Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 197

१७४
सटीके मूलशुद्धिप्रकरणे चतुर्थ स्थानकम् सपीढो, सेण व्व ससफरिओ, अब्मुढितो व उटुंतमहंतकल्लोलेहिं, आलिंगयंतो व्व तरंगमालाबाहाहिं, हक्कारितो व्व संखुब्भमाणजलयरमहानिनाएहिं, हसंतो व्व फेणट्टहासेहिं, आलवंतो व्व विहंगजंपिएहि, दिट्ठो रयणायरो। पूइऊण य तं निरूवियाई जाणवत्ताई । ताण य मज्झाओ जिणवयणं व अक्खयं गुणाहारं सुचीवरऽद्धासियं नेगमाइट्ठाणं वरसियवडं महत्थुप्पत्तिकारणं समासियजणकयविहवं बुडुंतजंतुसंताणतारणक्खमं पहाणदेवयाहिट्ठियं भाडियं महाजाणवत्तं । संकामियं समत्थं पि तत्थ भंडं ।
___तओ संगहिएसु तंदुल-कणिक्का-जल-कट्ठाईसु काऊण गुरु-देवपूयं, दाऊण महादाणं सपरियणो समारूढो जाणवत्ते । तओ समागयाए जलहिवेलाए समाणिएसु पूयाविहाणेसु उब्भियासु नाणाविहपडागासु संचारिएसु आवल्लएसु उक्खित्तासु नंगरासु उड्डीकएसु कूवएसु उभिएसुं सिडेसुं उवउत्तेसुं कुच्छिधार-कण्णधार-गब्भेजय-निजामएसुं विमुक्क( कं) बंधणेहिंतो जाणवत्तं । साणुकूलवायजोगेण य थोवदिवसेहिं चेव ओगाढं बहूइं जोयणाई जलहिमज्झे ।
इओ य सा बालपंडिया ण्हाण-विलेवण-विभूसाइवज्जिया पोसहनिरया आइंबिलाइकुणमाणी पाएण साहुणीवसहीए चिट्ठइ । तओ अण्णया आवज्जियचित्तेहिं भणिया सा साहुणी-जणय-जणणी-सासू-ससुराइएहिं 'वच्छे ! अइसुकुमालं ते सरीरं, ता मा एवमइदुक्करं तवं करेहि' । तीए विण्णत्तं
'मा कुणह गुरू ! खेयं, छम्मासा जाव ताव काहामि । कट्ठाणुट्ठाणमिणं, परओ पुण अणसणं घेच्छं ।। ३७ जइ एइ न मे भत्ता परिपूरियनियमणोरहो इहयं । तो तुम्हाण समक्खं नियमेण इमं वयं मज्झ' ॥ ३८
तेहिं भणियं 'पुत्ते! महंतं देसंतरं गओ ते भत्ता, न छम्मासेहिं तत्तो आगंतुं पारिजइ, तो मा एवंविहं पइण्णं करेहि' । तीए लवियं 'कया चेव एसा, न एत्थत्थे अण्णं किं पि भणियव्वं' । नाऊण से निच्छयं ठियाणि तुण्हिक्काणि ।
__अण्णया य निवडतए महासीए अप्पावरणा अणावरिएं य पएसे साहुणीउवस्सयस्संतो चेव रयणीए ठिया काउस्सग्गेणं । एत्थंतरम्मि य समागओ रइसेहरो नाम महानाहियवाई पयंडवाणमंतरो । दिट्ठा य सा तेण । तीएं य रूवाइसयपरवसीकयमाणसेण पञ्चक्खीहोऊण भणिया सा, अवि य---- 'पडिवजसु म बाले !, तुह गुणगणरंजिओ जओ अहयं । रइसेहरनामाणं देवं लक्खेहि में सुयणु ! ॥ ३९ देवो वि किंकरो हं अजप्पभिई तुहं पिए ! होहं । ती पडिवज्जसु मं जेण दुल्लहं पुण इमं देहं ॥४० पंचण्डं भूयाणं समुदाएणं इमं जओ जायं । न य अस्थि कोइ धम्मो, न य परलोगो न निव्वाणं' ॥ ४१ एवं जपंतस्स वि तस्स न सा देइ उत्तरं जाव । ताव बलामोडीए आढत्तो भुंजिउं पावो ॥ ४२ तीए तवतेएणं जाव न सकेइ उग्गहं भेत्तुं । ताव विलक्खीभूओ रुट्ठो एवं विचितेइ ॥ ४३ 'एईए भत्तारं मारेमि पइव्वयाएँ दुट्ठाए । जेणेसा तव्विरहे मरइ महै।सोयसंतत्ता' ॥ ४४ नाऊण विभंगेणं कुमरं जलहिस्स मज्झयारत्थं । वेगेण हरिसियमणो पत्तो सो तत्थ वहणम्मि ॥ ४५ विगरालरूवधारी जंपइ रे! सरह देवयं इ8 । बोलेमि जओ तुभं पोयमिणं अज्ज जलहिम्मि' ॥ ४६ कुमरेणं सो भणिओ 'केणऽवराहेण ववससे एवं ?' । पडिभणइ सुरो 'दुव्विलसिएण तुह दुट्ठभज्जाए' ॥ ४७ 'मह पुवचितियं निच्छएण संभवइ जेण तियसो वि । जंपइ एरिसवयणं' इय भाविय भणइ पुण कुमरो।। ४८
10 D °णदृट्टहा। • 2 A B °मासासियजणं कयौं । 3A B°संतारण। 40D °ण य गुरुदेवयपूर्य, दाऊण य म। 5A B °य नियमणोहर(रह)सयाई। 60D ता। 7 A B न अत्थेत्य(स्थत्थे)। 8 C D ए पएं। 90 D°ए रूवा। 10 C D तो। 11 C D एणं जओ इमं जा। 12 c D°हादुक्खसं। 13 AB °वई इ।
www.jainelibrary.org |