Page Text
________________
गजाग्रपद पर्वतनामोत्पत्तिकथा
1
1
सेयगइंदारूढो सियछत्तो सेयचामरुक्खेवो । सव्वोरोहसमग्गो लीलाएँ गओ समोसरणे ॥ १०१ उत्तरिय गयवराओ, काऊण पयाहिणं च तिक्खुत्तो । अभिवंदिऊण य जिणं, उवविट्टो निययठाणम्मि ॥१०२ ताव य भगवं धम्मं जोयणनीहारिणीऍ वाणीए । नियनियभासापरिणामिणीएँ कहिउं समाढत्तो ॥ १०३ इत्थंतरम्मि सक्को 'धीवी कह अलियगव्वमुव्वहइ । एस निरिंदो एवं ?, ता संबोहेमि' चिंतेउं ॥ १०४ उत्तुंगधवलदेहं मणिकंचणरयणभूसियसरीरं । एरावणं विलग्गो, विहेइ तस्सट्ट उ मुहाई ॥ १०५ एक्कमिवणे अट्ट करेइ दंतमुसलाई । एक्क्क्कयम्मि दंते अट्टट्ट ठवेइ वावीओ ॥ १०६ वावीए वावीए विउच्चए अट्ट अट्ठ परमाई । इक्केकयम्मि पउमे अट्टट्ठदले पकप्पे ॥ १०७ इक्क्यम्मि य दले बत्तीसइपत्तविहियनट्टाई । अट्ठट्ठ सुरम्माई विउव्वए नाडयवराई ॥ १०८ सामाणिय-दोगुंदुग-पारितय-सुनद्धअंगरक्खेहिं । लोयप्पाला - ऽणीयाहिवेहि सत्तहि य अणिरहिं ॥ १०९ नीसेसपेइन्नय-आभिओग-किब्बिसिय अच्छरगणेहिं । परिवारिओ समंता सुरिंदरिद्धीइ दिप्तो ॥ ११० एवं आगंतूणं पयाहिणं तव्विलग्गओ चेव । दाऊणं अवणामइ अग्गपए तस्स हथिस्स ॥ १११ ताणि यसिलायलम्मी सक्कपभावेण तत्थ खुत्ताणि । अज्ज वि दीसंति, अओ गयग्गपयगो गिरी जाओ ॥ ११२ भत्तिभरनिब्भरंगो सक्को नमिउं जिणस्स पयकमलं । सम्भूयगुणनिबद्धं एयं थुइमंगलं पढइ ॥ ११३ भवनीयर निवडत जंतुसंताणतारणतरंड ! । तियसिंदवंद - असुरिंदवंद परिवंदिय ! मुणिंद ! ॥११४ जियदुज्जयमयरद्धयसुहड ! महामोह मल्ल बलहरण ! । करकलियविमलमुत्ताहलं व परिकलियतेलोक्क ! ॥११५ दुट्ठट्ठकम्मतरुकढिणगंठिनिट्टत्रणनिडुरकुठार ! । तिथैलोयतिलय ! नमिमो जिणिंद ! पयपंकथं तुम्ह ॥ ११६ माणस-सारीरियदुहसह स्ससंपीडियाण सयकालं । कुणसु पसायं सामिय ! सिवसुहसंपायणेणऽम्ह ॥ ११७ एवं थोऊण जिणं, भत्तिभरनिव्भरो तओ सक्को । नियठाणे उवविट्ठो, धम्मं सोउं समादत्तो ॥ ११८ तं पेच्छिऊण राया चिंतइ संवेगमागओ धणियं । 'सुट्टु अणेणं धम्मो कओ जओ एरिस विभूई ॥ ११९ धिसि घिसि अलजिरेणं अलियं गव्वं समुब्वहंतेण । तिण- तुलसयासाओं वि धणियं लहुईकओ अप्पा ॥ १२० एयरस य रिद्धीए महरिद्धीए य अंतरं गरुयं । ता कह अयाणुएणं अहियं आयासिओ अप्पा ? ॥ १२१ एवंविहाणि अत्रमाणणाणि दीसंति जत्थ संसारे । ता पज्जत्तं तेणं, करेमि तवसंजमोजोयं' ॥ १२२ एयं विचितिऊणं, वंदित्ता जिणवरस्स पयकमलं । पभणइ 'जइ हं जोग्गो ता देज्जउ मज्झ मुणिदिक्खा' ॥ १२३ संवेगरंगमउलं जाणित्ता तस्स तक्खणं चेत्र । भगवं पि देइ दिक्खं मुणिगणसंसेवियमुयारं ॥ १२४ दट्ठूण गहियदिक्खं इंदो भत्तीइ वंदिउं भणइ । 'नत्थि मह एस सत्ती, विजिओ हं संपयं तुम ' ॥ १२५ पन्नासरहसहस्सा सत्त य पमयासयाइँ चइऊण । काऊण तवं घोरं दसण्णभद्दो गओ मुक्खं ॥ १२६ सो वि हु मेहरपुत्तो दहुं नरनाहसंतियं चरियं । संवेगभावियप्पा पव्वइओ जिणसगासमि ॥ १२७
1
1
तत्थ य गयग्गपयन सिरिअजमहागिरीहि सूरीहिं । तिथे परमपवित्ते णिसग्गसुभभावंसजणणे ॥ १२८ वंदेत्तु चेइयाई वित्थन्नसिलायले सुरमणीए । उत्तमसत्ताऽऽइण्णं पायवगमणं कथं तेहिं ॥ १२९ पत्ताय देवलोगं, एवं किल दव्वतित्थसंसेवा । दंसणसुद्धिनिमित्तं सूरीहि महागिरीहिँ कया ॥ १३० [ आर्यमहागिरिकथानकं समाप्तम् । ३. ]
भावनिषेवाय भीम - महाभीमावुदाहरणम् । तंत्र च सम्प्रदायः
1 AB पयन्न | 20 D बिंदु' | 3D लद्दल ! | ● संजणगे । 7OD 'यां तु भी । 8 C D तत्र सम्प्र° ।
Jain Education International
4 CD तइलो° । 5 C D एवं 1
For Private & Personal Use Only
6OD
www.jainelibrary.org
| SR No. | 001387 |
| Book Title | Mulshuddhiprakarana |
| Original Sutra Author | N/A |
| Author | Pradyumnasuri |
| Publisher | Prakrit Text Society Ahmedabad |
| Publication Year | |
| Total Pages | 248 |
| Language | Prakrit |
| Classification | Book_Devnagari, Ethics, Philosophy, & Religion |
| File Size | 21 MB |