Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 128

१०५
सम्प्रतिनृपाख्यानकम् गाओ न चेव भयं हवई' । त्ति संपहारेऊण सहमाणं सहमाणं भुंजाविओ विसमिस्समाहारं । रणो य धारिणी णाम महादेवी । तीसे य पहाणगब्भाणुभावेण समुप्पण्णो दोहलओ, अवि य
धण्णाओं कयत्थाओ ताओ जणणीओं जाओं नरवइणा । जंति एगथाले सहेगसीहासणगयाओ ॥७६ किं ताण जीविएणं ? विहलं चिय ताण गब्भउब्वहणं । जाओं न रण्णा समयं भुजंती एगथालम्मि ॥७७
तओ तम्मि दोहले अपुज्जमाणे परिदुब्बलंगी संजाया । तारिसिं च दट्टण पुच्छियं चंदगुत्तरण्णा जहा 'पिए!
किं तुज्झ नेय पुजइ साहीणम्मि वि मए?, किमहवा वि । भणिया केणइ किंचि वि दुव्वयणमणज्जकजेणं? ॥७८ किंवा वि केणइ तुहं आणाए खंडणं कयं देवि ! ? । कस्स अयंडे कुविओ जमराया अज्ज भो! सहसा ?' ॥७९ पडिभणइ धारिणी तो 'नेयाणं होइ देव ! एगं पि । गब्भाणुभावजणिओ किंतु महं डोहलो एसो ॥८० जइ नरवइणा सद्धिं अहयं भुंजामि एगथालम्मि' । तो भणइ णिवो 'चेट्ठसु वीसत्था, पूरिमो एयं' ॥८१
तओ बीयदिणे भोयणोवविठ्ठो पंभणिओ तीए राया एगत्थभोयणं । तेण वि जाव तं तहेव पडिवन्नं । तओ णिवारिओ चाणकेण जहा 'मा देहि महुरयभाविओ एस सव्यो वि तुज्झ संतिओ आहारो' । तओ दिणे दिणे मग्गंतीए वि चाणकभएणं न देइ राया । अण्णदिणम्मि य अणागच्छंते चाणके मग्गिओ एगकवलं । दिण्णो य तेण । तओ जाव तं मुहगयमासाएइ ताव पत्तो चाणको । दिट्ठा य पलिसायंती । 'अहो ! अकजं, अहो! अकजंति भणमाणेण छुरियं गहाय पोट्ट फालेऊण कड्डिओ दारगो । घयाइमझे य धरिऊण पूरियाणि अपुण्णदिणाणि । जणणीए' तं कवलं पलिसायंतीए पडिओ तस्स उत्तमंगे एगो बिंदू, तेण तस्स बिंदसारो चेव णामं कयं । वड्डिओ देहोवचएण कलाकलावेण य । उवरए य पियरम्मि सो चेव राया जाओ । भणिओ य धावीए जहा 'पुत्त ! सम्मं चाणक्करस वट्टेजसु' । सो वि तहेव वट्टइ ।
अण्णया य एगंतसंठिओ भणिओ गंदसंतिएण सुबंधुणा सचिवेण जहा 'देव ! जइ वि अम्हाणमुवरितुब्भे अप्पसाया तहा वि जमेयस्स पट्टस्स हियं तमम्हेहिं विण्णवेयव्वं, तत्थ जो एस चाणक्कमंती सो अईवखुद्दो, जओ एएण देवस्स जणणी आरडंती पोटं फालेऊण मारिया, ता तुब्भे वि पयत्तेण अप्पाणं रक्खेजह' । तओ राइणा पुच्छिया अंबधाई जहा 'अंब ! किमेयं सच्चं जं मह जणणी चाणकेण विणासिया ?' । तीए भणियं 'पुत्त ! सच्चति । तओ कुविओ चाणक्कस्सोवरि राया। आगच्छंतं दट्टण ठिओ ज्झत्ति परम्मुहो । इयरो वि पिसुणप्पवेसं णाऊण तओ चेव णियत्तऊण गओ नियगेहं । तत्थ दव्वं सयणवग्गं च जहोचियं निजोजिऊण एगत्थोवरगे मंजूसामज्झे गंधसमुग्गयं सपत्तयं छोढूण तालयाणि दाऊण णिग्गओ णयराओ । अणसणं गहाय ठिओ कारीसमझे इंगिणिमरणेण ।
इओ य अम्मधाईए भणिओ राया 'पुत्त ! दुटु कयं जममच्चो परिभूओ, जओ एयसंतियं ते रजं पाणा य' । त्ति भणिऊण साहिओ सव्वो वि पुब्बो वइयरो। 'ता खामित्ता सिग्घमाणेहि' । तमाइण्णेऊण राया वि गओ सपरियणो चाणकसमीवं। खामेत्ता य भणइ 'एह पसायं काऊण घरं वच्चामो'। चाणकेण भणियं 'सव्वं परिचत्तं मए, जओ पडिवण्णमणसणं' । तओ निच्छयं णाऊण खामेत्ता वंदित्ता य गओ बिंदुसारो णिययगेहं । सुबंधुणा वि 'जइ कह वि णियत्तइ ता ममं णिकंदं उप्पाडेइ'त्ति चिंतिऊण विण्णत्तो राया जहा 'देव ! चाणकरस संपयं समसत्तु-मित्तभावस्स देवाणुमएण पूयं करेमि । राइणा वि ‘एवं करेह' त्ति भणिए मायाए पूर्य
10 D तारिसियं च । 2A B केण य। 3 C D °डे सहसा, जमराया अज्ज परिकुविओ। 4 C D °णं देव ! होइ एक पि। 50 D पणइओ। 6 A B ज्झेण धरे। 7 C D °ए य तं। 8 A B°माणेह। 9 A B मम । 100 D °डेय ति।
मू० शु० १४