Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 93

सटीक मूलशुद्धिप्रकरणम्
1
सेट्ठी विगि गंतुं जेसुयं ठाविडं णियपयम्मि । पभणइ वणियसहस्सं जह 'अहयं पव्वइस्सामि ॥ ३३ तुम्भे 'किं च करेस्सह ?' इय भणिया ते तओ पडिभणंति । 'तुब्भे अणुपव्यामो किमण्णमालंबणं अम्हं ?' ॥ ३४ 'जइ एवं णिउत्तेणिययकुडुंबे ठाविउं सिग्धं । पउणा होह य' इत्थंतरम्मि एगेण पुरिसेणं ॥ ३५ वद्धाविओ य सेट्ठी जह 'भगवं सुर - णरिंदणयचलणो । मुणिसुव्वओ जिणिंदो समोसढो इत्थ णयरम्मि' || ३६ तो हरिसपुलइयंग सेट्ठी तं भणइ नेगमसहस्सं । 'भो' ! पुण्णपभावेणं अज्जम्ह मणोरहा पुण्णा' || ३७ तो सयलं सामगिंग काऊणं जिणवरिंदपासम्म | नेगमसहस्ससहिओ पव्वइओ कत्तिओ सेट्टी ॥ ३८ काऊण तत्रमुयारं संपत्ते मरणदेसकालम्मि । अणुनविय जिणं अणसणविहिणा देहं चएऊण || ३९ पढमम्मि देवलोगे सोहम्मवर्डिस विमाणम्मि । बत्तीसविमाणाऽऽवासलक्खसामी समुप्पण्णो ॥ ४० एगsaयारो सक्को, तत्तो चविऊण सिज्झिही इत्थ । परित्रायगो वि मरिउं जाओ अइरावण हत्थी ॥ ४१ तस्सेव वाणत्ताएँ अवहिणा तो इमं मुणेऊण । दो रूवाएँ विउव्वर इंदो वि करेइ दो रूवे ॥ ४२ एवं दूमियचित्तो जत्तियरूवाणि सो विउब्वेइ । इंदा वि तत्तिया होंति, जाव एवं पि गवि ठाइ ॥ ४३ हरिणा विवज्जेण ताडिओ सो तओ सभावत्थो । अभियोगियकम्मेणं सम्मं वहिउं समाढत्तो ॥ ४४ [ कार्तिकश्रेष्टिकथानकं समाप्तम् । १२]
७०
*
साम्प्रतं द्वितीयछिण्डिका । तत्र च 'गणाभिओगो'त्ति सूत्रावयवः । गण: = मल्लादीनां समुदायस्तस्याऽभियोगः=पारवश्यता । तेन कदाचित् किश्चिदकल्प्यमपि कुर्वन् नातिचरति सम्यग्दर्शनमित्येवमग्रेतन पदेष्वपि व्याख्येयम् । तत्र च कथानकम्-
[१३. रंगायणमल्लकथानकम् ]
अत्थि इह भरहवासे सविलासं णाम पुरवरं रम्मं । तं परिवालइ राया सुरिंददत्तो विगयसत्तू ॥ १ तस्सऽत्थि महादेवी ववई णाम दसदिसिपयासा । इत्तो र्यं तत्थ नगरे वसंति बहवे पवरमल्ला ॥ २ विण्णाण-णाण-बल-दप्पगव्विया करणदच्छया कलिया । जुद्ध - णिजुद्धपहाणा अणेगरजेसु लद्धजया ॥ ३
व्यगुणतो ताण समत्थाण सेहरो अस्थि । तोसियबहुणरणाहो मल्लो रंगायणो णाम ॥ ४ अह अण्णा कयाई कमेण विहरंतया तहिं पत्ता । बहुसीसगणसमग्गा सूरी णामेण धम्म हा ॥ ५ ताणं च वंदणत्थं विणिग्गया णरवरिंदमाईया । नीसेसपुरजणा, मयहरो य अह णिग्गओ तुरियं ॥ ६ उट्ठा सट्टाणे सूरिं मिऊण सुद्धभूमीए । सूरी वि कहइ ताणं जिणिंद पहुदेसियं धम्मं ॥ ७ 'मिच्छत्तणीरपुरे कसायपायाल कलसगंभीरे । कुग्गाहजलयरगणे मोहावत्ते महाभीमे ॥ ८ बहुविहरोगतरंगे आवयकल्लोलमालियाकलिए । मयणग्गिवाडविले संसारमहासमुद्दम्मि ॥ ९ निवडंतयाण नित्थारणम्मि जाणं व एस जिणधम्मो । ता तत्थेव पयत्तं सिवसुहफलए सया कुणह ॥ १० इय सूरिवयणमायण्णिऊण बुद्धा तहिं बहू सत्ता । पव्वज्जमन्भुवगया, अवरे सुस्सावगा जाया ॥ ११ रंगायो वि घेत्तुं पंचाणुव्वयसमण्णियमुयारं । पवरोवासयत्रम्मं परिसाऍ समं गिहं पत्तो ॥ १२ पुण्णम्मि मासकप्पे सूरी अण्णत्थ विहरिउं पत्तो । रण्णा चामुंडाए महई जत्ता समादत्ता ॥ १३ रण्णा तत्थाऽऽणत्ता ते मल्ला तेहि सेहरो भणिओ । 'संवहसु लहुं जेणं वच्चामो' तेण पडिभणियं ॥ १४ 'भो भो ! वच्चह तुम्मे अहयं पुण अज्ज णागमिस्सामि' । तब्भावं णाऊणं पडिभणिओ तेहि तो एसो ॥ १५
1 C D किं ववसिस्सह । 2 A B तो । 3 A B अणुन्नवियजिणंअ ( णम ) णसणं । 4 CD रुवाणि । 5 A B वि । 6OD या ।