Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 60

शिखरसेनकथानकम्
૨૭
तो जलणे णिदेहं किलिट्ठचित्ता दहेवि मरिऊण । जत्थेव णिवो णरगे इमा वि तत्थेव उववण्णा ॥ ७६ सत्तरससागराइं निच्चुव्विग्गेहि परमदुहिएहिं । कारुण्णजंपिरेहिं भीएहिं कहव गमियाई ॥ ७७ उव्वट्टेऊण णिवो णरगाओ पुक्खरद्धभरहम्मि । जाओ गहवइपुत्तो वेण्णाऍ दरिद्दगेहम्मि ॥ ७८
अह सा वि तरस जाया तत्थेव य भारहम्मि वासम्मि । जाया दरिद्दधूया तस्सेव समाणजाईए ॥ ७९ काले तओ दोन्निव उद्दामं जोन्वणं उवगयाई । जाओ अ ताण तत्थ वि वीवाहो विहिणिओगेण ॥८० पुव्वभवन्भासेणं धणियं अण्णोष्णबद्धरागाई | दारिद्ददुक्खविमुहाइँ ताइँ चिट्ठेति सुक्खेणं ॥ ८१
अह अन्नया कयाई ताणं गेहंगणम्मि पत्ताओ । समणीओं गुणजुयाओ भिक्खट्टा हिंडमाणीओ ॥ ८२ दट्ठू ओ तेहिं फाय-एसणियभत्त-पाणेहिं । पडिलाहियाओ विहिणा हरिसवसुभिन्नपुल एहिं ॥ ८३ 'कत्थट्ठियाओं तुब्भे ?" एवं पुट्ठाहि ताहिं पडिभणियं । वसुसिट्ठिघरसमीवे उवस्सए तस्स पडिबद्धे ॥ ८४ तो हे ताइं गयाइं परिवड्ढमाणसद्धाई । दिट्ठा य तत्थ गणिणी सुपसन्ना सुव्वया णाम ।। ८५ पुरओ संठियपोत्थयनिविट्ठदिट्ठी णमंततणुणाला । लोर्येण भमर भरोणयसुवयणकमला कमलिणि व्व ॥ ८६ वित्थिण्णमहत्थाइं ठियाइँ एगारसं पि अंगाई । कमलदलकोमलम्मि वि जीसे जीहाइ अग्गम्मि || ८७ सा वंदिया य तेहिं विम्हयउप्फुल्ललोयणजुगेहिं । भत्तिभरणिम्भरेहिं रोमंचुच्चइयगत्तेहिं ॥ ८८ तीइ वि धवलपडंतरविणिग्गउत्ताणि एगकरकमलं । अण्णामियवयणाऍ भाणियं धम्मलाहोति ॥ ८९ वदेत्तु सेसियाओवि साहुणीओ पुणो वि गणिणीए | वंदेत्तु पायकमलं नच्चासणे णिविट्ठाई ॥ ९० गणिणीऍ तओ भणियं निम्मलपरिणितदसण किरणाए । 'परिवसह कत्थ तुब्भे ?' इहेव अह जंपियं तेहिं ॥ ९१ गोयरगयाइ जीए दिट्ठाई साहुणीऍ तो ताए । भणियं 'अज्जेव म्हे वसहिं पुट्ठाओं एएहिं ॥ ९२ गोयरगयाओं धणियं सद्धावंताई तह य एयाई । तुम्हाण वंदणत्थं भत्तीऍ इहाssग्याई' ति ॥ ९३ गणिण तओ भणियं 'साहु कथं धम्मनिहियचित्ताई । जं इत्थ आगयाई किश्चमिणं भव्त्रपाणीणं ॥ ९४ जम्हा जयम्मि सरणं धम्मं मोत्तूण णन्थि जीवाणं । सारीर - माणसेहि य दुक्खेहि अभिद्दुयाण फुडं ॥ ९५ fय सो तीरइ काउं जहट्ठिओ वज्जिऊण मणुयत्तं । तं पुण चलं असारं सुमिणय-मायंदजालसमं ॥ ९६ मणुयत्तं लङ्गूण विधम्मं न करंति जे विसयलुद्धा । दहिऊण चंदणं ते करेंति इंगालवाणिज्जं ॥ ९७ धम्मेण सव्वभावा सुहावहा हुंति जीवलोगम्मि । धम्मेण सासयसुहं लब्भइ अचिरेण सिद्धिपयं' ॥ ९८ इय सोऊणं तेहिं पडिवन्नो सुद्धभावजुत्तेहिं । धम्मो जिणपन्नत्तो कया ईं जहसत्तिओ विरई ॥ ९९ गमिऊण कंचि वेलं गणिणि तह साहुणीओं णमिऊण । गेहम्मि पत्थियाई, णवरं गणिणीऍ भणियाई ॥ १०० 'एज्जह इह पईंदिवस, एवं चिय तह सुणिज्जह य धम्मं । दुक्खविरेयणभूयं पन्नत्तं वीयरागेहिं ॥ १०१ पडिवज्जिऊण य तओ गणिणीवयणं गयाणि णियगेहं । हिट्ठहिययणि धणियं धम्मम्मि कयाणुरागाई ॥ १०२ केयवयदिवसेसु तहा जायाई तिव्वभत्तिजुत्ताइं । उक्किट्ठसावगाई विसयसुहणियत्तचित्तानं ॥ १०३ अणुपालिऊण पवरं सावगधम्मं अहाऽऽउयं जाव । मरिऊण बंभलोगे दुण्णि वि जायाइँ वरदेवा ॥ १०४ भोत्तूण तत्थ सोक्खं पवरं सत्ताहियाइँ अयराई । तत्तो य सबरजीवो चइउं इह जंबुदीवम्मि ॥ १०५ भरहम्मि समुप्पन्नो मिहिलाणगरीऍ कित्तिवम्मस्स । रन्नो सिरिकंताए देवीए कुच्छिमज्झमि ॥१०६
1CD उव्वट्टिऊण य निवो । 20D सुपता । 3 AB लोयणकमलभरो° । 4 AB रोमंचच्च । 5 CD माणसेहिं दु । 6 CD न इमो ती° । 7 CD °माइंद° । 8CDय । 9 CD दियहं । 10OD याहूँ । 11 C D कवयदिणेसु ताइं जाया । 12 C D वरतियसा ।