________________
रिट्टणेमिचरिउ
तुहुं धम्म-पुत्त दय-धम्म-परु खम-दम-सम-सच्च-सउच्च-घरु जइ अद्ध ण देति दीण-वयण तो किं मारेवा पई सयण जइयतुं दिवसयर-सम-प्पहेण कइकइहे दिण्णु वरु दसरहेण तइयतुं वइसणउं वसुंधर-वि कि रामें भरहहो दिण्ण ण त्रि
धत्ता भीमज्जुणेहिं विरुध्देहि वुच्चइ कुध्देहि ताम समरे पहरेसहुँ । लग्गेवि कुरुहुं कडच्छए णिहयहं पच्छए पायच्छित्तु चरेसहुँ ॥
१८ ] जोएप्पिणु वयणु धणंजयहो संदिसइ जुहिट्ठिलु संजयहो भणु कुरुव-णराहिब केत्तिएण णिय-धम्मु चरेवउ खत्तिएण करवाल करेप्पिणु पवरु करे जो हणइं हणेवउ सो समरे ताह-मि महि-अध्दु ण देंताई अम्ह-वि बलिवंडए लिंताई जं होइ होउ तं आहयणे गावग्गणि गंपिणु एम भणे णारायणु भासइ सार-गउ जुज्झेवउ कारणु पद्धरउ परिपुज्जिउ संजउ वियड-पउ सरहसु धयरट्ठहो पासु गउ वित्तंतु कहिउजइ राणाहो लइ आउ विणासु अयाणाहो
धत्ता विक्कम-बल-संजुत्तेहिं पंडव-पुत्तेहिं तुम्हहं सिह भंजेवी । दासि जेम उज्जलए वसुमइ कल्लए लेवि सई भुंजेवी ।। इय रिट्ठणेमिचरिए धवलासिया-सयंभुव-कए
तेत्तीसमो सग्गो
Jain Education International
For Private & Personal Use Only
www.jainelibrary.org
