Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 184

देवधरकथानकम् परिचत्तसव्वसंगं विविहतवच्चरणसोसियनियंगं । पढियेक्कारसअंग जयदुज्जयनिजियाणगं ॥ ६ तिहिँ गुत्तीहिँ सुगुत्तं समियं समिईहिँ सत्तसंजुत्तं । समदिट्ठसत्तु-मित्तं सुसाहुजुयलं तहिं पत्तं ॥ ७ तं दटुं देवधरो पयडसमुभिजमाणरोमंचो । चितेइ 'अहो ! दुलहा जाया मह अन्ज सामग्गी ॥ ८ पत्तं वित्तं चित्तं तिण्णि वि पुण्णा पुण्णजोएण । ता सहलं नियजीयं करेमि पडिलाहिउं मुणिणो' ॥ ९ इय चिंतिऊण गंतुं मुणिपामूले नमंतसिरकमलो । विण्णवइ 'कुणह भयवं ! महऽणुग्गहमेयगहणेणं' ॥ १० साहूहिँ वि तं नाउं अइगरुयपवड्डमाणपरिणामं । 'थोवं दिज्जसु सावय !' भणिऊणं उड्डियं पत्तं ॥११ तेण वि 'इच्छं इच्छं' पयंपमाणाण ताण साहूण । रहसवसपरवसेणं सव्वं पत्तम्मि पक्खित्तं ॥ १२ 'अजं चेव कयत्थो जाओ हं' भाविऊण तत्थेव । उवविठ्ठो ठाणम्मि पुरओ थालं विहेऊण ॥ १३
___ एत्यंतरम्मि भोयणसमयदेववंदणत्थमभंतरं पविसिउकामेण दिट्ठो सेट्ठिणा । तओ भणियाऽणेण नियभारिया संपया जहा 'परिवेसेहि देवधरस्स' । तीए भणियं 'परिविलृ मए एयस्स अमुगं अमुगं च पहाणभोयणं, परं एएण सव्वं साहूण दिण्णं' । सेट्ठिणा भणियं 'धण्णो खु एसो जेणेवं कयं, ता पुणो वि परिवेसेहि' । तीए भणियं 'नाऽहमेवंविहं वियाणामि' । सेट्ठिणा भणियं 'मा अणुमोयणाठाणे वि खेयं करेहि, जओ अणुमोयणाए वि तुल्लं चेव फलं हवइ, भणियं च___ अप्पहियमायरंतो, अणुमोयंतो वि सोग्गई लहइ । रहकारदाणअणुमोयगो मिगो जह य बलदेवो ॥ १४ ता भुंजावेहि मणुण्णेणं' । ति भणिऊण पविट्ठो देववंदणत्थमन्भंतरे । संपयाए वि वक्खित्तत्तणओ जाव न परिवेसियं ताव इयरो वि अभिमाणगओ चिंतिउमारद्धो, अवि य"कट्टमहो! दालिदं गिरिवरगरुया वि सुपुरिसा जेणं । तिण-तूलसयासाओं वि जायंति जयम्मि लहुययरा ॥ १५ कि ताण जीविएणं नराण दोगच्चतावतवियाणं । इयरजणजणियपरिभवअवमाणक्खाणिभूयाणं ? ॥ १६
अत्थो च्चिय पुरिसत्थो एको भुवणम्मि लहँइ परभावं । बहुदोसजुया वि नरा गोरव्वा जेण जायंति ॥ १७ . धण्णा गलए पायं दाउं अवमाणणाण सञ्चाणं । तेलोयवंदणिज्जा जाया समणा समियपावा ॥ १८ अहयं तु पुण अहण्णोजो नवि सक्केमि गिहिउं दिक्खं । अवमाणगरुयदुक्खाइँ तेण निच्चं पि विसहेमि ॥" १९
एवं च चितंतस्स निग्गओ सेट्ठी । दिट्ठो य तयवत्थो चेव । तओ भणिओ सेट्ठिणा 'उद्धेहि वच्छ ! मए समं भुंजसु' । तओ उढिओ देवधरो, भुत्तो य पहाणाहारेहिं सह सेट्ठिणा । तओ इहलोए चेव महरिसिदाणप्पहावोवजियमहारज्जाइलाभस्स वि जिण-साहु-साहुणीवंदण-पज्जुवासणापरस्स जम्मंतरनिकाइयाऽसुहकम्मफलमणुहवंतस्स वच्चए कालो।
इओ य तम्मि चेव नयरे अस्थि रयणसारो नाम सेट्ठी । महलच्छी तस्स भारिया । ताणं च विसयसुहमणुहवंताणं समाहूओ महलच्छीए. गब्भो । जाव जाओ छम्मासिओ ताव पंचत्तीहूओ सेट्ठी । महलच्छी वि पसूया "निययसमए विणिज्जियामरसुंदरीरूवं सयललक्खणसंपुण्णं दारियं । ततो 'अपुत्तलच्छित्ति दारियानिव्वाहमित्तं किंचि दाऊण गहिओ सव्वो वि घरसारो राइणा । उचियसमएं कयं कुमारियाए नामं रायसिरि त्ति । पवड्डमाणी य बालिया चेव रायमुक्कदव्यपयाणेण गिण्हाविया कलाओ जणणीए ।
इत्थंतरम्म पइमरण-दव्वविणासाइमहादुक्खसंतत्ता खिजिऊण कालगया महालच्छी । रायसिरी वि संगहिया लच्छीनामाए नियमाउसियाए, परिवालए ईसरगिहाइसु कम्म काऊण । सा वि रायसिरी 'साविय'त्ति भावसारं वंदए पइदिणं चेइय-साहु-साहुणीओ, दाणधम्माइवियलं च निंदैए अप्पाणं, अवि य
1A B पइंपमा। 20 D°या जहा। 3A Bहउ परभायं। 40D महाल। 5A B नियस। 60D °ए य क। 7 CD "म्मि य पई। 8 C D निंदा ।
मू० शु०२१ .