Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 229

२०६
सटीके मूलशुद्धिप्रकरणे चतुर्थ स्थानकम् एत्थंतरम्मि य समागया पियंकरिया । वाउदाणाइणा सत्थीकाऊण भणिओ सो तीए जहा "पेसिया हं सामिणीर केसराए, संदिटुं च 'न तए एत्थ अत्थे खिज्जियवं, ज़ओ नाऽहं पुव्वाणुरायविसरिसं चिट्ठामि, अणभिन्नया मज्झ चित्तस्स गुरुणो, न य तुमं वज्जिय अण्णो मज्झ भत्ता, जइ य एयमण्णहा भवइ तओ अवस्सं मए मरियव्वं' ति', ता कालोचियमणुचिट्ठियवं" ति । तं च सोऊण हरिसियचित्तेण 'अम्हाणं पि एसा चेव गइ' त्ति जंपिऊण विसज्जिया पियंकरिया । संगमोवायपराणं च वोलीणो 'कोवि कालो।
___ अण्णया य समागया जण्णयत्ता। तओ 'सुए वीवाहो भविस्सइ' त्ति सोऊण दूमियचित्तो निग्गओ नयराओ वसंतदेवो । पत्तो काणणंतरं । तत्थ चिंतिउमाढत्तो, अवि य____ 'अन्यथैव विचिन्त्यन्ते पुरुषेण मनोरथाः । दैवादाहितसद्भावाः, कार्याणां गतयोऽन्यथा ॥२४ किंच
'अन्नह परिचिंतिज्जइ सहरिसकंडुज्जएण हियएण। परिणमइ अन्नह च्चिय कज्जारंभो विहिवसेण ॥ ता कह णु परिणयमिणं ? पुवक्कियकम्मजणियदोसेण । एवं जायम्मि जओ नियमेण विवज्जए दइया । ता जाव तीयऽणिठं वत्तं न सुणेमि ताव नियपाणे । उब्बंधिऊण देहं चएमि कंकेल्लिसालम्मि' ॥२७ इय चिंतिऊण तेणं असोगरुक्खं समारुहेऊण । संजमिय पासगं तो ठविया नियकंधरा तत्थ ॥२८ मुक्को झड त्ति अप्पा दिसामुहेहिं ततो परिब्भमियं । रुद्धो य सरणिमग्गो निमोलियं लोयणजुएण ॥२९ एत्थंतरम्मि 'मा साहसंति भणिऊण कामपालेण । तत्थागएण पुव्वं छिण्णो से पासगो झत्ति ॥३० वायाईदाणेण य सत्थं काऊण तो इमं भणिओ । 'नियआगिईविरुद्धं भ६ ! किमेयं तए विहियं ? ॥३१
तओ सदुक्खं भणियं वसंतदेवेण 'भद्द ! अलमेयाए गरुयदुहजलणजालावलीकवलियाए मह आगिईए' । कामपालेण भणियं 'भद्द ! जइ एवं तहा वि साहेह ताव नियदुक्खं जेण विण्णायतस्सरूवो तन्निग्गहे उवायं चिंतेसि । तओ 'अहो ! एयस्स परोवयारित्तणं' ति चिंतिऊँण साहियं सव्वं वसंतदेवेण । कामपालेण भणियं 'भद्द ! अस्थि एत्थ उवाओ, संपञ्जए य तीए सह पइदिणं तुह दंसणं, ता धण्णो तुमं, मम पुणो अपुण्णस्स न उवाओ, न य दंसणं, तहा वि न पाणे परिच्चयामि, जओ जीवंतो नरो कयाइ भद्दाइं पानइ विहिवसेण, यत उक्तम्देशादन्यस्मादपि मध्यादपि जलनिधेर्दिशोऽप्यन्तात् । आनीय झगिति घटयति विधिरभिमतमभिमुखीभूतः' ॥
वसंतदेवेण भणियं 'केरिसं कहं वा तुह पुण दुक्खं जायं ?' ति । कामपालेण भणियं
“अहं खु कत्तियपुरवत्थव्वगो इब्भपुत्तो जोवणुम्मायवसेण निग्गओ देसियालियाए। पत्तो य संखउरं नाम नयरं। तत्थ य तया संखपालस्स जक्खस्स जत्ता । तप्पिच्छणत्थं च निग्गय सबालवुड्ढे नयरं । अहं पि गओ तत्थेव । जाब पवत्ते निब्भरे कीलारसे दिट्ठा मए सहयारवीहियामज्झगया नियसहीयणपरिखुडा एगा कण्णगा । जाओ तं पइ मे निब्भरोऽणुरागो । सा वि मं दठूण निब्भराणुरायपरवसा नवमेहदंसणे मऊरी व उक्कंठिया, पेसिओ य तीए मह नियसहीहत्थे तंबोलो, जाव न किंचि जंपामि ताव वियट्टो रायहत्थी, कयमसमंजसं तेण, जाव समागओ सहयारवीहियं, पलाणो कण्णगापरियणो, न सक्किया पलाइउं
A B ति, कालो । 2 c D कोइ का । 3 A B अपि च । 4 A B एवं ता साहे। 5A B "मि । अहो। 6A B तिय सा । 7 cD वा पुण तुह दु। 8 cD किंपि।