Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 31

सटीक मूलशुद्धिप्रकरणम् अद्दयकुमारो पीइं काउं इच्छइ' त्ति भणेऊण विसजिओ। अणवरयसुहपयाणेहि य पत्तो रायगिह । पडिहारनिवेइओ य पविट्ठो, पणामपुव्वयं च उवविठ्ठो । समप्पियाणि य अद्दयरायपहाणपुरिसेहिं उवायणाणि, अभयस्स वि समप्पियाणि कुमारपेसियाणि अव्वंगाणि । पिच्छिऊण य ताणि 'अहो सुंदराणि' त्ति भणंता परं विम्हयं उवगया सेणियादओ । कहिओ अद्दयकुमारसंदेसगो । जिणवयणकोसल्लयाऽवदायबुद्धिणा य चिंतियमभएण-'नूणं एस को वि ईसिविराहियसामण्णो अणारियदेसे समुप्पन्नो, किंतु पच्चासन्नसिद्धिगामी तओ मए सह पीइं काउं इच्छइ । न य अभव्य-दूरभव्य-गुरुकम्माणं मए सह मेत्तीमणोरहो वि संभवइ । जओ भणियं
पाएण होइ पीई जीवाणं तुल्लपुण्ण-पावाणं ।
एगसहावत्तणओ तहेव फलहेउओ चेव ॥ १७ ता केणइ उवाएण जिणधम्मे पडिबोहिऊण परमबंधुत्तणं पगासेमि । जओ
भवगिहमज्झम्मि पमायजलणजलियम्मि मोहनिदाए ।
उट्ठवइ जो सुयंतं सो तस्स जणो परमबंधू ॥ १८ ता कयाइ जिणपडिमादसणेण जाईसरणं उप्पज्जइ, ता पेसेमि उवायणच्छलेण भगवओ बिंब' ति चिंतिऊण पउणीकया सव्वरयणमई पसंतकंतरूवा भगवओ जुगाइदेवस्स पडिमा, संगोविया य मंजूसामज्झम्मि समुग्गए, तप्पुरओ य धूयकडच्छुयघंटियाइपूओवगरणाणि, पुणो य तालयाणि दाऊण निययमुद्दाए मुदिया । जया य सेणिएण आभरणाइ बहुदव्वं कोसल्लियाणि य दाऊण विसज्जिया अद्दयरायपुरिसा तया समप्पिया ताण मंजूसा । भणिया य ते 'मह वयणेण भणेजह अद्दयकुमारं जहेमं ममोवायणं एगागिणा एगंते सयमेव उम्मुदिऊणोग्घाडेत्ता निरूवियव्वं, न य अन्नस्स कस्सइ दंसणीयं' । 'एवं होउ'त्ति भणिऊण निग्गया पुरिसा। अणवरयपयाणेहि य पत्ता नियनगरं । पुव्वक्कमेण सव् जहोचियं काऊण गया कुमारभवणं । साहियं सव्वं पि जहा संदिटुं। ताहे पविठ्ठो कुमारो कोट्ठयभंतरे, उग्घाडिया य मंजूसा जाव नियपहाजालेण उज्जोययंती दस वि दिसाओ दिट्ठा पडिमा-'अहो अच्छरियं ! किं पि अम्हेहिं अदिट्ठपुव्वं एयं । तो किं सीसे कन्ने कंठे अहवा वि बाहुजुगलम्मि । परिहेमि हत्थ पाए "किंचि सरूवं ण योणेमि ॥ १४
किंच एयं किंपि कहिंचि दिट्ठपुव्वमिव पडिहासइ, ता कहिं दिनुपुत्वं ?' इइ चिंतयंतो "ईहापोहमग्गणगवेसणं "कुणमाणो मुच्छाए निवडिओ धरणिवढे । सयमेव "समाससिऊणोट्ठिओ कुमारो । खणंतरेणं समुप्पन्नजाईसरणो य चिंतिउमाढत्तो जहा 'अहं ईओ तइयजम्मे मगहाजणवए "वसंतपुरे गामे सामाइओ नाम कुडुंबी अहेसि । बंधुमई मे भारिया। अन्नया सुडियायरियसमीवे धम्मं सोऊण संसारभउब्विग्गो सभारिओ पव्वइओ। गहियदुविहसिक्खो य संविग्गसाहिं समं विहरतो समागओ एग नगरं । सा वि साहुणीहिं "समं विहरमाणा समागया तम्मि चेव नगरे । दट्ठण पुव्वरयसरणाओ तं पइ जाओ मे रागाणुबंधो । साहिओ" य बिइयसाहुस्स । तेण वि निवेइओ पवत्तिणीए । तीए वि बंधुमईए । तओ भणियं बंधुमईए 'अहो "विचित्ता कम्मपरिणई, जओ एस गीयत्यो वि एवमझवसइ । तो भगवइ ! न मम अन्नत्थ "गदाए वि अणुबंधं मुयही, ता संपयं अणसणं चेव जुत्तं । यतः--
1A B°सुप्पया। 2A B°ण ताणि। 3A B°मी मए। 4 A B सम(म) 5A B °हेउगो। 60D जाइस्सरणमुप्प। 70 D निअमुद्दाए। 8A B जया इ। 9A B जहेयं । 10 0 D न अन्न। 110 D अहो मञ्चम्भुयं अहो अच्चम्भुयं किं पि एयं अदिट्रपुब्वमम्हेहिं, ता किं सी। 120 D किंपि। 13 C D जाणामि । 14 C D ईहानू(बू)हम। 15 C D करेमाणो। 16 A B समासासि। 17 CD °ऊण उढिओ। खणंत°। 18 A B इमो य त। 19 A B वसंतपुरए। 20 A B सुम्वयायरि। 21 C D गहियसिक्खो । 22-23 CD
सह। 24 A B °ओ बिइ। 25 C D आचिंता। 26 C D गयाए चित्तणुबंधं मुहही।