Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 151

१२८
सटीके मूलशुद्धिप्रकरणे तृतीय स्थानकम् तो सूरिपज्जुवासयसाहिं रायाहिरायमह काउं । भुंजंति रजसोक्खं सामंतपयट्ठिया सेसा ॥ ५५ सगकूलाओ जेणं समागया तेण ते सगा जाया । एवं सगराईणं एसो वंसो समुप्पण्णो ॥ ५६ जिणसासणोण्णइपराण ताण कालो सुहेण परिगलइ । सूरिपयपउमगब्भे छप्पयलीलं कुणंताणं ।। ५७ कालंतरेण केणइ उप्पाडेत्ता सगाण तं वंसं । जाओ मालवराया णामेणं विकमाइचो ॥ ५८ पुहईऍ एगवीरो विक्कमअकंतभूरिणरणाहो । अच्छरियचरियआयरणपत्तवरकित्तिपब्भारो ॥ ५९ नियसत्ताराहियजक्खरायसंपत्तवरतियवसेण । अविगणियसत्तु-मित्तं जेण पयट्टावियं दाणं ॥ ६० पयराविओ धराएँ रिणपरिहीणं जणं विहेऊण । गुरुरित्थवियरणाओ णियओ संवच्छरो जेण ॥ ६१ तस्स वि वसं उप्पाडिऊण जाओ पुणो वि सगराया । उन्जेणिपुरवरीए पयपंकयपणयसामंतो ।। ६२ पणतीसे वाससए विकमसंवच्छराओ वोलीणे । परिवत्तिऊण ठविओ जेणं संवच्छरो णियगो ॥ ६३ सगकालजाणणत्थं एयं पासंगियं समक्खायं । मूलकहासंबद्धं पगयं चिय भण्णए इण्हि ॥ ६४ कालयसूरीहिँ तओ सा भगिणी संजमे पुणो ठविया । आलोइयपडिकतो सूरी वि सयं गणं वहइ ॥ ६५
इओ य अस्थि भरुयच्छं णामं णगरं । तत्थ य कालयसूरिभाइणेजा बलमेत्त-भाणुमेत्ता भायरो राय-जुवरायाणो । तेसिं च भगिणी भाणुसिरी । तीसे पुत्तो बलभाणू णाम कुमारो । तओ तेहिं बलमित्तभाणुमित्तेहिं परकूलाओ समागए सूरिणो सोऊण पेसिओ मइसागरो णाम णियमहंतओ उजेणिं । तेण य तत्थ गंतूण सगराइणो महाणिबंधेण विसज्जावेऊण वंदिऊण य विण्णत्ता सूरिणो, अवि य'बलमत्त-भाणुमेत्ता भयब ! भूलुलियभाल-कर-जाणू । भत्तिभरनिन्भरंगा तुहपयकमलं पणिवयंति ॥६६ करकमलमउलम उलं मोलिम्मि ठवित्तु विष्णवंति जहा । तुह विरहतरणिखरकिरणणियरपसरेण सयराहं ॥६७ संतावियाइँ धणियं जओ सरीराइँ अम्ह ता सामि! । नियदंसणमेहोब्भवदेसणणीरेण निव्ववसु ॥ ६८ किं बहुणा?, करुणारससमुद्द ! अम्हाणमुवरि कारुण्णं । काऊणं पावहरं वंदावसु निययपयकमलं' ॥६९
तओ कालयसूरिणो सगरण्णो सरूवं साहिऊण गया भरुयच्छे । पवेसिया य महया विच्छड्डेणं । वंदिया भावसारं बलमेत्त-भाणुमेत्त-भाणुसिरि-बलभाणूहिं । समाढत्ता य भगवया भवणिव्वेयजणणी धम्मदेसणा, अवि य
तुसरासि व्व असारो संसारो, विजुलयाओ व चंचलाओ कमलाओ, उप्पहगामुयबोलावणयसामण्णं तारुण्णं, दारुणदुहदाइरोगा भोगोवभोगा, माणस-सारीरियखेयनिबंधणं धणं, महासोगाइरेगा इट्ठजणसंपओगा, णिरंतरपरिसडणसीलाणि आउयदलाणि । ता एवं ठिए भो भव्वा! लभ्रूण कुलाइजुत्तं माणुसत्तं निद्दलेयव्यो पमाओ, कायव्वो सव्वसंगचाओ, वंदैणीया देवाहिदेवा, कायव्वा सुगुरुचलणसेवा, दायव्वं सुपत्तेसु दाणं, ण कायव्वं णियाणं, अणुगुणेयव्यो पंचणमोकारो, कायव्यो जिणाययणेसु पूयासकारो, भावियवाओ दुवालस भावणाओ, रक्खेयवाओ पवयणोहावणाओ, दायव्वा सुगुरुपुरओ णियदुच्चरियालोयणा, कायव्वा सव्वसत्तखामणा, पडिवज्जेयव्वं पायच्छित्तं, न धारियव्वमसुहचित्तं, अणुट्टियव्वाणि जहासत्तीए तबच्चरणाणि, दमियवाणि दुताणि इंदियाणि, झाएयव्वं सुहज्झाणं वोच्छेज्जए जेण संसारसंताणं । किं बहुणा ?, एवमायरंताणं तुम्हाणं भवेस्सइ अँचिरेणेव निव्वाणं ति ।
10 D °पइट्टि। 2A B °ण्णयप। 3A केणय उ, केण उ उ°। 4 A B °ए ऊ(उ)। 50 D°ययो सं। 60 D°च्छरस्स वो। 70 D सगं । 8 A B°भायणे। 90 D °ण्णविंति। 10 CD
या य भा। 11 A B पस्सेडण। 12 C D मणुयत्तं । 13 B वंदेयब्वा दे। 14 C D °चरण ।
15 C D दुइंतकरणाणि, झा। 16 A B अचिरेण नि।