Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 67

सटीक मूलशुद्धिप्रकरणम् हट्ट-पवा-सह-8वणविराइउ, करभरदंडकुदंडाचाइउ, तं परिपालइ सेणियराऊ, जसु घरि समरि करहिउ चाऊ, कामिणिकडुयकडक्खियकाऊ, जासु न गंजिउ वरभडवाऊ, जो अरिकरिकुंभत्थलसीहु, जो परपोरुसफूसियलीहु, जो खाइयसम्मत्तसमन्निउ, जो सुरनाहिं भत्तिय वन्निउ, जासु सुनंददेवि गुणवंती, अभयकुमारमाय सुपसंती, सीलालंकिय रायह वल्लह, जिणवरभत्त अउन्नह दुल्लह, सो तीऍ समन्निउ, विउसेंहि वन्निउ, रायलच्छि परिवालइ । सिरिवीरजिणिंदह, पणयसुरिंदह, भत्तिय नियरउ खालइ ॥१
[२]
अन्नु वि नागरहिउ तहिं निवसइ, दाणु दिंतु अत्थियणिह विहसइ, नाण-चरण-दंसणसंजुत्तउ, जिणमुणिपयकमलह जो भत्तउ, जो बंधवकुमुयाहँ मयंकू, लोह-माणवज्जियउ अवंकू, जो परनारिनियत्तियचित्तउ, जो कलिकालि केण नवि छित्तउ, जोव्वण-रूंव-सलोणिमबंधुरु, रयणरासि अंतरइ जु सिंधुरु,
अत्थि तासु गेहिणि गुणवंती, सुलसनामि सुकुलीण पसंती, अवि य
जा पवित्तेण सीलेण सुयलंकिया, जा य सम्मत्तरयणम्मि नवि संकिया, सोहए जीएँ गुणरयणवरकंठिया, मोक्खसोक्खम्मि निच्चं पि उक्कंठिया, जा न केणावि धम्माउ चालिज्जए, जा कला-गुणैहिँ निच्चं पि मालिजए, जा ये सिरिवीरपयपंकयाऽऽसत्तिया, साहुणी-साहुवग्गम्मि निरु भत्तिया, जा य साहम्मिपडिवत्तिपरिहत्थिया, जा य नियपरियणे सव्वया सत्थिया,
जा य विनायजीवाइसुपयत्थिया, जा य नियरूव-लावन्नसुपसत्थिया, किंच
जीऍ सोहंति कुम्मुन्नया चलणया, नं महीवीढसंचारिमा नलिणया, जीऍ जंघाजुयं रेहए सोहणं, नं रईनाहभवणम्मि वरतोरणं, जीऍ गंगानईपुलिणसुपसत्थयं, सोणिबिंबं सुवित्थिन्नमच्चत्थयं, जीऍ नीराऽऽकरावत्तसंकासयं, नाभियामंडलं मयणआवासयं, तियसनाहाऽऽउहस्सेव अइखामयं, जीऍ मज्झं रईसोक्खआरामयं, जीऍ पीणुन्नया वट्ट सुपओहरा, कामकरिकुंभसारिच्छ सुमणोहरा, जीए बाहाओं सरलाओं सुकुमालया, कामतावाऽवहारम्मि नं सालया, जीऍ सुपसत्थरेहाऽरुणा हत्थया, रत्तकंकेल्लि नं पल्लवा सत्थया,
10 D°भवण°। 2 A B °दंडावाइउ। 3A B °यणि जु विह। 40D ससंकू। 50D कालि कलिलि नवि। 6A B°रुवसुलोणि°, E°रूवसलूणि। 7A B °मयंधरु, E°महंधुरु। 800 सुलसु नाम सुकु । 90इ। 10 पत्तया।