Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 173

१५०
सटीके मूलशुद्धिप्रकरणे चतुर्थ स्थानकम् अन्यस्मै दत्तसङ्केता, वीक्षतेऽन्यं, गृहे परः। अन्यश्चित्तेऽपरः पार्थे, गणिकानामहो ! नरः ॥२८१॥ कुर्वन्ति चाटुकर्माणि यावत् स्वार्थः प्रपूर्यते ।
च्युतसारं विमुञ्चन्ति निर्लक्षाऽलक्तकं यथा ॥ २८२ ॥ अओ णत्थि मे गमणाभिलासो"। तीए वि अणेगाहिं भणिइभंगीहिं आराहेऊण चित्तं महानिबंधेण कर घेत्तूण णीओ घरं। वच्चंतेण य सा खुजा कलाकोसल्लेण विजापओगेण य अप्फालेऊण कया पउणा । विम्हयखेत्तमणाए य पवेसिओ सो भँवणे । दिठ्ठो देवदत्ताए वामणयरूवो वि अउबलावण्णधारी, विम्हियाए दवावियमासणं । निसण्णो य सो । दिण्णो तंबोलो । दंसियं च माहवीए अत्तणो रूवं । कहिओ य वइयरो । सुट्टयरं विम्हियाए पारद्धो आलावो । महुराहिं वियड्वभणिईहिं तेण आगरिसियं तीए हिययं । भणियं च
अणुणयकुसलं परिहासपेसलं लडहवाणिदुल्ललियं ।
आलवणं पि हु छेयाण कम्मणं किं च मूलीहिं ? ॥ २८३ ॥ एत्थंतरे आगओ तत्य एगो वीणावायगो । वाइया तेण वीणा । रंजिया देवदत्ता, भणियं च 'साहु भो वीणावायग! साहु, सोहणा ते कला'। मूलदेवेण भणियं 'अहो ! अइणिउणो उज्जेणीजणो जाणइ सुंदरा-ऽसुंदरविसेसं' । देवदत्ताए भणियं 'भो ! किमेत्थ खूणं?' । तेण भणियं 'वंसो चेव असुद्धो, सगब्भा य तंती' । तीए भणियं 'कहं जाणेजइ ?' । तेण भणियं 'दंसेमि अहं' । तओ समप्पिया वीणा। कडिओ वंसाओ पाहाणो, तंतीओ वालो, समारेऊण वाइडं पंवत्तो । कया पराहीणमाणसा सपरियणा देवदत्ता । पच्चासण्णे य करेणुया सया रमणसीला आसि, सा वि ठिया घुम्मंती ओलंबियकण्णा । अईवविम्हिया देवदत्ता वीणावायगो य 'अहो! पच्छण्णवेसो विस्सकम्मा एस' । णिवडिऊण चलणेसु विण्णत्तं वीणावायगेण 'सामि ! सिक्खामि तुज्झ सयासे वीणाकलं' ति । मूलदेवेण भणियं 'ण सम्ममहं वियाणामि, जाणामि पुण जे एईए पारगा'। देवदत्ताए भणियं 'के ते ? कहिं वा दिट्ठा ?' । मलदेवेण भणियं 'भण्णए पाडलिउत्ते विक्कमसेणो कलायरिओ । मूलदेवो य ताण अहमासण्णसेवी' ।
इत्थंतरम्मि य समागओ विस्स ई णाम णट्टायरिओ । तओ भणियं देवदत्ताए 'एस महाणट्टायरिओ, भरहं एयरस पञ्चक्खं सव्वं' । मूलदेवेण भणियं 'आमं महाणुभावो एस, एयस्सागई चेचे साहेइ विण्णाणाइसयं। जावाढत्तो भरहम्मि वियारो तओ वामणयवेसधारिणं पेच्छिऊणं विस्सभूई रीढं पकरिओ( ? रेइ ) । तओ मलदेवेण चिंतियं 'पंडेच्चाऽभिमाणी एस, ता करेमि" एयस्स सिक्खं'ति । तओ पुणो वि पुच्छिओ जहा 'एयस्स य एयरस य एयस्स य कहमविरोहो मवइ ?' । तेण वि जंपियमसंबद्ध किं पि । मूलदेवेण भणियं 'भो एवंविहेणावि विण्णाणेण गवं वहसि ? । तओ तुहिको ठिओ विस्सभूई । भणिओ य मूलदेवो देवदत्तार जहीं 'भो महाभाग ! सोहणं तुब्भेहिं भणियं, किंतु एयं एवंविहं चेव, ण इत्य "कोवि परिहारो अस्थि । मलदेवेर्णं भणियं 'को इत्थ परिहारो कीरइ ? इमं वा(चेव) चोज ति, जओ एयमेवंविहं, एयं च एवं विहं' ति। तओ तुट्ठा देवदत्ता चिंतियं च 'किं ऐसो भरहो पच्छण्णरूवी आगओ ? त्ति, ता अवस्सं पुजंति मे मणोरहा एयम्मि'। पुच्छिओ
1A B °सो। तेहि वि। 2 C D करे धे। 3A B °ण अप्फा । 4 C D भवणे। 5A Bणकयरुवो। 60pहिं आगरिसियं तेण तीए। 7A B पाहणो। 8CD पयत्तो। 9A B सण्णकरे। 10 C D°स्स सव्वं पञ्चक्खं । मू। 11 C D° व कहइ। 12 C D °मि से सिक्खवणं ति। 13 C D स्स स[र ]स्स कह। 14 C D हवइ। 15 C D गव्वमुव्वहसि। 16 C D हा महा। 17 C D कोइ। 18 G D°ण लविअं को। 19 C D रो कीइसं कीइसंवा चो। 20 CD°वयत्ता। 21 C D एस सो।