Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 61

सटीकं मूलशुद्धिप्रकरणम् दिट्ठो य तीऍ सुमिणे सीहकिसोरो मुहेण उयरम्मि । पविसंतो लीलाए ससज्झसा उँट्ठिया तत्तो ॥ १०७ गंतूण णिवसमीवे कयंजली साहए तयं सुमिणं । सोऊण तयं राया कयंबकुसुमं व कंटइओ ॥ १०८ परिभावियसुमिणत्यो पभणइ अह नरवरो तइं देविं । हरिसखलियक्खराए कोईलअइकोमलगिराए ॥ १०९ 'देवि ! तुह दरियनरवरकरिकरडवियारणेगखरणहरो । पुहवीऍ एगवीरो होही णरकेसरी पुत्तो' ॥ ११० तं णरवइणो वयणं तहेव बहुमन्निऊण सा देवी । परिवहइ तयं गब्भं पूरियसुपसत्थडोहलया ॥ १११ अह अन्नया कयाई कमेण पत्ते पसूइसमयम्मि । देवकुमारसरिच्छं पसवइ वरदारगं देवी ॥ ११२ वद्धाविओ य राया पियंगुलइयाइ दासचेडीए । तीए य पीइदाणं दाउ निवो धोवए सीसं ॥ ११३ तयणंतरं च रण्णो आएसेणं समत्थरज्जम्मि । जायं वद्धावणयं उब्भियजुय-मुसल-धय-चकं ॥ ११४
अवि यमुच्चंतसव्वबंदर्य, वजंत तूररुंदयं । णच्चंतणारिसत्थयं, हीरंतसीसवत्थयं ॥ ११५ गिजंतमंगलोहयं, किज्जंतहट्टसोहयं । घोलंतकंचुईयणं, लोइंतखुजवामणं ॥ ११६ वणेतभट्ट-बंदिणं, दिज्जंतहत्थिसंदणं । तुटुंततारहारयं सामंततोसकारयं ॥ ११७ दिजंतभूरिदाणयं, पिजंतचारुपाणयं । भुजंतचित्तभोज्जयं, दीसंतणेगचोज्जयं ॥ ११८ आवेतअक्खवत्तयं, पूएजमाणपत्तयं । उन्भेजमाणछत्तयं, माणेज्जमाणखत्तियं ।। ११९ खिप्पंतसीसअक्खयं, कीरंतबालरक्खयं । उप्पन्नसत्तुदुक्खयं संजायमित्तसोक्खयं ॥ १२० वद्धावणगमहूसवमणुहवमाणस्स राइणो एवं । संपुन्नो अह मासो कमसो य मणोरहसएहिं ॥ १२१ काऊणं उवयारं रण्णा सुहि-सयण-बंधुवग्गस्स । सोहणदिणम्मि णामं तस्स कयं विजयवम्मो त्ति॥१२२ पंचहिँ धावीहिँ तओ लालिजतो कमेण संजाओ। किंचूणअट्ठवरिसो, कलाओ अह गाहिओ तत्तो ॥१२३ सवकलाँसंपण्णं मयरद्धयरायरायभवणम्मि । वस॒तं अहिणवजोव्वणम्मि णाऊण राएणं ॥ १२४ उत्तमकुलुब्भवाणं उब्भडलावण्णवण्णजुत्ताणं । णवजोव्वणोद्धराणं रइरसजलभरियसरसीणं ॥ १२५ सव्वकलाकुसलाणं सिंगारागार-चारवेसाणं । बत्तीसण्हं वरकन्नगाण गिण्हाविओ पाणिं ॥ १२६ एत्तो य एत्थ भरहे धरणीविलयाएँ तिलयसंकासं । अत्थि पुरं सुपयासं सुहवासं णाम बहुसासं ॥ १२७ तस्थ नियारिपक्खो अणहक्खो बहुजणाण कयरक्खो। सव्वकलागमदक्खो अस्थि णिवो णाम विमलक्खो। तस्स गुणाणं णिलया विलयालीलाएँ तुलियतेलुका । कमलदलदीहणयणा देवी कमलावई णाम ॥ १२९ तीसे गन्भम्मि तओ देवो चइऊण बंभलोगाओ। सो सिरिमईए जीवो धूयत्ताए समुप्पन्नो ॥ १३० पेच्छइ य चंदलेहं देवी णियअंकसंठियं सुविणे । साहइ पइस्स, तेण वि धूयाजम्मो समाइट्ठो ॥ १३१ संपूरि/दोहलया कमसो पत्ते पसूइसमयम्मि । सोहणदिणम्मि देवी पसवइ वरबालियं हिट्ठा ॥ १३२ वत्ते बारसमदिणे सम्माणेत्ता णियल्लए णामं । सुमिणाणुसारउ च्चिय कुणइ णिवो चंदवम्म त्ति ॥ १३३ पंचहिँ धावीहिँ तओ लालेजंती कमेण संजाया । किंचूणअट्ठवरिसा, कलाओं गिहाविया तत्तो ॥१३४ अह अन्नया कयाई सव्वालंकारभूसिया बाला । पिउणो उच्छंगगया चिट्ठइ णाणाविणोएहिं ॥ १३५ निव्वण्णिऊण तीए रूवं राया विसज्जिउं कन्नं । चिंताउरो पयंपइ मइसागरमंतिमुद्दिसिउं ॥ १३६
1C D दिट्टो तीए सु०। 2 CD उट्रिडं तत्तो। 3 C D लयं । 4 C D कलकोइलकोमलगिराए। 50 D तप्पिजमा । 6CD खत्तयं । 70 D°यरायसोक्खयं ॥ ति। 80D °लापत्तटुं, मय। 9 C D एणपुण्णाणं । 10A B °यरासीण। 11 A B °साणं। 12 C D सुमिणे। 13 A B धूयाएसो। 14 A B °बदेहलया।