________________
११८
रिट्ठणेमिचरिउ ‘भिडिय चयारि-वि पंडव-साहणे रह-गय-जोह-तुरंगम-वाहणे जे णर-णाराएहिं भग्गा क्लेवि असेस ते-वि पडिलग्गा तहिं अवसरे इरवंतु पराइउ जो परेण फणिणिहे उप्पाइड पवर तुरंगमेहिं मण-णमणेहि गमणोहामिय-खगवइ-पवणेहि जावण-आजाणेय-महीजेहि तित्तिरि-णइ-जवणज-कंवोजेहिं आएहिं तुरएहिं भिडिउ कुमारह सउणि सहोयराह गंधारह
घत्ता सुवलहो णंदणेहिं वेढिउ इरवंतु पयंडेहिं । अमरिस-कुइय-मणु पंचाणणु जिह वेयंडेहिं ॥
४
गय-गवक्ख पिसुणुज्जण-णामेहिं सुय-सारी-समेहि छहिँ कामेहिं वेढि उ एक्कु धणंजय-णंदणु जाउ महंतु सुहड-कडवंदणु अग्गए पच्छर उवहो-पासेहिं पिहिउ विविह णाराय-सहासेहि तणु तणु-ताणु सरासणु ताडिउ छिण्णु छत्त धउ चामरु पाडिउ णिहय वाह जुत्तारु वियारिउ अज्जुण-गंदणु रणे अ-णिवारिउ घाइउ फर-पिहिओरु स-असिवरु सउणि-सहोयरु णिउ जम-पुरवरु पणय-सीसु तिण-दंतु णमंसेवि णवर एक्कु गउ पिसुणु पणासेवि तो कुरु-णाहे वइरि-गयंकुसु पेसिउ आरिससिगि अलंसु
घत्ता रक्खसु रक्खस-घउ रक्खस-परिवार धणुद्धरु । इरवंतहो भिडिडे मघवंतहो जिह दसकंधरु ॥
[१०] पवर-तुरंगेहि समरुद्धरिसेहि वीसहि सहि महत्तम-वरिसेहि जहिं इरवंतु महारहे चडियउ आरिससिंगि तेत्थु ओवडियउ
Jain Education International
For Private & Personal Use Only
www.jainelibrary.org
