________________
रिडणेमिचरिउ
धत्ता जहिं णेमिकुमार जो णिसुणिज्जइ आरिसेहिं । तहिं कुरुव-णरिंद कवणु गहणु तुम्हारिसेहिं ।।
[३] कउरव-णाह-जणेरु णिरुत्तर जाउ जाउ मुहे एक्कु-वि अक्खरु गावग्गाणि पयटु णिय-भवणहो ढुक्कु दिवायरो-त्रि अथवणहो विउरु-वि कोक्काविउ धयरट्टे कहे पंचंगु मंतु विणु छट्टे तेण-वि वुत्तु काई मंतिज्जइ पढमउ-परम-धम्मु चितिज्जइ जेत्थु धम्मु तहि सव्वई कज्जई। जेत्थु धम्मु तहिं विउलई रज्जई जेत्थु धम्मु तर्हि सच्च-सउच्चई जेत्थु धम्मु तहिं कुलइ-मि उच्चई जेथु धम्मु तहिं सव्वई दाणई। जेत्थु धम्मु तहिं सण-णाणई जेत्थु धम्मु तर्हि सव्वई सुक्ख इं जेत्थु धम्मु तहिं हांति ण दुक्खई
धत्ता धम्मो-वि अहम्मु णाह पयट्टइ हिंस जहिं । पंडवेहि समाणु वइरु करेप्पिणु सोक्खु कहिं ।।
[५] धम्में इय देव अजरामर धमें घरिय धरणि स-धराधर धम्में सायर समउ ण चुक्कइ धम्में ओसहि खयहो ण ढुक्कइ धम्में वाइ वाउ महि-मंङले धमें सग्ग-रिद्धि आहंडले धम्में णहल्यले गह-णक्खत्तई धम्में हलहर-चक्कहरत्तई जं जं दीसइ काइ-मि चंगउं तं तं धम्में णिम्मिउ अंगडं धम्मु जे कम्मणु धम्मु रसायणु धम्मु महा-चिंतामणि भावइ धम्मु जे पुण्ण-पवित्त-पयावइ
८
Jain Education International
For Private & Personal Use Only
www.jainelibrary.org
