Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 186

देवधरकथानकम्
१६३ पवित्तिणी वि 'चेइय-साहु-साहणीणं भत्तिं करिस्सइ'त्ति मण्णमाणी ठिया तुहिक्का जावाऽऽगओ पाउसो । निवडियं वरिसं । तत्थ वि तीए तहाविहं चेव भावं नाऊण पवित्तिणीए पुणो पुट्ठा विजा जहा 'कित्तियमेईए भोगहलियं ?' । विजाए भणियं जहा 'एसा पंचण्हं पंचुत्तराणं देवीसयाणं अग्गमहिसी भविस्सइ, पण्णासं च वरिसाई भोगहलियं भुंजिस्सइ' । 'पवयगुण्णइं करिस्सइ' त्ति मण्णमाणी ठिया उयासीणयाए चेव पवत्तिणी।
___ अण्णया य साहुणीवंदणत्थमागएण दिट्ठा देवधरेण, पुच्छिया पवत्तिणी 'किमेसा अन्ज वि न पव्वाविज्जइ ?' । पवत्तिणीए भणियं 'जओ अजोग्गा' । 'जइ एवं किमत्थमसंजय पोसेह ?' । तीए भणियं 'जओ संघस्सुण्णईकरा भविस्सइ' । तेण भणियं 'कहं ?' । तीए भणियं 'न पभूयं वट्टइ कहिउं' । तओ तेण अभोयणाइऐ कओ निब्बंधो । जहट्ठियं सिढें । तओ चिंतियं देवधरेण 'अहो ! अचिंता कम्मपरिणई जमेसा वणियकुलोप्पणा वि एवंविहं रायलच्छि पाविस्सइ, भुंजिऊण य रायलच्छि मण्णे दुग्गइं वच्चिस्सइ, ता परिणेमि एयं जेण रायलच्छि चेव न पावइ, न य दुग्गइं जाइ' । त्ति चिंतिऊण भणिया पवित्तिणी 'भयवइ ! किमहमेयं परिणेमि ?' । तीए य दो वि कण्णे पिहित्ता 'सावय ! किमयाणो विय पुच्छसि ? न वट्टइ एयमम्हाण जंपिउं' [ति जंपियं ] । देवधरेण भणियं 'मिच्छा मि दुक्कडं, जमणुवओगो कओ' ।
तओ गओ लच्छीसयासं । भणिया य विणयपुव्वयं अंबे ! दिजउ मम रायसिरी' । तीए भणियं 'पुत्त ! दिण्णा मए साहुणीणं' । तेण भणियं 'न पव्यावइस्संति ताओ तं' । तीए भणियं 'कहं वियाणसि?। तेण भणियं 'ताहिं चेव सिटुं' । लच्छीर भणियं 'जइ एवं तो पुच्छामि ताओ' । तेण भणियं ‘एवं होउ, परमण्णहा न कायव्वं' । तओ पुच्छिया पवित्तिणी लच्छीए जहा 'किं सच्चं चेव न दिक्खिस्सह रायसिरि । पवित्तिणीए भणियं 'सर्च' । तओ तीए 'दारिदैपत्तो वि गुणजुत्तो सावयधम्मजुत्तो सामण्णपुत्तो य एस देवधरो, न य मह कम्मकैरीहत्थाओ अण्णो को वि महिड्डिपत्तो गिहिस्सइ, एसो य महायरेण मग्गइ'त्ति चिंतिऊण दिण्णा देवधरस्स रायसिरी । कम्मधम्मसंजोएण जायं तीए चेव फग्गुणसुद्धक्कारसीए वारेज्जयलग्गं । तओ कीरंतेसु वारिजमंगलेसु भाविउं पवत्ता रायसिरी, अवि य'जइ अंतरायकम्मं न हु हुँतं मज्झ पुण्णवियलाए । संजमभरवहणसमुजयाएँ कयनिच्छयमणाए ॥ ३२ तो दिजितो वेसो अजं मह सयण-सावयजणेहिं । वण्णणए कीरते संविग्गा भावए एवं ॥ ३३ पुणरवि लग्गदिणम्मी चिंतइ कीरंतए पमक्खणए । 'निक्खमणऽभिसेयमहो, वट्टतो अज मह इण्हि ॥ ३४ सँयणाइसंपरिवुडा सव्वालंकारभूसिया अहुणा । वच्चंती जिणभवणे बहुमंगलतूरसद्देहिं ॥ ३५ । माइहरे उवविट्ठा चिंतइ ‘कयजिणपइक्खिणा इण्हि । गुरुणा सह भत्तीए वंदंती चेइए अहयं ॥ ३६ चउविहसंघसमक्खं अप्पिज्जंतो गुरूहिँ मह वेसो । रयहरणाई संपइ, संपइ कीरंतओ लोओ' ॥ ३७ हत्थाऽऽलेवयसमए भावइ 'हा ! जीव ! एस सो समओ। गुरुयणमणुभासंतो गिण्हंतो जत्थ सामइयं' ॥ ३८ 'इणिंह पयक्खिणंती समत्यसंघेण खिप्पमाणेहिं । वासेहिँ समोसरणं' भावइ मंडलयभमणम्मि ॥ ३९
तयणु 'असेसणेहिं बंदिजंती तओ पुण गुरूहिं । अणुसहि दिजंतिं संवेगगया निसामंती ॥ ४० हा ! जीव ! अलक्खण ! सव्वविरइनिहिगहणलालसो कह तं । वेयालेण व बलियंतरायकम्मेण विद्दविओ?' ॥ ४१
10D पणयं क°। 20D ए व ब्बंधे (कए निब्बंधे) जह। 300 पुत्तो। 4A कराह । 50D महिडिओ पुत्तो। 60 D °जयमं। 70 D प य हुँखें। 8 CD सइया। 9 A B उरुय। 10 AE पइक्खि। 110p°भवण। 1200 जणेणं, वं।