________________
२४०
रिडणेमिचरिउ रेहइ रहगु करयले गहिउ णं जोइस-चक्कु मेरु-सहिउ णं घरिउ अणंतें धरणियल्लु परिभमइ भमंतें गयणयलु तो कहइ दोणु दुजोहणहो कलयलु धोसहो तूरई हणहो जे सुरवर-कर-कर-पवर-भुउ णिय-थाणहो चुक्कइ पत्थ-सुउ जइ कइयह विसज्जिउ अरि-पवलु तो सव्वु समप्पइ कुरुव-वलु ८
पत्ता पहु तोसिउ कलयलु घोसिउ खुहिउ थाणु बालहो चलहो । अरि ताडिउ छिदेवि पाडिउ हियउ णाई पंडव-वलहो ॥ ९
(२६] चक्क-खंडु थिउ वालहो करयले अट्ठमि-चंद-विंदु णं णहयले गयउ अद्भु अद्भुव्वरिउज्जलु णं अत्थरि-काले रवि-मंडलु तं णिएवि णर-णंदणु कुद्धउ णं केसरि करि-आमिस-लुद्धउ भुयए भमाडिवि घत्तिउ वाले णं खय-काल-चक्कु खय-काले ४ धाइउ घरहर धोसु करतउ णं जम-मुहु कुरु कवलु करतउ छिंदइ सुहडह सिरई स-णीवइं हसु स-णालई जिह राजीवई करिवर-कुंभ-थलई विहत्त रह-तुरंग णिघटेवि घत्तई जउ जउ भमइ रहंगु भयंकर तउ तउ रणु णर-रुड-णिरतरु ८
घत्ता
तो दोणेण वुत्तु स-तोणेण चक्क-खंडु लहु आहणहो । जवतेण एम भमतेण खउ म होउ कुरु-साहणहो ॥ ९
[२७] तोमरेहिं वियारिउ चक्क-खंडु लहु लेवि कुमारें लउडि-दंडु रहे आसत्थामहो दिण्णु धाउ विणिवाइउ सारहि हय-सहाउ गुरु-णंदणु थिउ ओसरेवि दूरे गयणंगणे परिलवंत-सूरे सउवलहो सहोयरु कंवुकेउ तं पमुहु करेप्पिणु कणय-केउ ४
Jain Education International
For Private & Personal Use Only
www.jainelibrary.org
