________________
હર
सिरिसोमप्पहसूरि-विरइयं हा ! दिव्व दुह ! तुमए अलिय-कलंको सको वि मे दिलो । निवासिया घराओ जत्तो धिक्कार-पुव्वमहं ||४२२|| पत्ता पइ-पुत्ताणं विओगमडवीइ अयगरग्गसणं । धणधम्मस्स य पडिवन्न-भाउणो बंधणाइ दुहं ||४२३|| अज्ज वि तुमं न तित्तो मह दसहं दक्खमित्तियं दाउं । सील-रयणं पि अवहरिउमिच्छसे तं पुण न जुत्तं ||४२४|| अवहरसु वरं जीयं महंत-संताव-कुलहरं मज्ा । रक्खेसु सील-रयणं दोगच्च-विणासणं एक्वं ॥४२५।। जओआणं ताण कुणंति जोडिय-करा दास व्व सव्वे सुरा,
मायंगाऽहि-जलऽग्गि-सीह-पमुहा वटुंति ताणं वसे । होज्जा ताण कुओ वि नो परिभवो सग्गाप"वग्गस्सिरी,
ताणं पाणितलं "उवेइ विमलं सीलं न लंपंति जे ॥४२६।। इय चिंतंती बाला विसन्न-चित्ता न देइ पडिवयणं । चोराहिवेण तत्तो समप्पिया नियय-जणणीए ||४२७।। भणिया अणेण जणणी पसाइयव्वा तहा इमा अंब ! । पडिवज्जए जहा मं दढाणुराएण हरिणच्छी ।।४२८|| तीए वि इमा भणिया भद्दे ! पत्तासि भत्तुणा विरहं । एत्थंतरम्मि छीयं केण वि तो चिंतियमिमीए ||४२१।। नूणं न मज्झ विरहो पइणा होहि त्ति तो सउण-गंठी । वत्थंचलम्मि “बद्धा भद्दाए विहिय-हरिसाए ।।४३०।। ता संपइ पडिवज्जसु भत्तारं मज्झ नंदणं एयं । एयम्मि" अणुकूले समग्ग-सुह-भायणं होसि ||४३१।। एयम्मि उ पडिकूले निरप्पणो पाण-संसओ तुज्झ । एवं पन्नविया वि हु न जाव पडिवज्जए किं पि ||४३२|| तावागओ कसमुप्पाडिऊण हंतुमुज्जओ चोरवई जाव कसप्पहारं न देइ ताव अहासन्निहियाए गुण-पक्खवाइणीए देवयाए मुच्छा..निमीलियच्छो पाडिओ धस त्ति २०धरणियले । आउलीहूया तज्जणणी, विसनो परियणो, कया सिसिरोवयारा, न जाओ को वि विसेसो, ठिओ कटं व निच्चिहो सो, उहिया गयणंगणे वाणी- जइ इमीए महासईए
For Private & Personal Use Only
Jain Education International
www.jainelibrary.org
