________________
७३
दसमो संधि
घत्ता जं तहे उव्यरिउ पसाहणउं . तं सच्चहे उवढोइयउं । देवय पच्चक्खाहूय मह कि अच्छरिउ ण जोइयउ ॥ ९
[५] भहिएण भाम भामिय भवणे पइसारिय पवरुज्जाण-वणे अप्पणु पुणु सुठु मणोहरए । थिउ पत्तल-बहल-लयाहरए जहिं रुपिणि स्वहो पारु गय णं मयणुज्झिय सोहग्ग-धय लक्खिाजइ भामए भामियए धण-पीण-पओहर-णामियए ४ कर-चरणाणण-लोयण-कमले तरमाण णाई लायण्ण-जले भज्जइ व मज्झे तणुयत्तण ण णिहालइ महि णव-जोठवणेण पेक्खेप्पिणु सच्चहाम णमिय जय तुहुं क-वि देवय सच्चविय तो महु सोहग्गु देहि अचल कु-सवत्तिहे दूहव-दुमहो फलु ८
घत्ता परमेसरि अणुदिणु होउ महु आणवडिच्छिउ महुमहणु । सोसु व आयरिय-पाय-वडिउ पोट्ट-वडिउ जिह थेर-तणु ॥ ९
[६] ज सुंदरि एव चवंति थिय तो जायव-णाहे विहसिकिय मायाही फेडिय अप्पणिय एह रुप्पिणि देवय कर्हि तणिय . विज्जाहरे तुहुं णव-वहुडियहे किह णमिय सवत्तिहे लहुडियहे हरि-खेड्डु सुणेपिणु तणुयडिय सच्चहे सारेपणि पाएहिं पडिय ४ तहिं अवमरे रिउ-मइ-मोहणेण पट्टविउ लेहु दुज्जोहणेण मह एविहिं विहि-मि पलंव-भुउ जो उप्पज्जेसइ पढमु सुउ तहो तणय देमि हडं अप्पणिय संभावण एह महु- त्तणिय तो जाय बोल्ल सु-मणोहरिहि उण्णय-धण-पीण-उओहरिहिं ८
घता उत्पण्णहो सुयहो पहिल्लाहो कुरव-तणय परिणताहो । - णिप्पुत्ती सीसे मुंडिएण हेट्टि ठवेवी ण्हंताहो ॥ ९
Jain Education International
For Private & Personal Use Only
www.jainelibrary.org
