Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 190

देवधरकथानकम् जेण तायमणुगच्छामि' । तहाकयं निउत्तपुरिसेहिं । सयं च ण्हायविलित्तालंकियदेहो निबद्धसियकुसुमोबसोहिओ पहाणदुगुल्लनिवसणो उदंडपुंडरीयनिवारियाऽऽयवो गहियजमजीहाकरालकरवालो आरोहिउं जयकुंजरं पत्तो रायसमीवे । दिट्ठो य राइणा समागच्छमाणो, चिंतियं च 'धण्णो हं जस्सेरिसो जामाउओ, अहवा कर्यसुकयकम्मा देवसिरी जीसे एसो भागावडिओ' । इत्यंतरम्मि य चलणेसु निवडिऊणं विण्णत्तं देवधरेण 'देव! न मत्तमायंगे मोत्तण गोमाउएसु केसरिकमो निवडइ, ता देह ममाऽऽएसं जेण अहं चैवं सासेमि तं दुरायारं, किंच अहं 'वणिओ'त्ति कलिऊण लूडिओ तेण मह विसओ, ता देव! मए चेव तत्थ गंतव्वं' । राइणा वि हरिसभरुभिजमाणरोमंचेण भणियं 'वच्छ! मा एवं विष्णवेसु, न य मम सयमगच्छंतस्स संतोसो भवई' । तओ लक्खिऊण भावं ठिओ तुहिक्को एसो । खणंतरेण अग्गगमणत्थं विण्णत्तमेएण 'देव! देहि आएसं'। नरवइणा संलत्तं 'विण्णवसु पसायं' । तेण भणियं 'देव! जइ एवं तो अग्गाणीएण पसाओ भवउ' । नरनाहेण भणियं 'पुत्त! न सुंदरमेयं, जओ नाऽहं विओयं सोढुं समत्थो, गव्वूयसत्तगयं अग्गाणीयं । तेण भणियं 'पइदिणं सिग्यवाहणेहिं समागंतूण देवपाए पणमिस्सामि' । तओ तन्निच्छयं नाऊण पडिवण्णं नरपहुणा । अणवरयं च गच्छमाणा पत्ता विसयसंधिं ।
तओ चारपुरिसेहिंतो नाऊण जंपियं पडिवक्खनरनाहेण 'अरे! गिण्हह अविण्णायअम्हसामत्थं अग्गाणीए समागच्छमाणं तं किराडं' । तओ तव्ययणाणंतरमेव सन्नद्धं सव्वं पि सेण्णं । तस्समेओ अप्पतक्किओ चेत्र समागओ एसो । तं च समागच्छंतं पेच्छिऊण लहुं चेव सन्नज्ज्ञिय संपलग्गं देवधरसेण्णं, जायं च महाऽऽओहणं, अवि य
कत्थइ करालकरवालकप्परिजंतनरसिरकवालं । कत्थइ उन्भडनच्चिरकबंधकयविविहपेच्छणयं ॥ ५६ कत्थइ सुतिक्खकुंतग्गभिन्नकरिकुंभगलियमुत्तोहं । कत्थइ मुग्गरचुण्णियकडयडभजंतरहनियरं ॥ ५७ कत्थइ रुहिरासवपाणतुट्टनच्चंतडाइणिसणाहं । कत्थइ नरमंसामिसभक्खिरफेक्करियसिवनिवहं ॥ ५८ कत्थइ धणुगुणखिप्पंततिक्खसरविसरछड्यनहविवरं । कत्थइ सत्थक्खणखणसंघटुटुंतसिहिजालं ॥ ५९ कत्थइ सुण्णासणसंचरंतगय-तुरय-रहवरसमूह । कत्थइ भडपरितोसियसुरगणमुच्चंतकुसुमभरं ॥ ६० कत्थइ भीसणकयविविहरूवकिलिकिलियपेयसंघीयं । कत्थइ करालकत्तियवावडकररक्खसीभीमं ॥ ६१ इय रुदे समरभरे हत्थाऽऽरोहं पयंपई कुमरो । रे ! नेहि मज्झ हत्थिं नरकेसरिकरिसमीवम्मि' ॥ ६२ 'आएसु' त्ति पयंपिय चुंबावइ रिउकरिस्स दंतग्गे । नियकरिवरदंतेहिं विण्णाणवसेण सो मिठो ॥ ६३ अह उल्ललित्तु पत्तो नरकेसरिसिंधुरम्मि देवधरो । जंपइ ‘एस किराडो पत्तो हं राय ! उठेहि ॥ ६४ गिण्हसु आउहमिहि, पेच्छसु मम वणियसंतियं विरियं'। 'नीओ'त्ति अरुइयं पि हु लेइ निवो खग्गवररयणं ॥६५ अमरिसवसेण राया जा पहरं देइ ताव कुमरेण । वंचित्तु तयं बद्धो राया वरदप्पकलिएण ॥ ६६
इओ य जाणावियं परबलागमणं पैवैणवेयवरियासंपेसणेण कुमैरमंतीहिं भामंडलराइजो । सो वि पहाणबलसमेओ समागओ तुरियतुरियं । कुमारेण वि समप्पिओ नरकेसरी । तेणावि सहरिसं समालिंगिऊण कुमार छोडाविया नरकेसरिबंधा । सम्माणिऊण भणिओ जहा 'कुमारभिच्चो होऊण मुंजसु नियरज्ज' । सो वि कुमारस्स दाऊण नियतणयं मित्तसिरिं अभिमाणधणयाए मोत्तूण रजं निक्खंतो सुगुरुसमीवे । नरनाह-कुमारा वि नरकेसरिपुत्तं रजे अहिसिंचिऊण समागया नियनयरीए । . 10 निय(य)सणो। 2 C D °यकम्मा। 30 D चेवासासेमि। 4 C D न मम। 50 D देह । 60 D ता। 70D पुरिसेहिं नाऊ । 8A B °घाई। 9c D एसो त्ति। 100D करिददंत । 110 Dसु वणियस्स सं०। 12 0D पहाणवे। 13 CD कुमार। 14 Dययनय । . .