________________
२३८
रिडणेमिचरिउ
(२२)
४
दिव्वु कवउ अजेउ बहु विक्कमु x x x सव्व-कुसलु सुमर ति वियखणु णव रणु जाणइ गुण परिक्खणु कलयल्लु करहु देहु वायत्तई धिवहो पवर-पहरणई विचित्तई चक्कई चक्क-रक्ख हय ताडहो सारहि सिंधु सरासणु पाडो जिह सिक्खक्वविउ तेम किउ कण्णे धोसिउ कलयलु कउरव-सेण्णे तुरई देवि समुत्तुय-माणहो पेक्खंतहो कुरु-खंधावारहो चक्क-रक्ख हय किवेण कुमारहो दुज्जोहणेण तुरं गम धाइय कणे जीव-लट्टि दोहाइय
८
घत्ता
रहु अण्णेण सारहि अण्णेण धउ अण्णेण सय-खंडु किउ । असि फर-करु जिह विज्जाहरु करणु देवि आयासे थिउ ॥
९
[२३] तउ किरीडि-गंदणेण अराइ-भग्ग-पंदणेण णहंगणाणुलग्गओ खगो व्व खंधे लगओ खयाणिलाणु-वेयओ दिवायरुग्ग-तेयओ विरल्लियच्छि-भीसणे विमुक्क-सीह-णीसणे करम्मि दाहिणिल्लए फणिंद-दीहरिल्लए सिला-सिओ किवाणओ कयारि-रत्त-पाणओ कयत-दंत-सच्छहो खयग्गि-जाल-दूसहो भुयंग-भोय-भीयरो विमुक्क-मुक्क-सीयरो
Jain Education International
For Private & Personal Use Only
www.jainelibrary.org
