Page Text
________________
४५४
जयधवलासहिदे कसायपाहुडे _'मिच्छत्तस्स जहण्णपदेससंतकम्मिो को होदि ? सुहुमणिगोदेसु कम्मतिदिमच्छिदाउओ तत्थ सबबहुआणि अपज्जत्तभवग्गहणाणि दीहाओ अपज्जत्तद्धाओ तप्पाओग्गजहण्णयाणि जोगहाणाणि अभिक्खं गदो। तदो तप्पाओग्गजहणियाए वडीए वडिदो । जदा जदा आउअं बंधदि तदा तदा तप्पाओग्गउक्कस्सएसु जोगहाणेसु वट्टदि हेडिल्लीणं हिदीणं णिसेयस्स उक्कस्सपदेसतप्पाओग्गं उक्कस्सविसोहिमभिक्वं गदो । जाधे अभवसिद्धियपाओग्गं जहण्णगं कम्मं कदं तदो तसेसु आगदो । संजमासंजमं संजमं सम्मत्तं च बहुसो लदो। चत्तारि वारे कसाए उत्सामित्ता तदो वेछावहिसागरोवमाणि सम्मत्तमणुपालेदृण तदो दंसणमोहणीयं खवेदि । अपच्छिमहिदिखंडयमविणिजमाणयमवणिदमुदयावलियाए जं तं गलमाणं तं गलिदं। जाधे एक्किस्से हिदीए दुसमयकालहिदिगं सेसं ताधे मिच्छत्तस्स जहण्णयं पदेससंतकम्मं । तदो पदेहत्तरं दुपदेसुत्तरमेवमणंताणि हाणाणि तम्मि हिदिविसेसे । केण कारणेण ? जं तं जहाक्खयागदं तदो उक्कस्सयं पि समयपबद्धमत्तं । जो पुण तम्मि एक्कम्मि हिदिविसेस उक्कस्सगस्स विसेसो असंखेज्जा समयपवद्धा। 'तस्स पुण जहण्णयस्स संतकम्मस्स असंखेजदिभागो । एदेण कारणेण एवं फड्डयं । दोसु हिदिविसेसेसु विदियं फहयं । एवमावलियसमयूणमेत्ताणि फहयाणि। अपच्छिमस्स हिदिखंडयस्स चरिमसमयजहण्णफद्दयमादि कादूण जाव मिच्छत्तस्स उक्कस्सं ति एदमेगं फद्दयं ।
"सम्मामिच्छत्तस्स जहण्णय पदेससंतकम्म कस्स १ तथा चेव सुहुमणिगोदेसु कम्महिदिमच्छिदूण तदो तसेसु संजमासंजमं संजमं सम्मतं च बहुसो लभ्रूण चत्तारि वारे कमाए उवसामेण वेछावहिसागरोवमाणि सम्मत्तमणुपालेदूण मिच्छत्तं गदो । दीहाए उज्वेलणद्धाए उव्वेलिदं तस्स जाधे सव्वं उव्वेल्लिदं उदयावलिया गलिदा जाधे दुसमयकालहिदिय एक्कम्मि हिदिविसेसे सेसं ताधे सम्मामिच्छत्तस्स जहण्णं पदेससंतकम्मं । "तदो पदेसुत्तरं । "दुपदेसुत्तरं । गिरंतराणि हाणाणि उक्कस्सपदेससंतकम्मं ति । "एवं चेव सम्मत्तस्स वि । “दोण्हं पि एदेसि संतकम्माणमेगं फद्दयौं ।
''अहण्हं कसायाणं जहण्णय पदेससंतकम्म कस्स ? अभवसिद्धियपाओग्गजहण्णयं काऊण तसेसु आगदो संजमासंजमं संजमं सम्मत्तं च बहुसो लद्धृण चत्तारिवारे कसाए उवसामिदूण एइंदिए गदो। तत्थ पलिदोवमस्स असंखेजदिभागमच्छिदूण कम्मं हदसमुप्पत्तियं कादूण कालं गदो तसेसु आगदो कसाए खवेदि
(१) पृ० १२४-१२५ । (२) पृ० १५६ । (३) पृ० १५७ । (४) पृ० १५६ । (५) पृ० १६२ । (६) पृ० १६३ । (७) पृ० १६४ । (८) पृ० १६६ । (६) पृ० १६७ । (१०) पृ. २०२-२०३ । (११) पृ० ,२१७ । (१२) पृ० २१८ । (१३) पृ० २४४ । (१४) पृ० २४५ । (१५) पृ० २४६ ।
Jain Education International
For Private & Personal Use Only
www.jainelibrary.org
| SR No. | 001413 |
| Book Title | Kasaypahudam Part 07 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatiya Gyanpith |
| Publication Year | |
| Total Pages | 514 |
| Language | Prakrit, Sanskrit, Hindi |
| Classification | Book_Devnagari, Agam, Canon, & Karma |
| File Size | 13 MB |