Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 102

धन्याकथानकम् सुहमणुहवंताणं वच्चए कालो। अन्नया य देवी फल-फुल्लरहिरं णियकंतिविच्छाइयासेसवणलयं कप्पलयं सुमिणे पासेत्ताणं पडिबुद्धा । साहियं च जहाविहिणा सुमिणयं दइयस्स । तेण वि समाइ8 जहा 'देवि ! तुह सयलविलयायणप्पहाणा बहुजणोवगारिणी धूया भविस्सइ । देवी वि ‘एवं होउ'त्ति अभिणंदिऊण गया सट्ठाणं । तओ तं चेव दिणमाई काऊण पवड्डमाणगब्भा पूरेजमाणजिणबिंबपूया-हवणाइडोहला नियसमए य पसूया देवी । दिट्ठा य नियपहाजालेणोज्जोयंती तमुद्देसं दारिया। निवेइओ य धूयाजम्मो णरेंदस्स । तेणावि जहोचियं ठिइपडियं काऊण निव्वत्तसुइजायकम्माए पइट्ठियं णामं धूयाए रयणप्पभ त्ति । सा ये निव्वाय-निव्वाघायगिरिकंदरसमल्लीण ब्व चंपयलया वड्डइ देहोवचएण, सुक्कपक्खचंदलेह व्व कलाकलावेण य, जाव जाया चोदसवारिसिय त्ति । तओ दासचेडियाचक्कवालसंपरिवुडा कंचुइसमेया पाइक्कवंदसंपरिखित्ता सुवण्णमयजंपाणारूढा हिंडइ पइदिणं अभिरममाणी उजाण-वावि-दीहिया-सरोवराईसु ।
अन्नया भणिया पियंकरियाऽहिहाणाए दासचेडीए 'सामिणि ! न कयाइ अम्हे महोदयानइतीरट्ठियउज्जाणेसु गयाओ, ता जइ सामिणीए पडिहासइ तो तत्थ गंतूण उजाणसिरिं नई च पेच्छामो' । तओ सा सहरिसं ‘एवं होउ'त्ति जंपमाणी गया तत्थ । अवलोइया य परिपेरंतेसु भमिऊण महानई, पविट्ठा य कोउगेण नईतीरट्ठियं वरोज्जाणं । तत्थ य असोय-पुण्णाय-नाय-हिंताल-ताल-तमाल-सरल-सज्ज-ऽज्जुण-सहयार-चंपय-बउलतिलय-लउय-छत्तोय-सत्तिवण्णाइपहाणतरुवरमज्झट्ठियं पेच्छइ अदब्भसरयब्भविब्भमं जिणमंदिरं । तं च दळूण हरिसुप्फुल्ललोयणा जाव पविसइ ताव दिट्ठा अंकमहारयणविणिम्मिया भयवओ चंदप्पहसामितित्थंकरस्स पडिमा । 'काहिं मण्णे मए एसा पडिमा एयं च मंदिरं दिलृति ईहा-ऽपूहमग्गणगवेसणं कुणमाणी मुच्छावसविमउलमाणलोयणा पव्वायंतवयणकमला थरथरंतसव्वंगोवंगा विमुक्कसंधिबंधणा धस त्ति धरणीयलम्मि निवडिया। तओ पच्चासण्णपरियणो 'किमेयं किमेयं ? ति हाहक्कंदपरो विविहाओ चेट्ठाओ काउमाढत्तो । अवि य
अंगाइँ मलइ को वि हु, को वि हु सलिलेण सिंचई तुरियं । को वि हु वीयइ वरतालियंटवारण अणवरयं ॥१ गोसीसचंदणेणं सरसेणं को वि लिंपई देहं । को वि हु तुरियं तुरियं गंतुं रायस्स पासम्मि ॥२ विण्णवेई 'देव ! परितायह त्ति ण य किंचि कारणं मुणिमो। किंतु अवस्था गरुई वट्टइ कुमरीऍ देहम्मि' ॥३
तओ राया तं निसामिऊण बाहोल्ललोयणो संभमवसखलंतवयणो 'अरे वाहरह तुरियं विजंति भणमाणो जच्चतुरंगमारूढो झड त्ति गओ जिणमंदिरं । तयणुमग्गेण य सिरिकंतादेवीपमुहमंतेउरं, सामंत-मंति-पउर-लोगो य । इत्थंतरम्मि य सुमरेऊण पुव्वजाइं लद्धचेयणी उट्ठिया कुमरी। रण्णा य उच्छंगे णिवेसिऊण पुच्छियं 'वच्छे ! किमेयं ?' ति । तीए भणियं। 'अडइहिं पत्ता णइहिं जलु, तो वि ण चूहा हत्थ । अम्मो ! तसु कवाडियह अज्ज वि सा इ अवस्थ' ॥ ४
राइणा भणियं 'वच्छे ! ण किंचि एयमवगच्छामो ।' तीए संलत्तं 'ताय ! उवविसावेह लोयं, होह दत्तावहाणा, जेण सव्वं सवित्यरं साहेमि एयस्स दूहयस्स अत्यं' । वयणाणंतरं च पडिहारेण णिवेसिओ सव्वो वि लोगो। राइणा वि भणियं 'वच्छे ! दत्तावहाणो चेवाहं ता साहेहि सव्वं । रयणप्पहाए भणियं
अत्थि ताव तुम्हाण पसिद्धं चेव एवं सिरिवद्धणं णाम णगरं । इत्थ य अत्थि आजम्मदारिदोवहओ पइदिणं कट्ठभारयाऽऽणयणजणियभोयण-ऽच्छायणवित्ती भग्गलियाऽहिहाणो णाम कव्वाडिओ। तस्स य धन्ना णाम भारिया । ताणि य पइदिणं पच्छिमरयणीए उत्तरिऊण इमं महोदयं महाणइं वच्चंति कट्ठाणं । सीसारोवियभारगाणि समागच्छंति जाव एस जो उज्जाणस्स अदूरसामंते वडरुक्खो, तस्स य छायाए वीसमेऊण
10 D°प्पह त्ति। 20 D वि। 3A B याच उदसवरि। 4A B पहासह। 5A B°हिंताल-तमा । 60 D°सत्तवः। 7 0 D हरिसप्फु। 8 0 D°यलं संनिव। 9 A B °लेहि सिंचए। 10 A B °इ कोवि परि । 11 A B वि। 12 A B कुमरिस्स देह। 13 A B बाहल्ल। 14 A B°ण सिरि। 15A B °णा य उ । 16 0 D कुमारी। 17 0D भूहा । 18 A B अम्मी। 19 A B व सिरि । 20 A B °दरिहों। 21 0 0 °णवित्ती।