________________
२३०
रितुणेमिचरिउ
भिडिय वे-वि तो तहिं रणंगणे दिण्ण देव-दुदुहि णहंगणे थरहर त वाहिय-महारहा सुरवहू-कडक्खिय(?)-विग्गहा करयरंत कड्ढिय-सरासणा एक्कमेक्क-पट्टविय-मग्गणा खय-सिहि-व्व जालोलिय-दूसहा पलय-भाणु भा-भासुर-प्पहा दिस-गय.व्व ओरालि-भीसणा केसरि-व्व वत-णीसणा रामरामणोवम-घणुद्धरा
जलहर-व्व वरिसिय-णिरतरा वाण-भारि-भूरेण भारिय णहयल तमेगंधयारिय पाडियं धणु मोडिओ धओ पडिभडो कुमारेण विद्धओ
घत्ता वावण्णेहिं सरेहिं सुवण्णेहिं दूसासणु थण-बट्टे हउ । मउ साडेविं कउरव पाडेवि पुणु अग्गए अहिमण्णु गउ ॥ १.
जं जुयराउ महावइ पाविउ दुजोहणेण कण्णु वोल्लाविउ पेक्खु पेक्खु दूसासणु जंतउ खंधावारु सव्वु भज्जंतउ पहु-पेरिउ चंपाहिउ धाइउ णर-णंदणु णाराएहिं धाइउ तरुण-तरणि णं जलहर-जालें तेहत्तरिहिं विद्ध पुणु वाले ४ जो जो अंतरे तं तं भिदेवि स-सर-सरासण-लट्ठिउ छिदेवि पत्त दिवायर-णंदण-संदणु तहि-मि मह'तु करेवि कडवंदणु सोवकरणु रहु खंडिउ कण्णहो गट्ठ णियंतहो कउरव-सेण्णहो ताम सुकेसे वाहिउ संदणु दसहि सरेहिं विद्ध णर-णंदणु ८
धत्ता सउहद्देण सुहड-विमद्देण कुडल-मडिय-गंडयलु । राहेयहो रवि-सम-तेयहो खुडिउ खुरुप्पे सिर-कमलु ॥ ९
Jain Education International
For Private & Personal Use Only
www.jainelibrary.org
