Page Text
________________
द्रोणकाख्यानकम्
२०७ सा। तओ जाव सो तं गिण्हइ ताव पहओ मए पिटुओ लउडएण बलिओ मं पइ तं मोत्तूण । वंचिऊण य तं मए गहिया कण्णगा, नीया निरुबद्दवे ठाणे मुक्का अमुंचमाणी हियएण । समागओ से परियणो । बहुमण्णिओ अहं तेण । एत्थंतरम्मि वरिसिउं पवत्तं नागवरिसं । पलाणो दिसोदिसं सञ्चलोगो। तओ परं न नाया मए सा कत्थइ गय त्ति । अलद्वतप्पउत्ती य हिंडिऊण कईवि दियहे नयरं तदुम्माहगेण पत्तो इहई" ति ।
___ तं च सोऊण भणिओ वसंतदेवेण 'मित्त ! जइ एवं ता साहेसु एत्युवायं' । तेण जंपियं 'सुए सा परिणिज्जिही, तओ कायव्वा अज्ज रयणीए तीए रहसणाहस्स मयरद्धयस्स पूया, तं च कप्पो त्ति गागिणी चेव करेइ, ता अणागयमेव पविसामो नगरमयणस्स मंदिरं, तदणुमएण य घेत्तणं तव्वेसं गमिस्सामि अहं तीए गेहं, चिरपडिगएसु य अम्हेसु तुमं तं घेत्तूण पलाइज्जासु'त्ति । तं च सोऊण 'सोववत्तिगंति हरिसिएण भणियं बसंतदेवेण 'मित्त ! सोववत्तिगमेयं परमेवं कम्जमाणे महंतो तुझाणत्यो' । एत्थंतरम्मि कुओ वि तत्थागयाए सुभदिसाविभागट्ठियाए छिक्कियं वुड्ढमाहणीए । कामपालेण भणियं 'न म झ एत्थाणत्थो, अनि य तुह कज्जसंपायणेण महंतो अब्भुदओ' । एत्थंतरम्मि केणावि सह जंपमाणेण नियकहालावसंबद्धं जंपियं वुड्ढमाहणेण 'को एत्थ संदेहो ?' । 'एवमेयं ति गहियसउणभावस्थेण जंपियं कामपालेण ‘एवं चेव कज्जमाणे सव्वं सोहणं भविस्सइ' ।
तओ उट्ठिऊण पविट्ठा नयरं । कया पाणवित्ती । काऊण य परियणनिओयणाइयं तकालोचियं करणिज्ज संझाकाले पविट्ठा नयरमयणदेवउलं, ठिया पडिमापिट्ठओ । थेववेलाए य निसुओ तूरसदो। 'एसा सा आगच्छइ'त्ति तुट्ठा चित्तेण, जाव समागया सयणवग्गपरिवुडा केसरा। ओइण्णा पाणाओ। घेत्तूण पियंकरियाहत्थाओ विविहपूओवगरणपडिपुण्णं पत्ति पविट्ठा अभितरे । 'कप्पो' त्ति ढक्कियं दुवारं । मोत्तूण एगत्थ पत्तिं गया मयणसमीवे भणिउं च पवत्ता, अवि य
“भो भयवं रइवल्लभ ! पच्चक्ख ! समत्थसत्तचित्तस्स । न हु जुज्जइ मह एवं निओयणं नाह ! दीणाए ॥ भत्तीए विविहपूयाइ पूइओ एत्तियं मए कालं । 'किर काहिसि मणरुइयं' जाव तए एरिसं विहियं ।। किं न बियाणसि सुगहियनामं मोत्तुं वसंतदेवं मे । न रमइ अन्नत्थ मणं अहवा किमिणा पलतेण १ ॥
जम्मंतरे वि सो च्चिय मह भत्ता दिज" जंपिउं एवं । तत्तोरणेगदेसे निबद्धओ पासओ तीए ॥३६ नसिउं सिरोहरं तत्थ अप्पयं जाव सा पवाहेइ । ताव सहस त्ति धरिया वसंतदेवेण निग्गंतुं ॥
सा वि तं दळूण 'कहं सो चेव एसो समागओ ?' त्ति जाव ससज्झसा चिंतेइ ताव भणिया वसतदेवेण 'सुंदरि ! अलं चिंताए सो चेवाहं तुज्झ हिययदइओ तुहहरणनिमित्तं पुवमेव समित्तो एस्थ पविट्ठो, ता समप्पेहि एयस्स मम मित्तस्स नियवेसं, गिण्हाहि य तुममेयस्स संतियं जेण वच्चइ एसो तुह कुलधर ति । तओ सुंदरमेयं ति हरिसियाए समम्पिओ तस्स नियवेसो । कामपालो वि पूजिऊण कामदेवं काऊण पलंबमंगुटुिं निग्गओ, निग्गच्छंतस्स य गहिया पियंकरियाए पत्ती। समारूढो जंपाणे । समुक्खित्तं वाहगेहिं । तओ बजतेहिं मंगलतूरेहिं गओ पंचनंदिगेहे । नीओ पियंकरियाए माइहरयं । निवेसिऊण भणिय 'पियसहि ! एवं चेन इट्टविसिट्ठपियसमागममंतं परिजवंती चिट्ठसु' । त्ति भणिऊण पओयणंतरेण निग्गया पियंकरिया।
IA B रइणाहस्स पूया । 2 cD लाएज्जसु । 3 c D°ण परि। 4 c D एयं । 5 cD पूइऊ । 5A B सहि ! तं चेव ।।
Jain Education International
For Private & Personal Use Only
www.jainelibrary.org
| SR No. | 001387 |
| Book Title | Mulshuddhiprakarana |
| Original Sutra Author | N/A |
| Author | Pradyumnasuri |
| Publisher | Prakrit Text Society Ahmedabad |
| Publication Year | |
| Total Pages | 248 |
| Language | Prakrit |
| Classification | Book_Devnagari, Ethics, Philosophy, & Religion |
| File Size | 21 MB |