Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 201

१७८
सटीके मूलशुद्धिप्रकरणे चतुर्थ स्थानकम् निकिकरो धरणीधरो नाम जक्खो। तेण वि विउव्वियं महाविमाणं, पूरियं रयण-मणि-मोत्तिय-विहुम-कणगाइयाणं । आरोविओ सुहप्पसुत्तो चेव कुमारो। समारूढाओ सपरियणाओ ताओ। उक्खित्तं अंगुलियाए धरिऊण धरणीधरेण विमाणं । तेओ वेगेण जाव वञ्चइ ताव किंकिणीजालरत्रेण विउद्धो कुमारो 'किमेयं ?' ति पुच्छिया तेलुक्कदेवी । तीए वि सव्वं साहियं ।
तओ पेच्छंतो गामाऽऽगर-नगराइमंडियं मेइणीतलं पत्तो झत्ति नियनयरे । दिट्ठा य साहुणीवसहीए काउस्सग्गट्ठिया बालपंडिया। तं च दट्ठण पक्खित्तं तदुवरि तेलोकदेवीए देवदूसं । तओ संभंताए 'नमो अरहंताणं' ति काउस्सगं पारिऊण निरूवियं उवरिहुत्तं । दट्ठण य विगाणं ससज्झसा पविट्ठा अभंतरे । 'किमेयं !' ति पुच्छियाओ अजाओ। ताहिं कहियं 'तुह तवप्पभावेण देवागमो भविस्सइ त्ति संभाविज्जई' । जाव एवं जपंति ताव तत्थेव अवयरियं विमाणं । उग्गओं य अंसुमाली । इयराणि वि उत्तरिऊण विमाणाओ निसीहियं काऊण पविठ्ठाणि अब्भंतरे । पणमियाओ साहुणीओ। इयरा वि दट्टण नियदइयं संभंता अब्भुट्ठियाँ । पडियाओ ताओ तीए चलणेसु । तमायण्णिऊण समागओ रायाइनयरलोगो जणयाइसयणवग्गो य । तओ विसज्जिऊण धरणीधरं सव्वदव्वं गहाय महाविभूईए गओ नियंगेहं । पारद्रं वद्धावणयं ।
एत्यंतरे पुच्छिओ कुमारो वणियउत्तवत्तं तप्परियणेण। तओ जावऽज कुमारो वि पडिवयणं न देइ ताव विजापहावेण विण्णायपरमत्थाए ‘मा रसे विरसो होउ' त्ति भाविंतीए दिण्णमुत्तरं तलोकदेवीए, जहा 'अज्ज उत्तो विमाणेण लहुं चेवाऽऽगओ, ते वि भूपयारेण पट्ठिया कालेणाऽऽगमिस्संति' । 'अहो ! वयणकोसल्लं मम पियाए' त्ति रंजिओ कुमारो।
पइदिणं च जाव पुच्छंति लोगा ताव बालपंडियानिमित्तदिण्णचिंतामणिरयणप्पभावेण कुमारेण सुमरिओ जक्खो । तक्खणं चेव समागओ एसो । भणियं च तेण किं निमित्तमहं सुमरिओ ?' । कुमारेण भणियं 'जेण तुह धूयाकयमुत्तरं नित्थरिउं न पारेजइ' । जक्खेणुत्तं 'जइ एवं तो अहं ते सव्वे संपाडिऊण सिग्घमागमिस्सामि' । कुमारेण भणियं 'पसाओ' । अणुट्ठियं च सव्वं जहाऽभिहियं जक्खेण । एवं" च कुमारस्स इहलोए चेव दाणफलोवणीयचिंतामणिरयणप्पहावेणं संपज्जंतसयलसमीहियस्स जिणसाहुप्यापरायणस्स दीणाईणं दाणं वियरंतस्स सव्वहा पुव्वचिंतियनियमणोरहे पूरंतस्स पंचप्पयारं विसयसुहमणुहवंतस्स वोलीणो पभूयकालो । जाया जोग्गपुत्ता।
अण्णया तत्थ समागया विहरमाणा सीलसागराभिहाणा सूरिणो। निग्गओ तेसिं वंदणवडियाए सभारिओ देवदिण्णो । बंदिया भावसारं सपरिवारा सूरिणो। लद्धासीसो य निसण्णो सुद्धभूमीए । समाढत्ता य धम्मदेसणा सूरीहिं; अपि च-लब्धायां सामग्र्यां धर्म एव यत्नो विधेयः, उक्तं च
भो भव्या ! भवभीमसागरगतैर्मानुष्य-देशादिका, सामग्री न सुखेन लभ्यत इति प्रायः प्रतीतं सताम् । तद्युष्माभिरिमां पुरातनशुभैरासाद्य सद्योऽनघां, सर्वज्ञप्रतिपादिते प्रतिदिनं धर्मे निवेश्यं मनः ।। ५८ स च द्वेधा समाख्यातः साधु-श्रावकभेदतः । यत्नस्तत्रैव कर्तव्यो, यत उक्तं मनीषिभिः ॥ ५९ तावदुःखान्यनन्तानि, तावद्रागादिसन्ततिः । प्रभवः कर्मणस्तावत् , तावजन्मपरम्परा ॥ ६० विपदस्तावदेवतास्तावत् सर्वा विडम्बनाः । तावद्दीनानि जल्पन्ति नरा एव पुरो नृणाम् ॥ ६१
1A B तओ चेव अवसेण जाव। 20 D°ओ अं। 30 D°या। निवडियाओ य ताओ। 40D ययगेहं । पारद्धं चेव वद्धा। 50 Dत्तवुत्तंतं परि। 60Dज कु। 70 D°जाए परिहाविऊण विण्णा । 800 पुच्छति लोगो ताव । 98 0 D समरि। 10 A B च जहा। 11 C D °वं कुमा। 12 C D °णाइदाणं । 13 4 C D °णो य पभू। 14 0 D °या य तत्थ। 150 D या य भाव। 16 A B °परियणा सू।