________________
सुमहनाह-चरियं
दिट्ठा 'मायंदी - पत्थिएण धणधम्म-सत्थवाहेण । महुर- वयणेहिं पुट्ठा का सि तुमं कत्थ वा चलिया ? || ४०८ रोयंतीए तीए वुत्तं पडिकूल - विहि-निओगेण । चलिया "वणिय - सुया हं 'मायंदिपुरीइ पिउ-पासे ||४०|| बहिणि त्ति तेण पडिवज्जिऊण भणिया तुमं पराणेमि । खेमेण तत्थ तत्तो तेण समं पत्थिया भद्दा ||४१०|| अह अडवीए मज्झे निसाइ आवासियरस सत्थस्स । सुत्ता पयाण - समए गिलिया भद्दा 'अयगरेण ||४११|| एयं अपिच्छमाणो सत्थवई आउलत्तणं पत्तो ।
जा सव्वत्थ गवेसइ " अयगर - मग्गं तओ नियइ ||४१२|| वच्चंतो तम्मग्गेण पेच्छए "अयगरं गरुय - कायं । आणइ लेहुणा तं सो भद्दं झत्ति उग्गिरइ ||४१३|| जीवंतिं तं घेत्तुं मिलिओ सत्थरस अग्गओ जाइ । बीय- रयणीए" सत्थे जणस्स निद्दा - पवन्नस्स ||४१४|| हण हण हणत्ति भणिरा पडिया पहरण भयंकरा चोरा । तेहि समं सत्थवई सपरियरो जुज्झिउं लग्गो ||४१५ || घाएहिं "पाडिओ सो बद्धो सत्थो य लूडिओ सव्वो । गहिया अणेहिं भद्दा नेऊण समप्पिया पहुणी ||४१६|| तं दहुं सो तुट्ठो चिंतइ चित्तेण अणंग - विहुरंगो | रइ-रंभप्पमुहाओ वहंति दासित्तणमिमी ||४१७|| भद्दाए मणहरणत्तणेण मयणस्स दुज्जयत्तणओ । अमुणिय- कज्ज - विवागेण चोर-नाहेण सा भणिया ||४१८ || सुंदरि ! पसीय पसयच्छि ! पेच्छ मं पेम्म- पुण्ण नयणेहिं । पडिवज्जसु मं दईय-सुखं विलससु सुरवहु व्व ||४१९|| मह भूय-पंजर - गया सेवंती विसय सुक्खमवखंडं । मा बीह कयंताओ वि किं पुण सामन्न- मणुयाओ ? ||४२०|| चिंतइ मणम्मि भद्दा मुत्ताहल - थूल - बाह-बिंदूहिं । सोयानल - पज्जलियं निय-हिययं निव्ववंति व्व || ४२१||
Jain Education International
७१
For Private & Personal Use Only
www.jainelibrary.org
