमुएव-कए अट्ठावण्णमो इमो सग्गो ।
Jain Education International
For Private & Personal Use Only
www.jainelibrary.org
