Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 30

आर्द्रककुमारकथानकम् मियतियससुंदरी अद्दया णाम देवी । 'तीसे य पहाणहारो व्य गुणगणावासो जंतुसंतावणासो सत्थयाणिवासो सुचित्तआसओ बहुनरणारीहिययसमासासओ अइसुद्धत्तणाओ अविजमाणदोसओ अद्दयकुमारो णाम पुत्तो। सो य जम्मंतरोवज्जियविसिट्ठविसयसुहमणुहवंतो चिट्ठइ ।
इओ य सेणियराय-अद्दयराईणं पुव्वपुरिसपरंपरागयपीईपरिपालणत्थं पइदिणं परोप्परपहाणकोसल्लियपेसणेण कालो परिगलइ । अन्नया य समागओ सेणियरायपेसिओ महंतओ । सो य पडिहारेण पवेसिऊण निवेइओ ‘देव ! सेणियमहंतओ दुवारे चिट्ठइ ।' तओ सिणेहरसनिब्भरसमुब्भिज्जमाणरोमंचकंचुगेण भणिओ राइणा 'लहुं पवेसेह' त्ति बयणाणंतरमेव पविट्ठो। पणामं काऊण निविट्ठो दिन्नासणे । सम्माणिओ य जहोचियतंबोलाइपडिवत्तीए। भणियं च 'अइ ! कुसलं सपरियणस्स महारायसेणियस्स? ।' तेण भणियं 'देव ! कुसलं' ति। तओ समप्पियाणि महंतएण वरवत्थ-कंबल-निंबपत्त-सोवंचलाइयाणि कोसल्लियाणि । ताणि य दट्टण भणियं राइणा 'सेणियरायं मोत्तण को अम्हाणं अण्णो परमबंधवो ?' त्ति । तओ नियपिउणो अच्चंतसिणेहसंभमसाराई वयणाई सोऊण भणियमद्दयकुमारेण 'ताय! को एस सेणियमहारायराओ? ।' तओ रन्ना जंपियं 'पुत्त ! मगहाजणवर्यंबई महासासणो नरवई । तेण य समाणं अम्ह कुलक्कमागया गरुयपीई । तस्संतिओ य समागओ एस उवायणाणि गहेऊण महंतओ' । तओ महंतयं उद्दिसिय पुच्छियमद्दयकुमारेण 'भो किमत्थि कोइ तुम्ह सामिणो जोग्गउत्तो?' एयमायन्निऊण सहरिसं जंपियं महंतएण'उप्पत्तियाइचउविहबुद्धिजुओ मंतिपंचसयसामी । सूरो सरलो सुहगो पियंवओ पढमआभासी ॥ ८ दक्खो कयण्णुओ णेयसत्यपारंगओ कलाकुसलो । विन्नाण-विणय-लज्जा-दाण-दया-सीलपरिकलिओ॥ ९ दढसोहिओ सुरूवो पयाणुसारी सलक्खणो धीरो । अविचलसम्मत्तधरो सावगधम्मम्मि उज्जुत्तो ॥१० सिरिवीरजिणेसरचरणकमलभसलो सुसाहुजणभत्तो । उचियकरणोज्जयमई साहम्मिय-पयइ-पणईणं ॥११ किं बहुणा तियसेहि वि माणिज्जइ जो गुणि त्ति कलिऊण । सेणियरायंगरुहो सो अभओ नाम वरकुमारो॥ १२ मुंजइ सययमचिंतो जस्स पंभावेण सेणिओ भोए। तेलोक्पायडजसो सो कुमर ! तए कह न नाओ?' ॥ १३
इमं च सोऊण हरिसभरनिव्भरंगेणं जंपियं कुमारेण 'ताय! जहा तुम्हाणं पीई तहा अम्हे वि काउं इच्छामो ।' राइणा भणियं 'पुत्त ! जुत्तमेयं जं कुलकमागया पीई पालिज्जइ । भणियं च
उट्ठइ सणियं सणियं वंसे संचरइ गाढमणुलग्गो। थेरो ब्व सुयणणेहो न वि थक्कइ बिउणओ होइ ॥ १५ ते धन्ना सप्पुरिसा जाण सिणेहो अभिन्नमुहरागो ।
अणुदियहवढमाणो रिणं व पुत्तेसु संकमइ ॥ १६ तओ कुमारेण भणिओ महंतओ 'जया ताओ विसज्जेइ तया तुम मम "मिलेजासु ।' तेण भणियमेवं ति । तओ रायपुरिसदंसिए पासाए समावासिओ । राइणा वि पउणीकयाणि रयण-मुत्ताहल-विहुमाइयाणि पहाणकोसल्लियाणि । तओ अन्नम्मि दिणे वत्था-ऽऽभरणाइएहिं सम्माणेऊण उवायणसमेयनियपहाणपुरिससहायजुत्तो विसजिओ समाणो गओ कुमारसमीवं । कहिओ विसजणवुत्तंतो। कुमारेण वि अइथूलमुत्ताहल-सुतेयमहारयणाइयाणि अव्वंगाणि समप्पिऊण जंपियं जहा 'मह वयणेण "भणिज्जासु अभयकुमारं जहा-तए सह
1A B तीसे पहा । 2A B °या समा। 3 A B °णं परम। 4 CD सेणियराओ। 5 C D °यसामी । 6A B तेण समा। 7A B °या पीई। 80 D जोग्गपुत्तो। 9A पयईणं। 10 A B पसाएण। 110 D
मिलेजसु । 12 C D कुमरेण । 13 A B °णि सव्वंगाणि सम । 14 0 D भणिजसु ।