________________
रिट्ठणेमिचरिउ अहिमण्णु जेम अहियह भिडिउ अहिमण्णु जेम पहरेहिं पडिउ णिय-णिय-मंदिरहं स-वाहणई सहसत्ति णियत्तई साहणई सर-णियर-भरेय-वच्छत्थलई अरि-दलिय-कुंभि-कुंभ-स्थलइ कणयइरि-सम-प्पह-संदणही आसंक जाय तव-शंदणहो
घत्ता मंछुडु वालु समत्तउ कुरु-कलयल तेण महंतउ । स-सर-सरासण-हत्थहो मुहु केस णिहालिउ पत्थहो ॥
९
४
८
[३] किह लग्गु कुमार पराहवहो किह वयणु णिहालिउ माहवहो वसुदेवहो किह किह देवइहे उत्तरहे सुहहहे दोवइहे तहिं अबसरे सारहि सर-भरिउ कह-कह-वि किलेसे णीसरिउ वित्तंतु असेसु तेण कहिउ परिसक्किउ जिह कुमार-सहिउ जिह कुरु-गुरुवइ राहेउ गउ जिह सल्लेहिं सलिउ सल्लु गउ जिह भग्गु माणु दूसासणहो जिह णिउ सुकण्णु जम-सासणहो जिह स-कुरुब कुरुव-कुमार जिय जिह रह गय कूडागार किय जिह विहबलु विदवलु घाइयउ जिह कण्णे गुणु दोहाइयउ
घता कहिउ कहंतर एत्तिउ गरवइ परियाणाभि जेत्तिउ । उपरि जं परिसकिउ तं मई जोवणहं ण सकिउ ॥
[४] पहु पभगइ णिसुणि सुमित्त तुहुँ एक्कसि दक्खवहि कुमार-मुहु गउ सारहि मागें संदणहो रणु दक्खवंतु तव-गंदणहो कत्थ-वि करि-कुंभई खंडियई उवविसणई जेमण-छंडियई कत्थइ छत्तई महि दुक्काई कालेण व थालई मुकाई
2. After 5a extra in J. : तिम सूरतेउ तमु उहडिउ.
Jain Education International
For Private & Personal Use Only
www.jainelibrary.org
