Page Text
________________
सटीक मूलशुद्धिप्रकरणम् तओ रायभएणं विसन्नाओ पडिचारियाओ । इत्यंतरम्मि य समागओ रायपेसियमहंतओ । भणियं च तेण 'देवो आणवेइ देवि कुमारं च घेत्तूण सिग्घमागच्छह' । तओ कया सेव्वसामग्गी । पत्थाणसमए य भणिया देवी परियणेणं 'कत्थ आरामो ? किं वा अन्ज वि न पयट्टइ ?' । तीए भणियं 'घरकूवे जलपाणत्थं मुक्को पच्छा आगमिस्सइ पयट्टह तुब्भे' । पयट्टो सब्बो वि परिवारो। कमेण य पत्ताई पाटलिपुत्तं । वद्धाविओ नरवई । तओ हरिसभरनिन्भरेणं काराविया हट्टसोहा । आइ8 वद्धावणयं । पयट्टो सयं अम्मोगइयाए जाव दिट्ठा देवी कुमारो य । तओ देविरूवं निएऊण पुच्छियं राइणा जहा 'देवि ! किमन्नारिसं तुह सरीरं पेच्छामो ?' । तओ पडिचारियाहिं भणियं 'देव ! पसूयाए एयाए दिट्ठिदोसेण वा वातदोसेण वा पसूइरोगेण वा कहि(हं )चि एवंविहं सरीरं जायं, न सम्मं वियाणामो' । तओ नरवइणा पुत्तजम्मब्भुदयहरिसिएणावि अंधारियं वयणं देविवडयरसवणाओ, तहा वि धीरयं काऊण पविट्ठो नयरं । भणिया य सा 'किमारामो न दीसेइ ?' । तीए भणियं 'पिट्ठओ मुक्को पाणियं पियंतो चिट्ठइ, सुमरियमित्तो समागमिस्सइ' । तओ राया जया जया तीए सरीरं सव्वंगं पेच्छइ तया तया संदेहावन्नो भवइ, 'किमेसा सा अन्ना व 'त्ति । अन्नया य भणिया राइणा जहा 'आणेहि आरामं' । 'पत्यावेणं आणेस्सामि'त्ति भणंतीए सुन्नयं उट्टप्पाडं दट्ठण जाया महल्लयरी आसंका 'मन्ने न चेव एसा सा, अण्णा काइ'त्ति वियतो अच्छइ ।
___ इओ य तीए आरामसोहाए भणिओ सो देवो जहा 'कुमारविरहो मैह अच्चंतं बाहइ, ता तहा करेहि जहा कुमारं पेच्छामि' । तओ भणियं नागकुमारदेवेण 'वच्छे ! जइ एवं गच्छ मम सत्तीए, परं दद्रूण नियसुयं सिग्घमेवाऽऽगंतव्वं' । तीए भणियं “एवं होउ' । देवेण भणियं 'जाई ! तुम तत्थेव सूरोग्गमं जाब चिहिहिसि, तओ परं नत्थि मए सह तुह दंसणं, पच्चओ य जया हं पुणो' नाऽऽगमिस्सामि तैया हं मयगनागरूवं तुहकेसपासाओ निवडतं दंसिस्सामि' । तीए भणियं ‘एवं होउ, तहा वि पेच्छामि नियतणयं' । तओ विसज्जिया तियसेण । तप्पहावेण य खणमित्तेण चेव पत्ता पाडलिपुत्तं । विहाडेऊण य वासभवणं पविट्ठा अभंतरे । जं च केरिसं !, अवि य
पज्जलियरयणदीवं मणिमोत्तियरयणजणियओऊलं । पुष्फोवयारकलियं, मघमहियसुधूववल्लिल्लं ॥ ५५ वरककोलय-एला-लवंग-कप्पूरकलियपडलम्मि । ठवियवरनागवल्लीदलबीडय-पूगसंघायं ॥ ५६ बहुखज-पेजकलियं संजोइयजंतसउणआइण्णं । पासुत्तराय-नियमगिणिजुत्तपल्लंकपरिकलियं ॥ ५७
तं च दट्टण किंचि पुव्वरयसुमरणुप्पन्नमयणवससंजायसिंगाररसनिब्भरं, किंचि नियदइयालिंगणपसुत्तभगिणीदसणवसुप्पन्नईसारसं, किंचि जणणीकूवयपक्खेवसुमरणुब्भवकोवरसपसरं, किंचि सुयसुमरणुप्पण्णसिणेहरसगब्भिणं, किंचि समत्तनिर्ययपरियणावलोयणसंजायहरिसपगरिसनिवडंतआणंदबिंदुसंदोहं, खणमेक्कमच्छिऊण गया जम्मि पएसे पच्चासन्नपसुत्तधाइमाइपरियणो रयणजडियकैणयमयपालणयारूढो कुमारो "चिट्ठइ । तओ तं कुमारं घेत्तूण कोमलकरहिं रमाविऊण खणंतरं, पक्खिविऊण चाउदिसि कुमारस्स निययारामफलफुल्लनियरं गया सट्ठाणमेसा । तओ पभाए विन्नत्तो णरणाहो कुमारधावीए जहा 'देव ! अज सविसेसं केणावि कयफल-फुल्लच्चणो कुमारो दीसइ' । तं च सोऊण गओ राया तम्मि ठाणे । दिट्ठो य सो फलफुल्लनियरो। तं च दट्टण पुच्छिया सा जहा 'किमेयं ?' ति । तीए भणियं 'एयाणि आरामाओ अज मए सुमरिऊण आणियाणि' । राइणा भणियं 'संपयं किं न आणेसि । तीए भणियं 'न दिवसओ आणिउं तीरति' । तं च तीए
10 D°सव्वा साम। 20 D पाटलिपुत्तं। 30D °ओ अइरहसभर। 4 C D में। 50 D°यं सुसिग्ध 6A B जया(जाय!)। 70D पुणो वि ना। 80p तया मयग। 900 निवडतयं। 10A B °बीडं पूग।
1100 °णसमुप्पन्न। 120D नियपरि। 130 Dयपहरिसनिवड। 14 A B°कडय। 15 B वहह । Jain Education International For Private & Personal Use Only
www.jainelibrary.org
| SR No. | 001387 |
| Book Title | Mulshuddhiprakarana |
| Original Sutra Author | N/A |
| Author | Pradyumnasuri |
| Publisher | Prakrit Text Society Ahmedabad |
| Publication Year | |
| Total Pages | 248 |
| Language | Prakrit |
| Classification | Book_Devnagari, Ethics, Philosophy, & Religion |
| File Size | 21 MB |