Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 149

१२६
सटीके मूलशुद्धिप्रकरणे तृतीय स्थानकम् छुरिया, एईए यऽप्पा अम्हेहिं घाइयव्वो, 'उग्गदंडो'त्ति काऊण ण तब्बयणे वियारणा कायव्वा" । सूरिणा भणियं 'किं तुझं चेव रुट्ठो उयाहु अण्णस्स वि कस्सइ ?' । साहिणा भणियं 'मम वज्जियाणमण्णेसि पि पंचाणउईरायाणं, जओ दीसइ छण्णउइमो इमीए सत्थियाए अंको' त्ति । सूरिणा जंपियं 'जइ एवं ता मा अप्पाणं विणासेहि' । तेणं भणियं 'न पहुणा रुटेण कुलक्खयमंतरेण छुट्टेजइ, भैए उण मए ण सेसकुलक्खओ होइ' । सूरिणा भणियं 'जइ एवं तहा वि वाहरसु णियदूयपेसणेणं पंचाणउइं पि रायाणो जेण हिंदूंगदेसं वच्चामो' । तओ तेण पुच्छिओ दूओ जहा 'भद्द ! के ते अण्णे पंचाणउई रायाणो जेसि कुविओ देवो ? । तेण वि सव्वे णिवेइया ।
तओ दूयं विसजिऊण सव्वेसि पि पेसिया पत्तेयं णियदूया जहा 'समागच्छह मम समीवे, मा नियजीवियाई परिच्चयह, अहं सव्वत्थ भलिस्सामि' । तओ ते दुपरिच्चयणीयत्तणओ पाणाणं सव्वं सामगिंग काऊण आगया झडि त्ति तस्स सैमीवे । ते य समागए दट्ठण तेण पुच्छिया सूरिणो 'भगवं ! किमम्हेहिं संपयं कायव्वं ?' । सूरीहिं भणियं 'सबल-वाहणा उत्तरेऊण सिंधुं वच्चह हिंदुगदेसं । तओ समारुहिऊण जाणवत्तेसु समागया सुरदुविसए । इत्थंतरम्मि समागओ पाउससमयो । तओ 'दुग्गमा मग्ग'त्ति काउं सुरदृविसयं छन्नउइविभागेहिं विभज्जिऊण ट्ठिया तत्थेव।
एत्यंतरम्मि य महाराओ व्व रेहिरपुंडरीओ, गरुयसमरारंभसमओ व्ब उल्ललंतबहुगोवो, पढमपाउसो व्य दीसंतसियबलाहओ, मुणिवइ व्य रायहंससंसेविओ, पहाणपासाओ व्व सच्चवेजंतमत्तवारणो समागओ सरयकालो। जत्थ य सुयणजणचित्तवित्तीओ व सच्छाओ महानईओ, सुकविवाणीओ व निम्मलाओ दिसाओ, परमजोगिसरीरं व नीरयं गयणंगणं, मुणिणो व्व सुमणोभिरामा सत्तच्छयतरुणो, वरथवइनिम्मियदेवउलपंतीओ व सुताराओ रयणीओ त्ति । अवि य
निप्पण्णसव्वसासा जत्थ मही अहियरेहिरा जाया । ढिकंति दरियवसहा पमुइयगोविंदमझगया ॥ ३२ पीऊसपूरसरिसा ससहरकिरणावली तमिस्सासु । पव्वालेइ असेसं अहियं भुवणोयरं जत्थ ।। ३३ सालिवणरक्खणोज्जयपामरिगिजंतमहुरगीएहिं । पडिबझंता पहिया पंथाओ जत्थ भस्संति ॥ ३४ इय बहुजियतोसयरे पत्ते सरयम्मि नवरि विदाणो । झत्ति रहंगो भवचित्तरूवसंसाहणत्थं व ॥ ३५
___ एवंविहं च सरयकालसिरिमवलोइऊण णियसमीहियसिद्धिकामेण भणिया ते कालयसूरिणा जहा 'भो किमेवं णिरुज्जमा चिट्ठह ?' । तेहिं भणियं 'आइसह किं पुण करेमो ?' । सूरिणा भणियं 'गेण्हह उजेणिं, जओ तीए संबद्धो पभूओ मालवदेसो, तत्थ पज्जत्तीए तुम्हाणं णिव्वाहो भविस्सइ' । तेहिं भणियं ‘एवं करेमो, परं णत्थि संबलयं, जम्हा एयम्मि देसे अम्हाण भोयणमेत्तं चेव जायं' । तओ सूरिणा जोगचुण्णचहुंटियामेत्तपक्खेवेण सुवण्णीकाऊण सव्वं कुंभारावाहं भणिया 'एयं संबलयं गेण्हह'।
___ तओ ते तं विभज्जिऊण सव्यसामग्गीए पैयट्ठा उज्जेणि पइ । अवंतरे य जे के वि लाडविसयरायाणो ते साहित्ता पत्ता उजेणिविसयसंधि । तओ गद्दभिल्लो तं परबलमागच्छंतं सोऊण महाबलसामग्गीए निग्गओ, पत्तो य विसयसंधि । तओ दुण्हं पि दप्पुद्धरसेप्णाणं लग्गमाओहणं । अवि य
निवडंततिक्खसरझसर-सेल्ल-वावल्ल-सव्वलरउद्दो । खिप्पंतचक्क-पट्टिस-मोग्गर-णारायबीभच्छो॥३६
10 D तुज्झ। 2 'तेण भणिय' इति पाठः प्रतेरेवोपलब्धः। 30 Dमए पुण मएण सेसकुलस्स खेम भवइ । सू। 4 A B हिंडग। 5A B ते पंचा। 6 A B सव्वसा। 7A B °या छड त्ति। 8 C D समीवं । 90 D°यगोवंद। 100 Dए पडिबद्धो। 11 C D कुंभकारावाहं। 120 D संबलं गिह। 130D तेणं
विभ। 14 0 पट्टिया ।