Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 129

सटीके मूलशुद्धिप्रकरणे द्वितीय स्थानकम् काऊण धूवमुप्पाडेऊण वियालवेलाए कारीसमझे इंगालं छोढूण गओ नियगेहे । इयरो वि तेण जलणेण डझंतो सम्म सहइ । अवि य
देहं असुइदुगंधं भरियं बहुपित्त-मुत्त-रुहिराणं । रे जीव ! इमस्स तुमं मा उरि कुणसु पडिबंधं ॥ ८२ पुण्णं पावं च दुवे बच्चइ जीवेण णवरि सह एयं । जं पुण इमं सरीरं कत्तो तं चलइ ठाणाओ? ॥ ८३ तिरियत्तणम्मि बहुसो पत्ताओं तुमे अणेगवियणाओ। तो ताओं संभरंतो सहसु इमं वेयणं जीव !॥ ८४ नरयम्मि वि जीव ! तुमे णाणादुक्खाइँ जाइँ सहियाई । इण्हि ताइँ सरंतो विसहेज्जसु वेयणं एयं ॥ ८५
किंचजाव न मुंचामि लहुं पाणेहिं इत्थ जीयसंदेहे । ताव इमं जिणवयणं सरामि सोमं मणं काउं ॥ ८६ एगो उ जाइ जीवो, मरइ य उप्पजई य तह एगो । संसार भमइ एगो, एगो चिय पावए सिद्धिं ।। ८७ नाणम्मि दंसणम्मि य तह य चरित्तम्मि सासओ अप्पा। अवसेसा दुब्भावा वोसिरिया जावजीवाए॥ ८८ हिंसा-ऽलिय-चोरिक्के मेहुण्ण-परिग्गहे य निसिभत्ते । पञ्चक्खामि य संपइ तिविहेणाऽऽहार-पाणाई ॥ ८९ जे मे जाणंति जिणा अवराहा जेसु जेसु ठाणेसु । ते हं आलोएमो उवढिओ सम्मभावेणं ॥ ९० छउमत्थो मूढमणो कित्तियमित्तं च संभरइ जीवो। जं च न सुमरामि अहं मिच्छा मिह दुक्कडं तस्स॥९१ अण्णं च मञ्झ संपइ जुत्तं अप्पहियमेव काउं जे । मरणम्मि समावण्णे तम्हा सुमरामि अरहते ॥ ९२ इणमो अरहंताणं णमो, णमो तह य सव्वसिद्धाणं । आयरियुज्झायाणं णमो, णमो सव्वसाहूणं ॥ ९३ एवं सुहपरिणामो चाणको पयहिऊण णियदेहं । उववण्णो सुरलोगे विमाणमज्झम्मि तियसवरो ॥ ९४
सुबंधुणा वि पत्थावेण विण्णत्तो राया 'देव ! चाणकगिहेण पसाओ कीरउ' । णरवइणा वि तह'त्ति पडिवण्णे गओ तत्थ । दिटुं च तं सव्वं सुण्णं । सम्मं निरूवयंतेण दिटुं एगोवरगस्स टक्कियं दुवारं । 'जं किंचि सारं तमित्थ भविस्सइ'त्ति चिंतंतेण विहाडियं जाव पिच्छइ मंजूसं । 'अरे ! पहाणरयणाणि इत्थ भविस्संति' त्ति भित्तण तालयाणि सा वि उग्घाडिया जाव समुग्गयं मघमघंतगंधमवलोएइ । 'हुं वइरा इत्थ होहिंति'त्ति परिभावेऊण उग्घाडिओ। पेच्छइ य तत्थ पत्तयं सुंगंधिगंधियं । तओ गंधे अग्घाइऊण पत्तयं वाएइ । लिहियं च तत्थ
'अग्घाइऊण गंधे ऍए जो पियइ सीयलं सलिलं । भुंजइ मणोजभुजं वरखाइम-साइमं चेव ॥ ९५ जिंघइ सुगंधगंधे सुमणस-कप्पूरपभिइए रम्मे । पेच्छइ मणोहराई रूवाइं चित्तमाईसु ॥ ९६ वीणा-वेणुरवड्ढे कायलगीयाइयं निसामेइ । विलया-तूलि-उवाहणगाई फासे इ" सेवेइ ॥ ९७ किं बहुणा ?, पंचण्ह वि विसयाण मणोहरं तु जो विसयं । मुंजइ सो जमगेहं वच्चइ णत्थेत्थ संदेहो ॥ ९८ विहियसिरतुंडमुंडणवेसो पंतासणाइकयवित्ती। साहु व्व चिट्ठई सो धरइ जियं, अण्णहा मरइ' ॥ ९९ इय वाइऊण तत्तो चिंतइ मंती सुबंधुणामो सो। 'धिसि धिसि मह बुद्धीए मएण जो मारिओ तेण ॥१०० मइमाहप्पं सो च्चिय चाणको धरउ जीवलोगम्मि । जेण भएण वि अहयं जियंतमयगो विणिम्मविओ' ॥१०१ इय चिंतिऊण तो सो विण्णासेत्ता अणाहपुरिसम्मि । जीवियलुद्धो धणियं चिट्ठइ वरसाहुकिरियाए॥१०२ किंतु अभव्यत्तणओ भावविहूणो भवम्मि भीमम्मि । भमिही अणंतकालं विसहतो तिक्खदुक्खाइं ॥१०३
1A B °गालमं(ग) छो। 2 A B °व तुम इमस्स उवरि मा कु°। 3 A B °त्ता य तुमे। 4 C D ताय सरं। 5A B न मुच्चामि । 6A B °गो वि जाइ। 70 °णाणं । 80D महं। 9A B वि विनत्तो पत्यावेणं राया । 10 C D भन्तूण। 110D मात गंध। 120D सुगंधगं। 13 A B एयं जो । 140D °जभोज । 150 D य।