Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 80

श्रीधरकथानकम्
अह अन्नया कयाई भमडंतो सिरिउरं गओ तित्थं । तत्थेगम्मि परसे पेच्छ वरपुत्थियारयणं ॥ १ पंडि-पट्टउलयवेढणयवेढियं पट्टसुत्तनिक्खिवणं । वरपंचवण्णपुष्पोत्रगारकयविविह अच्चणयं ॥ २ कप्पूरा-ऽयरु-मयणाहिधूवगंधोद्धयाभिरामेल्लं । गोरोयण-रत्तंदण-कुंकुम - सिरिखंडकयपुंडं ॥ ३ सुसुगंधसालिअक्खयबलिकम्मं वासवासियं रम्मं । गहिऊण जाव पयडइ हरिसव सोल्लसियरोमंचो ॥ ४ ता पेच्छइ मणिचित्तियविद्दुमणिम्मवियपट्ट्यसणाहं । रयणमयपुष्यंतं चामीयरदोरियानद्धं ॥ ५
1
ओय ' अवस्सं एत्थ किंचि अञ्चन्भूयभूयं भविस्सर' त्ति चिंतंतो छोडिऊण वाइउं पयत्तो जाव अणेगसाइसयमंत-तंत-कुहेडग को उगाणं मज्झगयं पेच्छइ समंडलं सविहाणं समंतं सरक्खं खन्नवाकप्पं । तं च दहूण उल्लसिओ चित्तेण । 'अहो ! पत्तं जं मए पावियन्त्रं' ति चितिऊण तब्भणिओवाएण णिरूविउमाढत्तो । निरूवं परिभावियं एत्थ ठाणे महाणिहाणं । तओ एगम्मि दिणे कथं तम्मि पएसे महाबलिविहाणं, वत्तियं मंडलं, ठविया चउदिसिं पि तमालदलसामलकरालकरवालवावडकरा दिसावालयपुरिसा, वावराविया य के विखणिउं, सयं चाऽऽढत्तो मंतं जपिउं । जाव खणमिक्कं खणंति ताव चिंतिउमादत्तो साहगो जहा 'कओ बलिविहाणासु महंतो अत्यव्वओ, न य अज्ज वि पयडीहोइ णिहाणं, ता न नज्जइ किमेत्थ किंचि भवेस्सइ किंवा न च ? 'ति । तओ एवं संकाए चंचलचित्तं साहगं णाऊण णिहाणदेवयाए 'विउरुव्विया बिहीसिया - किलकिलाइउं पयत्ता वेयाला, फेक्कारंति डाइणीओ, रडंति सिवाओ, नच्चंति रक्खसा, निवडति ओगासाओ सिलासंघाय त्ति। तओ एवंविहं दट्ठूण नट्ठा दिसारक्खग पुरिसा । तेसिं पिट्ठओ खणंतगपुरिसा वि । साहो वि चलचित्त मंतं जपेंतो अच्छइ । चलचित्तं च साहगं हुंकारेण धरणीयले पाडेऊण पूरिऊण खड्ड गया देवया । एत्थंतरम्मि पहाया रयणी । आगओ य तत्थ अणेगसिद्धविज्जो सिवभूई णाम सिद्धो । दिट्ठा य ते मंडल सामग्गी बहुपुरिसपयाणि य । तओ आसन्नीहोऊण जाव णिरूवेइ ताव दिट्ठो पासट्ठियपोत्थियारयणो अक्खसुत्तवावडकरो थरथरेंतसव्वंगो उग्गिरंतफेणमुहो भूमीए लैढमाणो सिरिधरो । नायं च तेण जहा - एस कोइ विज्जासाहगो असिद्धविज्जो छडिओ विजाएँ । 'ता मा मरउ वराउ'त्ति " चिंतिय अणुकंपाए बद्धा से सिहा, आलिहियमणेण मंडलं, बद्धाओ दिसाओ, आहओ सत्तहिं उदयच्छडाहिं । तओ उट्ठिओ सहसा । समासासिओ य सिवभूइणा, बद्धा" वि य से पुणो बद्धा सिहा । पुच्छिओ मैं सो वृत्तंतं । कहिओ य तेणं सवित्थरो पुत्थियालाभप्पभिई । तओ णायं तेण सोहणे ठाणे लद्धा । जओ कयं तत्थ पाणोवकमणं सिवभूइणा । अणेगविण्णा मायसयसंपन्नो य सो आसि । ता तस्स संबंधिणं एयं पुत्थियारयणं । 'जं च किंचि एत्थ लिहियं तं सव्वमवितहं, ता जाएमि एयं' "एवं चिंतिय भणिओ सो 'ता किं एयाए अगोवद्दवालया पुत्थि याए?, ण याणसे य तुमं ऐयाए परिवालणोवाय' । तेण भणियं 'जइ एवं ता गेण्ह तुमं एयं, जओ गुरू तुमं पौंणप्पओ य, संपयं च जं तुमं आणवेसि तमहं करेमि ' । सिवभूइणा वि ' एवं 'ति भणिऊण गहिया पुत्थिया । दिट्ठो य तेण खण्णवायमंतो, साहणोवाओ य । सव्वं च विहिं संपाडेऊण 'णिस्संसयं एवमेय'ति I कलिय आढत्तो णिहाणगहणोवाओ । 'देढो'त्ति ण सक्किओ णिहाणदेवयाए " खोभं काउं । जाव पयडीभूयं निहाणयं गहियं च । कया अतिहि - देवयाण पूया । विलसियं च जहेच्छाए । पत्तो परं पसिद्धिं ति ।
[ श्रीधरकथानकं समाप्तम् । ८. ]
1 CD पोत्थिया । 2 A B पडि - वट्टोलय - वेट्टणयवे | 3 CD 'अच्चणियं, B 'अरचणयं । 4 CD °ओ अव । 5 A B°च्चभूयं । 6 C D ° वायक° | 7 C D ° तेण य परि° । 8 A B ° कार (ए) चलचित्तसा । 9 A B विरूविया । 10 C D आगासतलाओ । 11 CD तो चेव मंतं । 12 C D लढमाणो । 13 AB ए । 'मा। 14 A B चिंति
15 A B°द्धा से पुणो सिहा । 16 C D य वृत्तं । 17 CD नाइस° | 20 C D प्राणप्रदः प्राणार्पको वा । 21 O D दढचित्तस्स य न सक्कि° ।
मू० शु० ८
1
18 C D °एयं च चि° । 19 C D एईए । 22 C D खोभो । 23 A B निहाणा (णं) ।