________________
११०
रिट्ठणेमिचरिउ
तेण-वि सोराएं जुज्झु जिउ कह-कह-वि ण घाइउ वि-रहु किउ अहिमण्णुहे ताम विरुद्ध-मण घाइय कुमार-वर तिणि जण ४ दुम्मरिसणु चित्तसेणु पवरु अवगण्णिय रिउ-वेयण अवरु ते तिण्णि-वि तणु-ताणावरिय तिण्णि-वि कुंडलेहिं अलंकरिय तिण्णि-वि सोवण्णेहिं रहवरेहिं विज्जिज्जमाण-वर-चामरेहि तिण्णि-वि तहिं छत्तेहि पंडुरेहिं तिण्णि-वि तुरएहिं दप्पुद्धरेहि ८
धत्ता ते पत्थ-सुरण कुरुवइ-भायर वि-रह किय । णं कुसुमसरेण तिण्णि-वि लोयालोय जिय ॥
[११] किर भीमहो खंभ महा-पिसुणे ण समाहय तेण तेण सिसुणे गंगेएं ताम पडिक्स्खलिउ सरहद्द स-रोसु ताम बलिउ रणु जाउ महंत-महारहहुं दोण्ह-वि पुत्तरूय-पियामह हुं कणियार-तालवर-केयणहु दुवियत्तणु-ताणुब्भेयण तो समर-सहासेहिं दुज्जएण णिय-सारहि वुत्तु धणंजएण रहु वाहि वाहि जहिं गंग-सुउ णग्गोह-पवर-पारोह-भुउ दुज्जोहण-पेसिय-राणएहिं
परिगरिउ तिगत-पहाणरहिं णिसुणेवि तं संदणु दिण्णु तहिं सउहद्द-पियामह भिडिय जहिं ८
पत्ता मण-गमण-रहेहिं उब्भिय-धएहि धणुधरेहि । सवडम्मुहु पत्थु घरिउ एंतु जालंधरेहि ॥
[१२] सारवेहि दिण्ण-वाइत्तएहि वेढिउ वीभच्छु तिगत्तरहि णं वण-दउ वणह समावडिउ णं गरुडु भुयंगह अभिडिउ
Jain Education International
For Private & Personal Use Only
www.jainelibrary.org
