________________
१९८
रितुणेमिचरिउ
११२] ओसारु देवि थिउ वइरि-वलु ण जंबुद्दीवहो उबहि-जलु णं रवियर-णियरहो तम-पडलु संधाणु वाणु घणु भुय-जमलु लक्विज्जइ णरहो ण वावरणे पर हय गय भड णिवडंति रणे सो ण-वे णरु सोण-वि मत्त-गउ सो ण-वि तुरंगु सो ण-वि धयउ ४ सो ण-वि णरु ण-वि करु ण-वि चरणु तं ण-वि सदेहु देहावरणु तं गाउहु णायवत्त धरिउ ज अजुण-सरेहि ण जज्जरिउ कुरु-कलयलु ताम समुच्छलिउ जिह पंडव भग भीमु वलिउ जिह दोण महा-धणु उत्थरिउ जिह केण-वि धम्म-पुत्त धरिउ ८
घत्ता
तं रउ उण्णाएवि पर-बलु खाएवि पत्थें णिय-मज्जायएण । पुणु कउरव जोइय णिय-मुहे ढोइय काले णाइ अ-घाइएण ॥९
[१३] तो तव-सुय वेहाविद्धएण सोणासें कलस-महाधएण अवगणिवि पंडव-भड-समूहु गरुयारउ गारुडु रइड वूहु सई मुहै दुजोहणु उत्तमंगे कि-वि वामए कि-वि पयाहिणंगे कि-वि पुट्टिहिं कि-वि पक्खंतरेहिं कुरु-पत्थिव थिय थाणंतरेहि त बूहु रएप्पिणु अप्पमेउ तव-तणयहो धाइउ कलस केउ एत्तहे-वि पचोइय-अज्जुणेण पडिवूहु रइउ धट्टज्जुणेण धीरविउ जुहिट्ठिलु जिय-वरेण को छिवइ भडारा किकरण मई जीवमाणे पारावयासे कचण-कलसद्धय-कुल-त्रिणासें ८
घत्ता णिय सामिउ धीरेवि तुरय समारेवि दुमय-पुत्तु रहवरे चडिउ । मेहउल-विहजणु पलय-पहजणु ण णहे दोणहो अभिडिउ ॥९
Jain Education International
For Private & Personal Use Only
www.jainelibrary.org
