Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 133

११०
सटीके मूलशुद्धिप्रकरणे द्वितीय स्थानकम् बलाहिय'त्ति मण्णमाणा जहासिक्खवियसामायारीए सव्वं पयच्छंति । तओ साहूहिं आगंतूण अजसुहेत्थिणो णिवेइयं जहा 'सव्वत्थ सुहविहारो, उस्सप्पंति णाणाईणि' । एवं च संपइराइणा अणारियदेसेसु वि साहूण विहारो पयट्टिओ । ते य धम्मसिक्खागहणेण तप्पभिई भद्दगा जाया । भणियं च णिसीहे
समणभडभाविएसुं तेसुं देसेसु एसणाईहिं । साहू सुहं विहरिया तेणं ते भद्दगा जाया ॥ १७२ ॥ उदिण्णजोहाउलसिद्धसेणो, स पत्थिवो निजियसत्तुसेणो ।
समंतओ साहुसुहप्पयारे, अकासि अंधे दमिले य घोरे ॥ १७३ ॥ कयाइ तेण राइणा पुव्वभवोदरियत्तणं सुमरेऊण कया चउसु वि नयरदुवारेसु महासत्तायारा । तत्थ दिजए अबारियसत्त-मित्तं महादाणं । उव्वरियं च महाणसियाणं भवइ । ते रण्णा पुच्छिया 'उव्वरियसेसं कस्स भवइ ?' । तेहिं भणियं 'देव ! अम्हाणं' । तओ रण्णा ते समाइट्ठा जहा 'तुब्भे तं साहूणं देज्जह, अहं तुम्हाणं दव्वं दाहामि' । ते 'तह'त्ति पंडिवजेऊण रायाएसं, तं साहूण दिति । नगरे य भणिओ कंदुइग-नेसत्थिय-दोसियाइओ सव्यो वि लोगो जहा 'जं साहूणं उवगरइ तं सव्वं देजह, अहं मे मोल्लं दाहामि' । तओ लोगो तहा काउमारद्धो । अजसुहत्थिसूरी पुणे एयं जाणमाणो वि सिस्साणुरागेण ण णिवारेइ ।
इओ य अजमहागिरी विभिण्णोवासए ठिया । तेहिं च चोइया अजसुहत्थिणो जहा 'कीस अज्जो ! जाणमाणा वि रायपिंडमणेसणियं च गेण्हह ?' । अजसुहत्थिणा भणियं “जहा राया तहा पय'त्ति रायाणम[यत्तमाणा एए पयच्छंति" । तओ 'माइ'त्ति काऊण रुढेहिं अजमहागिरीहिं भणिओ जहा 'अज्जो ! तुमं मम अज्जप्पभिइ विसंभोगो । भणियं चाऽऽगमे
सरिकप्पे सरिछंदे तुल्लचरित्ते विसिहतरए वा । साहूहिँ संथवं कुजा णाणीहि चरित्तजुत्तेहिं ॥ १७४ ॥ सरिकप्पे सरिछंदे तुल्लचरित्ते विसिट्टतरए वा।
आएज भत्त-पाणं सएण लाभेण वा तूंसे ॥१७५ ॥ एयं च सोऊण आउट्टो अजसुहत्थी मिच्छादुक्कडं दाऊण भणइ 'न पुणो एवं काहामि, खमह मह एगावराहं' । तओ पुणो वि संभुत्तो । संपइराया वि रजं काऊण विसुद्धं सावगधम्ममणुपालेऊण गओ देवलोगं । सुमाणुसत्ताइकमेण य सिद्धिं पावेस्सइ त्ति ।
गतं सम्प्रतिनृपाख्यानकम् ।
इति वृत्तार्थः ॥ ३७॥
भणितमपूर्वचैत्यनिर्मापणम् । अधुना तस्य परकृतचैत्यानां च यत् कृत्यं तत् प्रकरणोपसंहारं च वृत्तेनाऽऽह
देज्जा दवं मंडल-गोउलाइं, जिण्णाइँ सिण्णाइँ समारएज्जा । नट्ठाइँ भट्ठाइँ समुहरिजा, मोक्खंगमेयं खु महाफलं ति ॥ ३८ ॥
10D हत्थीण णि°। 2 C D ति य णा। 3A B दिवारि(? दवावि)जए। 4 0 D पडिच्छिऊण । 5 CD °ण जाण' 60 D °णुवत्त । 7 इमे गाथे बृहत्कल्पभाष्ये ६४४५-४६ तम्यौ। 8 C D तुस्से । 9 Eति ॥ जिणचेइयाणं ति बीयं ठाणं ॥ छ।।